....
فتحت جوري عيونها على صوت هيفاء و عقد حواجبها وهي تتلفت حولها و شافت هيفاء في مكانها
توجهت لها وقالت بهمس: هيفاء!
رفعت هيفاء راسها وناظرت جوري وتقدمت منها وارتمت في حضنها وهي تبكي بأنهيار .
جوري بخوف: هيفاء علامتس!.
هيفاء ببكاء: ليت عندنا ام واب ليت عندنا أهل يسندونا وننتمي لهم.
جوري بغصه وهي تشوف هيفاء تنهار بين يديها : علامتس يا هيفاء ليه تصيحين؟ وش جاتس يا اختي والله احنا متعودين عليتس كتومة وش جاتس ليه تصيحين؟!.
هيفاء همست ببكاء: تعبت وانكسر قلبي.
جوري ضمتها وهي تبكي معها ويحاولون يخفضون صوتهم لا يسمعهم مَصنف.
جوري: هيفاء تكفين علميني وش صابتس تكلمي تكفين.
هيفاء رفعت راسها عن جوري وما ردت.
جوري: هيفاء قولي!!.
هيفاء: الي اسمه رداد.
جوري عقدت حواجبها وهمست: خوي الشيخ عسّاف؟
هيفاء هزت راسها وهي تبكي.
جوري: وش فيه؟
هيفاء ببكاء: كان بيـ..
انقطع صوتها وهي تبكي وقالت جوري برجفه: كان وش؟
هيفاء هزت راسها وقالت: يقول انتو بنات غجر وانا خاطري فيتس من زمان قالها بذي البشاعة يا جوري والله قالها..
جوري غمضت عيونها بقوه وطاحت دموعها وهي تضم هيفاء وهمست: الله يا خذه الله يا خذه..
هيفاء بكت في حضن جوري وهي تتذكر كلامه.
وجوري تهديها جاهلين عن مَصنف الي سمع كلامهم وصر على أسنانه بقوه وهو يسمع انهيار هيفاء..
اتخذ قراره انه ينفذ الي قالت جوري ومن بعدها ينتقلون للحجاز وهناك يدخلون بإسم ثاني غير اسم الغجر ويبدون حياتهم بشكل مختلف بعيد عن ألسنة الناس الظالمة...
____________
عند عمار كان يسمع صوت هدى وبكاها المتواصل
صرخ بعصبية: خـــــــــــلاص اسكتي اسكتي..
هدى كانت تصرخ بكل صوتها وهي تحس بشي صار تحتها!!
دَب الرعب في قلبها وخفضت رأسها تحاول تشوف لكن الظلام كان دامس..
همست برعب: عـ.. عمار!
عمار عقد حواجبه وهو يخفف السرعه وقال: شفيك؟
هدى ببكاء: دم!!!
عمار بلع ريقه وناظر الطريق واسرع وصرخت هدى بإنهيار: دم!!! دم!! دم!!! ذببببحتتتتت ولدي يا عماااار ذببببحتتتتته!!!!
عمار بعصبية: اقول اسكتي لا انزلك بذا الخلا اكسر ظهرك.
هدى اشتد ألمها وبدت تبكي وصراخها يعلى ولدها يبكي وهو يعيش هالرعب الكبير.
أنت تقرأ
جُور السِنين!
General Fictionعندما تجور السنين على قلب أحدهم وتتهافت الآلام والمصائب.. . بقلم " الرنيد "
