جُور السِنين!

27

...

ابو فيصل بعصبية:  فيصــــــل ارجع!!!

ما رد عليه فيصل وهو ينطلق مبتعد لاحق براكان وياخذه معه على الخيل طالعين من الديرة..

ابو فيصل التفت للشيخ هجرس وقال: شفت يا شيخ يوم تدخل احد ما نعرفه لديرتنا؟!!! 

الشيخ هجرس ناظره بحده وتقدم سويلم بعصبيه وقال:  ابو فيصل لا تتمادى بلسانك!

ابو فيصل رفع يده وهو يشوف غضب الرجال من راكان

وقف الشيخ هجرس بثبات صوته يملأ الجو وهو يقول بحدة صوته:   تفرقوا كل واحد يرجع لبيته خلوا هالمكان يفضى.

الناس ابتدت تتحرك ببطء،الرجال راجعين خيامهم، والساحة صارت شبه خاوية… إلا من الغبار اللي يرف من حركة الناس.

البنت اللي صرخت واتهمت راكان، ركضت بعيد عن الناس،
تحاول تستر نفسها، ثيابها متخبطه، شعرها متلخبط،
جلسّت على طرف الطريق، تشد على نفسها، عيونها مليانة دموع،تحاول تهدأ وتبعد عن الأنظار.

أما أبو فيصل، وجهه صار أحمر من الغضب، وهو يناظر الطريق الي راح منها فيصل وراكان..  في داخله نار، نار غضب على ولده الي خرب عليه..

انسحب ابو فيصل هروب من نظرات الشيخ اما سويلم ماقدر يتحمل وراح لخيمته هارب من اي كلمه من الشيخ لأنه بيعلمه بكل شي!

الساعة عدّت، تقريباً أربع ساعات، والهدوء ملأ الديرة، وبدون ما أحد يحس وقفت حركة عند خيمة الشيخ هجرس،
رفع رأسه، نظر حوله، وما شاف أحد…
ثم تحرك بخطوات صامتة، بدون صوت، بدون حركة واضحة.

أخذ طريقه للخارج، خطوة خطوة، وبجنبه اغلى خيل عنده
الهواء البارد يلمس وجهه، وعيونه مركزة و قلبه مليان حزم

تحرك بعيد عن أعين الناس،مشى بين الخيام بهدوء،
كل خطوة محسوبة،لا أحد يشوفه ولا يسمعه
الشيخ هجرس يعرف إن الوقت حساس وإن أي حركة خاطئة قد تخرب كل شي لكن العزم صار حاضر داخله  لازم يلحق راكان قبل ما يتوه في الطريق… قبل ما يتعرض لأي خطر

على الطرف الآخر من الطريق، في ظل الجبال،وقف راكان يناظر فيصل يحاول يرجعه:  فيصل ارجع لا تخرب علاقتك بابوك هذا انت وصلتني لين هنا وخلاص ارجع..

فيصل بنبرة حادة:  علي الحرام ماني راجع غير رجلي على رجلك.. راكان انا واثق فيك وادري انك بريء انت ما كنت في الخيمة انا جيتها مالقيتك فيها....

راكان تنهد وقال:  فيصل لا تزيد غبنتي ارجع..

فيصل بحرقة قلب:  راكان انا متوكد ان الي سمعنا بذيك الليلة هو ابوي..
راكان ناظره وقال:  فيصل ارجع..

فيصل تجمعت الدموع بعيونه وصرخ:  ماني راجع ماني قابل ان خويي يتهمونه باطل.... انا متوكد ان ابوي له يد..