جُور السِنين!

5

....

توقفت رجول راكان وهو يشوف بنتين جالسات بجنب بعض وفي وحده بعيدة عنهم شوي..

مد يده للسلاح الي معه وهو يناظرهم من بعيد ما يدري هم انس ولا جن..

قطاع طرق ولا بدو؟
تقدم بتعب وهو يشد على سلاحه وقال:  السلام عليكم..

فزوا البنات بخوف وقال راكان: عندكم مويه؟

هيفاء بخوف: من انت وش جابك هنا؟

راكان ناظرهم بتعب وقال: عندكم مويه؟

ضبيه بسرعه: اي اي عندنا اجلس مكانك..
راكان اومئ وهو يحس انه دايخ..

هيفاء ركضت خلف ضبيه و جوري لحقتهم للخيمة بخوف..

هيفاء بخوف:  ضبيه وش فيه شكله؟

ضبيه اخذت المويه وقالت:  واضح انه مسكين.

هيفاء:  لا يكون من قبيلة الشيخ ضرغام ويبي يخدعنا؟

ضبيه: لا لا واضح انه مسكين خلوه يشرب له مويه ويروح..

هيفاء اومئت وطلعت ضبيه من الخيمة وخلفها هيفاء وتوجهوا لراكان الي جالس على الأرض بعدما ثقل جسده عن الوقوف...

ضبيه تقدمت وقالت:  سم يا اخوي اشرب..

راكان رفع راسه لها وقال:  مشكورة يا اختي..

ضبيه مدته له واخذه راكان وبدأ يشرب وواضح عليه الضمى..

بينما هيفاء تراقبه بصمت وهي تشوف كثافة رموشه والتعب الي واضح عليه وعلى عيونه..

رفع راكان راسه لهم وهو يتنفس بسرعه ونزّل قربة الموية وقال:  مشكورات.. كثر الله خيركم.

هيفاء وهي عاقدة حواجبها:  كم صار لك مو شربان مويه؟

راكان سكت شوي وشد على القربة وهو يتذكر الظلم الي تعرض له..

رفعت هيفاء حاجب بإستغراب وضبيه ناظرتها ورجعت بنظرها لراكان وهي مستغربة من حاله..

هيفاء بهمس:  قلبي مو متطمن له اكيد انه يخدعنا هذا اكيد من قبيلة الشيخ ضرغام هم الي كذا عيالهم  مزيونين..

ضبيه بهمس مماثل: اسكتي لا تفضحينا الولد واضح عليه مسكين..

هيفاء:  حتى لو مسكين خليه يروح بسرعه من هنا..

ضبيه: من انت؟

راكان ناظرهم وقال:  راكان الـذيـــ...
بتر جملته وهو يهمس بحزن:  راكان..

ضبيه: راكان من اي قبيلة انت؟

راكان ناظرهم وتنهد وهمس:  ما عندي قبيلة..

ضبيه رفعت حاجب وناظرت هيفاء..

هيفاء:  ما عندك قبيلة!!!

راكان وقف وقال بضيق:  كان عندي... مشكورات على الموية... ما عندكم رجال؟