ជម្រៅចិត្តស្នេហ៍

ភាគទី៣ ( យកខួរគិត...)

ថេយ៉ុង ក្រព័ទ្ធដៃអោបជាប់ទ្រូង សម្លឹងទៅទីណាក៏មិនដឹងឲ្យតែផុតពីមុខសង្ហាៗរបស់ Jk ដែលអោនមកជិតសឹងតែប៉ះគ្នា ក្នុងចិត្តសែនស្អប់ ស្អប់មុខដូចកូនទន្សាយមួយនោះដែលតែងតែតាមយាយី តាមរំខានគ្រប់ពេល ពេលគេអារម្មណ៍ល្អក៏មកញិកញ៉ក់ ញ៉ោះឲ្យខឹងឲ្យសើចពេលអារម្មណ៍មិនល្អក៏សួរនាំមិនបានអាងអីជះកំហឹងដាក់មិនដឹងខុសមិនដឹងត្រូវ ចាត់ទុកនាយដូចជាធុងសម្រាមចង់ចោលពេលណាក៏បាន គិតៗហើយនឹកឃើញរឿងឈ្លោះគ្នានោះកាន់តែក្ដៅក្រហាយ ចង់តែទះមុខសង្ហាឲ្យបែក ជាពិសេសអាមាត់កំហូចនោះ បុិនណាស់ ខាងលួងលោមឲ្យចិត្តទន់រហូត។

"សុំទោសហ្នឹង ចេញពីចិត្តឬក៏គ្រាន់តែឲ្យរួចពីមាត់ទេ?"  ទីបំផុត ថេយ៉ុង ក៏ព្រមឆ្លើយតបនឹងរាងក្រាស់ មុខសង្ហាដែលជាកូនទន្សាយស្លូតបូតមុននេះប្រែជាញញឹមស្រស់សឹងតែប្រេះថ្ពាល់ រាងកាយខ្ពស់មាំសសៀរទៅជិត កាយស្ដើងរបស់ ថេយ៉ុង ហើយអោបពីក្រោយជាប់។ អោបដូចគូរស្នេហ៍ អោបជាប់ណែនដៃ តាមអារម្មណ៍ដែលចង់ធ្វើ បើអាចចង់លេបទុក។ 

"ចេញពីចិត្ត ពិតមែន ! មកពីខ្ញុំខ្លាចបងស្រលាញ់នាងជាងខ្ញុំ  អញ្ចឹងហើយបងត្រូវតែស្រឡាញ់ខ្ញុំឲ្យខ្លាំងជាងនាង" បបូរមាត់រប៉ិលរប៉ូចនិយាយបណ្ដើរឆ្មក់ថើបកញ្ចឹងកសខ្ចីបណ្ដើរខ្សឺតៗ ហាក់ដូចជានឹកណាស់ទាំងដែលនៅក្បែរគ្នារាល់ថ្ងៃសោះ ធ្វើឲ្យម្ចាស់សមីខ្លួនដែលត្រូវគេលូកលាន់ទប់អាការៈអៀនសឹងតែមិនជិត ភ្លេចកំហឹងមុននេះអស់រលីង តែក៏មិនភ្លេចស៊កសៀតទៅនាយវិញ។ សង្សាគេសោះតែខ្លាចគេស្រឡាញ់សង្សាជាងមិនដឹង ជុងហ្គុក ខួរនៅកន្លៀតកៀនកោះណាមកគិតទេលោកអើយ។

"ហេតុអីខ្ញុំត្រូវស្រឡាញ់ឯងជាងនាង ? នាងជាសង្សាឯងត្រឹមជាប្អូនក្ដីស្រឡាញ់ផ្សេងគ្នាទេតើ គ្មានអីត្រូវច្រណែនទេ"

Jk នៅស្ងៀមធ្មឹងគិតពីសម្ដីរាងស្ដើង ពិតមែនហើយ! ហេតុអីគេត្រូវច្រណែននាង? ក្ដីស្រឡាញ់ទាំងពីរនេះផ្សេងពីគ្នាមិនដូចគ្នាអ្វីបន្តិចហេតុអ្វីក៏គេកើតទុក្ខមិនសុខចិត្តបែបនេះ ? Jk សួរខ្លួនឯងគេនៅតែមិនយល់ពីខ្លួនឯងថាត្រូវការអ្វីពិតប្រាកដ? គេដឹងត្រឹមថាមាន ថេយ៉ុង នៅក្បែរគេមានក្ដីសុខ គេសប្បាយចិត្ត ហើយក៏រីករាយគ្រប់ពេលវេលា ទោះកន្លងមកខុសឆ្គងនឹង ថេយ៉ុង យ៉ាងណាក៏នៅតែអោបក្រសោបគេទុក ហួងហែង ការពារ គ្រប់បែបយ៉ាង ទើបគេធ្វើចិត្តមិបានពេលនាយតូចមានមិត្តស្រី។