ជម្រៅចិត្តស្នេហ៍

ផ្ដើមរឿង+ ភាគទី១ ( ឈ្លោះគ្នា....)

ហ៊ូ!!!

សម្លេងតន្ត្រី k-pop បន្លឺរឡើងជាចង្វាក់កន្ត្រាក់អារម្មណ៍ ហៅសម្លេងគាំទ្រពីមនុស្សម្នាដែលមកទស្សនានាំគ្នាហ៊ោកញ្ជ្រៀវ ខណៈដែលសមាជិកក្រុមតារាប្រុសល្បីឈ្មោះប្រចាំប្រទេសចាប់ផ្តើមបង្ហាញខ្លួននៅលើឆាកដ៏ធំ មុននឹងបញ្ចេញក្បាច់រាំនឹងច្រៀងតាមចង្វាក់ភ្លេងរបស់ពួកគេដោយមិនភ្លេចរាដៃ នឹងបង្ហើរស្នាមញញឹមមានមន្តស្នេហ៍ទៅកាន់ហ្វេនៗ។

"គីម ណាមជូន គីម ស៊ុកជីន ជុងហូស៊ុក មីន យ៉ុនហ្គី ផាក ជីមីន គីម ថេយ៉ុង ចន ជុងហ្គុក ហ៊ូ!!!!!" ហ្វេនៗនាំគ្នាហៅឈ្មោះសមាជិកក្រុមតាមលំដាប់ រហូតដល់ចុងក្រោយ ដោយស្នាមញញឹមត្រេកអរនឹងរំភើបដែលអាចជួបទេវបុត្រទាំង៧អង្គនៅក្នុងដួងចិត្តផ្ទាល់ៗបែបនេះទោះត្រឹមឃើញពីចម្ងាយក៏ដោយ។

"Army!!!!" ភ្លាមៗសមាជិកម្នាក់ក៏ហៅហ្វេនៗរបស់ខ្លួន ហៅសម្លេងហ៊ោកញ្ជ្រៀវមិនដាច់សូរ រាងកាយខ្ពស់ស្រឡះ បណ្ដើរគ្នាដើរទៅកាន់ជ្រុងឆាកនីមួយ នឹងរាំបណ្ដើរ រហូតដល់ខាងមុខឆាក ផ្ទៃមុខសង្ហាបង្ហាញស្នាមញញឹមជាប់បបូរ ហាក់មិនចេះហត់នឿយ ពោរពេញទៅដោយក្ដីសុខព្រោះតន្ត្រីគឺក្ដីសុខរបស់ពួកដោយមាន អាមី គឺជាកម្លាំងចិត្តដ៏ធំបំផុតសម្រាប់ពួកគេ ធ្វើឲ្យអាមីនៅខាងក្រោមមានក្ដីសុខដែលបានគាំទ្រពួកគេដូចគ្នា សមាជិកម្នាក់ច្រៀងផងរាំផង ពេលខ្លះក៏ដេញប្រលែងគ្នាពេញឆាក លេងសើចក្រមិចក្រមើម កាន់តែបន្ថែមសម្លេងហ៊ោលើសដើម ព្រោះគ្រឺតខ្នាញ់នឹងម្ចាស់មន្តស្នេហ៍ដែលចេះរាយរោយមិនចេះអស់។

"អ្ហា!!!!!"

សម្លេងហ៊ោនៅតែបន្ត ហ្វេនម្នាក់ៗនាំគ្នាកាន់រូបអាយដលនឹង នឹងភ្លើងឡូហ្គូរបស់ក្រុមអាយដល ក្រវីទៅមក ហើយក៏រាំតាមចង្វាក់ភ្លេងមិនចេះហត់ រហូតដល់ខនសឺតបញ្ចប់

B7 ក្រុមតារាចម្រៀង k-pop ល្បីក្នុងសម័យកាលថ្មី បំបែកកំណត់ត្រាថ្មីរបស់ K-pop នាំកេរ្តិ៍ឈ្មោះល្បីល្បាញត្រឹមរយៈពេលមិនប៉ុន្មានឆ្នាំ ថែមទាំងបង្ហើរក្លិនពិដោរក្រអូបឈ្ងុយទៅកាន់ពិភពលោកឲ្យស្គាល់ពី K-pop កាន់តែទូលំទូលាយ។