....
دخل صالح و عمار لمجلس ناجي الخارجي والي كان مليان رجال
واتسعت عيون صالح وقال بخوف مصطنع: افا يا ذا العلم افااااا وش فيه اخوي وراه ما احد علمني منكم؟؟؟ ليه يا عمار ما علمتني؟؟؟ يا كسر ظهري وش الي صابك يا اخوي؟!!
غمض عمار عيونه بعصبية وهو يصر على أسنانه، هذا وهو منبه عليه ما يقول شي !
ناجي حس من كلام صالح انه انكسر ظهره وقال بتعب: شفت يا اخوي، لعبت فيني الدنيا..
صالح تقدم منه وهو يجلس عنده ويسلم عليه وجلس وهو يناظر رجله وقال: وش الي صابك يا اخوي؟
ناجي: العمر وانا اخوك طيحني.
صالح ناظر عمار بعصبية وقال: وراك مسوي زواجك وعمك تعيب؟؟!!؟ وراك ما تنتظر لين يطيب؟
ناجي: لا لا انا الي قلت له يعرس اما انا ما بقى بالعمر كثر ما راح... الله يطول بعمارهم ويسعدهم..
صالح: وانت يا اخوي ان شاء الله بتطيب توك شباب باقي بتعرس..
ضحكوا الرجال من ممازحة صالح وقال ناجي: اي اي بنت 14
ضحك صالح وهو ينشدهم عن احوالهم والرجال يسئلونه عن حاله لين قال ناجي وهو يتلفت: وين راكان؟ وراه ما جاء معكم؟
عمار ناظر ابوه بتحذير وقال صالح: ايييه يا راكان الله يشفيه ويطول بعمره..
ناجي عقد حواجبه وقال: وش فيه راكان؟
صالح: راكان فيه بلا مدري وشو الي جاه وخليته يروح يتعالج بالمدينة.
ناجي بصدمه: لا تقولها؟
صالح: دعواتكم له يا رجال.
ناجي: كم صار مسافر؟
صالح: له قرابة اسبوعين!
عقد واحد من الرجال حواجبه وقال: اسبوعين؟ كني شفته يوم عند عمار وكانت حالته ما تسر!
بلع عمار ريقه وناظر ابوه وقال: ايييه جاء يودعني وراح
ناجي بعتب: ووراه ما دخل يودعني؟ متى جاء؟
عمار: له اسبوع ونص يعني يوم انك كنت طايح وانا ما حبيت اني ازعجك يا عمي فوق تعبك ومرضك.
ناجي: الله المستعان، الله المستعان..
صالح ناظر عمار وقال: جاك اخوك؟
عمار شد على يده وقال: جاني..
اومئ صالح وهو يناظره وبلع عمار ريقه وهو يشتت نظره في المجلس..
بينما صالح ابتسم بسخرية وهو يصد عن عمار ويبدأ يتكلم مع اخوه ناجي ومع الرجال ويدخل له كلمة يتحسر فيها على اخوه ويهد حيله اكثر ماهو مهدود..
أنت تقرأ
جُور السِنين!
General Fictionعندما تجور السنين على قلب أحدهم وتتهافت الآلام والمصائب.. . بقلم " الرنيد "
