جُور السِنين!

26

...

دخلت عفراء للخيمة وهي تناظر فخامتها وابتسمت بهدوء لكن تلاشت ابتسامتها وهي تسمع نرجس تقول بحده:  نظفي زين ولا تسرقين مثل خواتس ترا عيني عليتس..

التفتت لها عفراء وتقدمت منها بخطوات هادئة وتراجعت نرجس للخلف بخوف وقالت عفراء بصوت حاد:  ابشري... يا شيخة!

نرجس رفعت راسها وهي تاخذ نفس عميق وتتكتف بيديها المليانه ذهب وعيون عفراء تناظرها بإشمئزاز..

تقدمت شادن لنرجس وهمست:  يا شيخة ماني متطمنة لها.

نرجس:  ولا انا.. متوكده بتسوي شي مير عيني عليها..

شادن اومئت وهي تناظر عفراء..

:  يا شيخة... يا شيخة نرجس..

التفتوا على الصوت ودخلت ام رداد تقول:  يا شيخة طلبتس قولي للشيخ عسّاف ياخذ ذي البنية من بيت ولدي هــ...

سكتت وهي تشوف عفراء واقفة تناظرها بعيون حادة

نرجس:  علامتس يا ام رداد؟ 
ام رداد بغيض:  اليوم دخلت الخيمة لقيتها نايمه ولابسه ثياب جديدة ومتزينة انا متوكده تبي تغري ولدي انا متوكده!.

نرجس ناظرت عفراء بغيض وهي تتذكر لبسها وقرب عسّاف منها  وقالت:   طبعهن بنات الغجر..

ام رداد:  طلبتس قولي للشيخ عسّاف ياخذ ذي البنية من بيت ولدي..

نرجس:  بقول له بقول له..

ام رداد ناظرت عفراء بكره ... نظرات فيها احتقار…فيها استصغار وهمست لنرجس:  يا شيخة الله العالم وش كانوا يسوّون بالوادي..

نرجس ناظرت عفراء وهي تتذكر قرب عسّاف منها وقالت: عاد بنات غجر ما يصلحون الا لهالشي ما عنـ.....

ما كملت جملتها لأن عفراء انفجرت... رفعت راسها،عيونها نار،
وصدرها يعلو ويهبط، ولسانها يقطر غضب: اقول اسكتي انتي وياها لو أسمع وحدة منكم تلوّث اسم أختي أقسم بالله لأسوّي فيكم شي ما ينساه هالبيت!

نرجس استشطت غضب: لا ترفعين صوتس عليّ يا عديمة الأصل؟ وش قلنا غير الصدق ما عندكم شرف ولا احد يربيكم..

عفراء تقدمت بسرعه  مدت يدها… وصكّتها كفّ يهز الخيمة كلها.  صوت الصفعة دق مثل الطبل ونرجس طاحت على الأرض وهي تصيح:  شلون تمدين يدتس علي؟!!!!:

شادن ركضت تمسك عفراء و عفراء سحبت شادن من شعرها ولفّتها على الأرض: اعلّمتس الأدب وإلا بعد؟!

ام رداد تقدمت تبي تضربها ومسكت عفراء يدها وهي تلويها وعيونها تتطاير شرار..

الخيمة صارت ساحة حرب الدلال تطيح، أباريق تنسف، وحريم تصرخ ونرجس تصرخ من آخر الخيمة: امسكوووهااا! هذي مخبولة!  والله ان يقطع راتس الشيخ