သို့/ချစ်ရပါသောကောင်ဆိုးလေး

သို့/ချစ်ရပါသောကောင်ဆိုးလေး(၉)

"ဒီနေ့ညပွဲဈေးမှာခေါင်ရည်သောက်ဖို့ချိန်းထားတယ်လာမှာလား"

ဝပ်‌လျှော့သို့နှစ်ယောက်အတူလာရင်းလင်းလင်း‌ကျော်ကညကျရင်ဖြိုးညီတို့နဲ့ခေါင်ရည်သောက်ရန်ချိန်ထားကြောင်းပြောသည်

"အေးသွားကျမယ်လေ၊ငါတို့တောင်မဆုံဖြစ်တာကြာပြီဘဲ"

ဒီရက်ပိုင်းအလုပ်ကိုယ်စီနဲ့မတွေ့ဖြစ်တာလည်းကြာပြီမို့လာခဲ့မယ့်အကြောင်းပြောလိုက်သည်

နှစ်ယောက်သားစကားတပြောပြောနဲ့လျှောက်လာလိုက်တာဝပ်‌လျှော့ရှေ့တောင်ရောက်လာခဲ့ပြီ၊အထဲဝင်လိုက်တာနဲ့တီနုနဲ့စကားပြောနေတဲ့ရဝေလွင်ရဲ့အသံကိုကြာလိုက်ရသည်၊တီနုကိုဘာတွေအပူလာကပ်နေသလဲမသိပါ၊

လင်းလင်းကျော်ကလည်းမင့်ရဲ့အရှုပ်ထုပ်ရောက်နေပြီဆိုပြီးပြောလာသည်၊ကျွန်တော်လည်းအလုပ်ထဲတန်းမဝင်လိုက်ဘဲရဝေလွင်နဲ့တီနုအသံကြားရာမီးဖိုခန်းဘက်ကိုဝင်လာခဲ့လိုက်သည်

တွေ့ပါပြီးတီနုကျွေးထားတဲ့မုန့်ဟင်းခါးကိုခေါင်းမဖော်ဘဲစားနေတာ၊တစ်ချက်တစ်ချက်တီနုကိုလည်းစကားက‌
ပြောနေသေးသည်၊ကျွန်တော်လည်းသူ့အနောက်ကိုမသိမသာခြေသံတိုးတိုးနဲ့ကပ်သွားလိုက်သည်၊တီးနုကလှည့်ကြည့်လာလို့နှုတ်ခမ်းနားလက်ညိုးကပ်ကာမပြောနဲ့ဆိုပြီးအသံတိတ်ပြောလိုက်ရသေးသည်

ပန်းကန်ထဲမှာလည်းငရုပ်သီးတွေထည့်ထားတာဆိုတာနီရဲလို့တောင်နေတယ်၊ပြီးရင်ဗိုက်အောင့်တယ်ဖင်အောင့်တယ်လုပ်ဦးမှာ၊စပ်လို့ထင်ပါရဲ့သံပရာသီးစိပ်လေးကိုအရည်ညစ်ထည့်နေတယ်၊ဒါနဲ့ပြီးမသွားငရုပ်သီးခွက်ကိုလက်လှမ်းလိုက်တာကြောင့်လှမ်းနေတဲ့လက်ကိုရိုက်ချလိုက်သည်

"အဲ့လက်ကဘယ်ကိုလှမ်းချင်သေးတာလဲ၊ကိုယ့်ပန်းကန်ကိုလည်းပြန်ကြည့်ဦး"

သူ့လက်ကိုရိုက်ကာပြောလိုက်တော့လန့်သွားတယ်ထင်သည်၊ခန္ဓာကိုယ်ကတစ်ချက်တုန်သွားသည်၊ကျွန်‌တော်မှန်းလည်းသိရောနောက်သို့လှည့်ကာရန်တွေ့တော့သည်

"အစပ်ပေါ့နေသေးလို့ထပ်ထည့်မလို့လေ၊မသိရင်အငြိမ်နေလျှာမရှည်နဲ့"