جُور السِنين!

3

...

سمعوا صوت خيل والتفت عسّاف وشاف واحد يتقدم وهو ملثم و سحب الباروده وأطلق النار على عسّاف بلمح البصر!

أتسعت عيون عفراء وناظرت عسّاف الي طاح على الأرض والدم يطلع من رجله وهو يضغط عليها بألم ويحاول يسحب بارودته لكنها بعيده عنه...

نزل الملثم من على الخيل وقال: عفراء انتي بخير؟

عفراء بصدمه: ضارب هذا انت!!!

ضارب: بسرعه قبل لا يجون ربعه بسرعه..

التفتت عفراء لـ عسّاف الي يتألم وابتسمت وجلست عنده وقربت من وجهه وهي تشوفه مغمض عيونه من قوة الألم: قلت لك ببكيك وللحين ما جاك شي والله لخليك وأخلي قبيلتك في صياح ماله نهايه أجل انا بنت كلب؟ .

فتح عسّاف عيونه بحده ورفع يده وهو يمسك شعرها ويقرب وجهها له وهمس: والله ان تموتين على يدي يا عفراء..

سحب خنجره بخفه وغرسه بخاصرتها واتسعت عيونها بألم!
وطاحت دموعها ونزلت على خد عسّاف الي غمض عيونه من ألم رجله ودفعها عنه..

وصرخ ضارب بصدمه وركض لها: عــــــــــفراء!!!!!

والتفت لعـسّاف وأنقض عليه وبدأ يضربه ويلكمه على وجهه لين فقد عسّاف الوعي..

توجه ضارب لعفراء ورفعها بسرعه وقال: تحملي تحملي انتي اقوى من الموت انتي اقوى..

صعد على الخيل و عفراء بين يديه والدم يغرق ثوبها..

ضغط ضارب على جرحها وأنطلق بالخيل مبتعد عن المكان..

بينما عسّاف مرمي على الرمل والدم حوله ممزوج بدمها..

.
.
.
.
.
في قبيلة الشيخ ابو ضرغام..

كان ضرغام أخو عسّاف الكبير وشيخ القبيلة من بعد ابوه المتوفي جالس في خيمته والقلق ماكل قلبه..

التفت للي جنبه وقال: عسّاف وينه؟

وردان: عسّاف يا طويل العمر طلع من الفجر يتفقد احوال القبيلة ومشارفها..

ضرغام: للحين؟ ليه ما رجع؟

وردان أنحنى لضرغام وهمس: يا شيخ طال عمرك علامك؟؟! ترا عسّاف رجال واصل للعشرين مب ورع!

ضرغام بهمس: عسّاف رجال لكن متهور وعنيد وانا ما يخوفني الا عناده وتهوره.

وردان: ماعليه قلق شيخ ولد شيخ وأخو شيخ ..

طلّت نرجس من باب الخيمه وهي متلثمه وقالت: يا شيخ ضرغام ابيك بكلمة..

ضرغام ناظر زوجته نرجس وناظر الي حوله ووقف وتوجه لها ودخلت نرجس خيمتها ودخل ضرغام خلفها وقال: وش عندس يا نرجس؟

نرجس برجفه وقلق: قلبي يا ضرغام قلبي متشاغب على عسّاف قلبي يقول لي ان فيه شي..

تنهد ضرغام وقال: حتى انتي؟