جُور السِنين!

8

....

أتسعت عيون وردان وقال:  يعني قاصدين الفتنه بيننا؟

الشيخ مسعود:  أي نعم قاصدين الفتنه بينكم..

الشيخ هجرس:  وش يعني هالكلام يا شيخ مسعود؟  من الي يتجرأ يزرع الفتنه بين قبيلتين لها ساسٍ منيع؟

الشيخ مسعود:  وكاد انهم اعداء لكم جميع..

الشيخ هجرس: اعداء؟

الشيخ مسعود:  اي نعم أعداء... وردان.

وردان:  سَم يا شيخ مسعود..

الشيخ مسعود:  تزهم واحد من رجالكم يبلغ الشيخ ضرغام واخوه الشيخ عسّاف يحضروا الحين لقبيلة الشيخ هجرس لنا كلام طويل..

وردان:  الشيخ عسّاف منصاب

الشيخ هجرس: اجل حنا بنروح له لزوم اننا نقعد ونتكلم حول الفتنه الي صارت..

الشيخ مسعود:  اجل قبل لا نطلع من هالديرة عندنا هنا عيال.

الشيخ هجرس:  رداد والي معه عندنا... رداد منصاب لكن بأذن الله انه يطيب..

وردان بخوف:  ولدي منصاب؟؟  وش بلاه؟؟  يا شيخ هجرس هذا وحيدي لا تفجعون قلبي فيه..

الشيخ هجرس:  بإذن الله انه بخير الطبيب ما قصر معه..

وردان:  لزوم اشوفه الحين..

الشيخ هجرس:  تقدر تشوفه... فيصل خذ وردان لولده..

فيصل:  أبشر يا شيخ..

وردان طلع مع فيصل وهو يتوجه للخيمة الي ولده فيها..

بينما لم الشيخ هجرس بشته وقال:  توكلنا على الله  بنروح لقبيلة الشيخ ضرغام وبنشوف السالفة وش هي.. وانت يا ولد رح للمرعى وقل لراكان يجيني الحين..

الشيخ مسعود: من راكان؟

الشيخ هجرس:  الولد الي علمنا عن الحرب..

الشيخ مسعود اومئ وقال الشيخ هجرس: بعد ما نروح لديرة ضرغام بترجعون معي لين هنا وبتتعشون وبتشربون فناجيلكم وواجبكم بيصير..

الشيخ مسعود:  الله يكثر خيرك ويخلف عليك اكثر..المهم الحيت نخمد نار الفتنه وتنتهي..

الشيخ هجرس اومئ وقال:  كلامك صحيح وان اتضح من هو الي ورى هالفتنه ياويله مننا..

الشيخ مسعود:  بندري من هو بندري..

الشيخ هجرس أشر لهم وقال:  حيّاكم حيّاكم..

طلعوا من الخيمه كلهم والرجال تناقلوا الأخبار في ما بينهم وان الي صار فتنه..

وقال الشيخ هجرس: سويلــــــم!

سويلم:  سَم يا شيخ..

الشيخ هجرس:  طلّع الرجال..

سويلم:  كل الأسرى؟