جُور السِنين!

11

..

شمايل بصراخ: وخروا عننا يالي ما تخافون الله..

شريفه بعصبية: يوم تمدين يدك على بنتي تحملي الي يجيك..

رفا ببكاء: هي الي بدت وطقتني هي الي قالت عني كلام ما ينقال.

هدى بعصبية غير معتادة وحصه وحليمه ما سكينها: انا بخليك تعضين الأرض يالي ما تخافين الله، ما تستحين على وجهك في بيتنا وتتكلمين عن ولدنا؟؟؟؟

شمايل ناظرت رفا وقالت: وش قلتي؟

رفا ببكاء: ما قلت غير الصدق علمت البنات عن الي سواه راكان جعل كل خطاه عثرة..

هدى بعصبية: راكان اشرف منك ومن امك...

شهقت شمايل وناظرتهم وهي تصفق يديها: اشرف من مين؟؟؟؟ راكان الفاجر الماجن اشرف مني؟؟؟؟

رفعت كمومها وقالت بعصبية: انا اوريك يالنتفه من الشريف...

هجمت على هدى وهي تضربها وشريفه صرخت بعصبية وسحبت شعر شمايل ورفعتها عن بنتها والصراخ مالي البيت..

شمايل اتسعت عيونها بالشر وهي تشوف شريفه شاده شعرها بكل قوتها..

شريفه: اقسم بالله العظيم ان ما لميتي بنتك وطلعتي من هالبيت الحين ان ما يجيك خير.. بيتي يتعذرك انقلعي..

شمايل مسكت يدين شريفه وهي تحاول تلويهم لكن شريفه ضربتها بقوه على الأرض وجلست وهي تضربها في كتوفها بقوه وشمايل تصارخ وتحاول تدافع عن نفسها او تبعد شريفه عنها..

رفا هجمت على شريفه لكن كانت يد هدى وحليمه و حصه اسرع وسحبوها وهم يدبغونها وصراخها مالي البيت..

والحريم البعض منهم هج والبعض الثاني يتابع الأحداث كلها.

هدى كانت تعض رفا بكل قوتها وهي حاقده عليها كارهتها هي السبب في خسارتها لراكان هي السبب الي خلاه يضيع وما يدرون عن أراضيه هي الي سببت الفرقه هذي.... لو انها ما اتهمت راكان كان ممكن تكون له مب لعمار.

شريفه كانت ناسيه كل شي وناسيه الفضيحة الي بتجيهم من بعد هاللحظة و تاركه موضوع ان بنتها تنتقم، وكل همها انها تكسر اليد الي انمدت على هدى.

وقفت شريفه عن شمايل الي انهد حيلها وما بقى كلمه سوداء ما قالتها بحق شريفه وبنتها..

شريفه بحده: بيتي يتعذرك لا اشوف وجهك بعد اليوم انقلعي انتي وبنتك الله لا كان ردك ولا جابك..

شمايل وقفت وهي تلم شعرها المنكوش وتلملم هدومها وناظرت شريفه وقالت بحقد: والله والله لخليكم انتي وبنتك ما تشوفون الدرب.

شريفه: بالي ما يحفظك يا قليلة الخاتمه بالي ما يحفظك...

التفتت شمايل لهدى الي وقفت وانفاسها متسارعة وقالت: والله ما تتهنين وان هالزواج ما يتم..