جُور السِنين!

6

...

...

.

توجه راكان لمشارف الديرة للرجال والتفت سويلم وقال بحده:  وش جابك هنيا ارجع للقبيلة..

راكان:  بساندكم.

سويلم: يا رجال رح من هنا وخلك داخل الديرة لا نبتلي فيك..

راكان: وش شايفني انت؟؟؟  تراني اقدر استخدم السلاح ورجال من ظهر رجال..

سويلم:  ما قلنا شي لكن انت ضيف عندنا وما هي من سلومنا الضيف يذوق الضيم عندنا، يرحم والديك توكل على الله وارجع لمجلس الشيخ..

راكان:ماني  حرمة لجل ارجع للقبيلة بين الحريم.

سويلم سكت وهو يشوف ان الحق مع راكان  :  زين اجل خلك خلف الصفوف لا تنكبنا فيك.

راكان ما رد على سويلم وتوجه لمجموعة أخرى ووقف بينهم بينما هجرس ابتسم على جنب وهو يشوف أصرار راكان..

وسويلم صد عنه وهو منزعج ووقف مع الرجال ينتظرون قبيلة الشيخ ضرغام توصل لهم..

هجرس:  لا تاخذكم فيهم ذمه، اقتلوا من اعتدى عليكم.

الرجال:  ابشر يا شيخ. 

هجرس:  الشيخ ضرغام كان رجال وافي بالعهد مير انتو تشوفونه نقض العهد والمواثيق لذلك وجب عليه الحرب لا تتساهلون معه.

الرجال:  امرك يا الشيخ..

هجرس: وفوق هذا متهمنا في عرضنا وشرفنا، ترضونها؟!!!

الرجال:  لا يشيــــــــخ.

هجرس:  هل واحد منكم بنته راعية درب شين؟

الرجال:  لا يشــيـــــــــخ!!

هجرس:  اجل خذو حقكم منه، هو الي ناشر بين القبايل عن بناتنا الشينه ولا هو حن الي نسكت..

الرجال شدو على اسلحتهم وهم منتظرين قدوم قبيلة الشيخ ضرغام بكل توعد وبكل حقد..

بينما الشيخ هجرس يمر على كل مجموعه ويزيد من حماستهم للحرب..

وصل عند راكان وقال:   انت ضيف والواجب انك تقعد..

راكان ناظر الشيخ وقال: الي يصير عليكم يصير علي ما تعودنا نتظلل خلف الحريم..

اومئ الشيخ هجرس وربت على كتفه وقال:  وش كان شكل الرجال الي علمك؟

راكان:  ما ركزت زين على ملامحه بس لو اشوفه بعرفه على طول، ثاني شي يا شيخ الرجال اكبر مني بأربع بثلاث سنوات ما بيننا فرق كبير..

الشيخ  هجرس سكت شوي  وهو يفكر و بعدها قال:  خير إن شاء الله  خير...

راكان: يا شيخ دام بينكم عهود ومواثيق ليه يغدرون فيها؟

الشيخ هجرس:  هذا الي محيرني لكن دام الشيخ ضرغام نوى  القطيعة بيننا وبينه فأحنا أهل حرب وان نوى السلم فأحنا لها..