جُور السِنين!

22

....

في قبيلة الشيخ هجرس..

والنجوم تلمع فوق خيمة الشيخة فجر، كانت فجر جالسة مع أم سويلم حول سفرة العشاء. الجو هادئ، والحديث يدور بينهن عن الحريم وكلامهن وتاركين ضبيه النايمه على الفراش بتعب وينتظرونها تصحى...

قالت أم سويلم وهي للحين ما ارتاحت من بعد كلام الحريم عن فَجر:   إلا اقول يا فَجر، يا بنتي ، الحريم في الديرة لهن لسان طويل، إذا شافن زلة، ما يخلنها تمر. لازم تكونين حذرة، وتعرفين كيف تتعاملين معهن. الكلمة الطيبة تفتح القلوب، لكن الحذر واجب وانا امتس والروحات الكثيرة للمرعى ما عاد ودي بها...

فجر تنهدت وقالت:  صدقتي، يا عميمة  أنا بحاول أكون قريبة منهن..

ام سويلم:  انتي قريبة منهن وانا امتس ما انتي غريبه عنهن ولا انتي بعيدة تراتس بنت الشيخ وكلامتس الي يمشي..

فَجر:  اجل دامي بنت الشيخ وراه يتكلمون عني؟!.

ام سويلم:  الناس أجناس، يا بنتي. فيهن الطيب، وفيهن اللي ما يرضى إلا بالغيبة والنميمة. لكن تذكري، الصبر مفتاح الفرج، والستر زين للمره . كوني حكيمة، ولا تعطين مجال لأحد يتكلم عنتس.. 

فَجر اومئت  وبينما كانت الكلمات تتبادل بينهم تحركت ضبية في زاوية الخيمة، مستلقية على فراش فَجر...

فتحت عيونها تناظر إلى فجر بنظرة غريبة  غمضت عيونها  ودموعها تنساب على خديها...

فَجر انتبهت لها وناظرتها وقالت : ضبية؟ بسم الله الرحمن الرحيم علامتس تصيحين!.

أم سويلم وقفت وتوجهت لها وجلست عند رأسها  وقالت بحنية:   علامتس يا بنتي؟ وش يبكيتس..

ضبيه ما ردت وهي تغطي وجهها وتبكي بخوف من الأحداث الي تصير معها..

ام سويلم:  ضبيه وانا امتس تحتسي اللي في القلب، يا ضبية، لا يخفى. إذا فيه شي مضايقتس  قولي لنا. يمكن نقدر نساعدتس بشي..

ضبيه بغصة:  ما فيني شي يا خاله..

فَجر:  جعتي؟  ودتس تاكلين؟

ناظرتها ضبيه وهي عاقده حواجبها وطال نظرها وعقدت فَجر حواجبها بإستغراب وناظرت عمتها الي مستغربه اكثر منها وقالت:  ضبيه يا بنتي مشبهة فَجر على احد؟ 

ضبيه صدت بوجهها وهي ترتجف وشدت على يدها وهي تتذكر عفراء..

ام سويلم أشرت لفَجر تترك ضبيه ترتاح وقالت:  كملي اكلتس يا فَجر قبل يبرد وانتي يا ضبية ان حسيتي ودتس تاكلين قولي لي.. تحتسي لا تستحين..  حنا اهلتس...

غمضت ضبيه عيونها وهي مو قادره تتكلم ولا تناقش..

ووقفت فَجر وهي مستغربه وراحت تكمل اكلها..