جُور السِنين!

7

...

الشيخ  ضرغام: الحين وانا اخوك انت ارتاح ومن بعدها نتكلم عن كل شي.

عسّاف:  لا علمني الحين من الي تعرفهم؟  هم وينهم؟  والله والله لوريها..

الشيخ ضرغام:  قبله انت ارتاح ولا تفكر في شي ثاني..

عسّاف:  ضرغام  يا  اخوي قلبي مغبون والله والله ما ارتاح لين اذوقهم المُر كانك تعرفهم علمني منهم ووين مكانهم..

الشيخ ضرغام ناظر عسّاف وناظر رجله وقال:  علمني قبله وش سوو فيك؟  بنات يا عسّاف يسوون فيك كذا؟

عسّاف بحده:  يخسون بنات الكلاب يخسون، في كلب غدر فيني واطلق علي..

الشيخ ضرغام عقد حواجبه وقال:  رجال!!

عسّاف:  يخسى ما هو رجال الي يغدر في اسياده.

الشيخ ضرغام:  علمني وش العلم؟

عسّاف:  علمني انت وش العلم الي عندك ووش تعرف عنهم؟

الشيخ ضرغام:  عرفنا البنات من وين بس ما كنا ندري ان في رجال معهم..

عسّاف:  البنات!؟؟  وينها بنت الكلب؟  ما ابي الا هي والله ان اطلع التحدي والخبث الي في عيونها...!

الشيخ ضرغام:  منهي؟

عسّاف:  انت علمني وين البنات؟

الشيخ ضرغام بهدوء:  في ديرة الشيخ هجرس..
ضحك عسّاف بسخرية وقال:  كذابات، قالوا لي انهم من قبيلة الشيخ هجرس لكنهم كذابات..

الشيخ ضرغام:  لا ماهم كذابات هم من ديرة الشيخ هجرس..

عسّاف عقد حواجبه وقال:  وش الي خلاكم تتأكدون؟

الشيخ ضرغام:  ليلة البارح صارت بيننا وبينهم حرب..
اتسعت عيون عسّاف وقال:  حرب!!

الشيخ ضرغام اومئ وقال:  عرفنا ان بناتهم رجعت لهم وقالوا لهم انك اعتديت عليهم فالشيخ هجرس جهز رجاله لجل يغزونا واحنا غزوناهم ودخل رداد للديرة بياخذ بنت الشيخ لكن طاح بيدهم وأسروه..

عسّاف بصدمة:  وشوووو؟؟ رداد عندهم؟؟؟

الشيخ ضرغام:  اي نعم هو وبعض الشباب معه..

عسّاف بعصبية:  يعني هي بنت الشيخ هجرس؟؟؟

الشيخ ضرغام:  هي وش قالت لك؟

عسّاف بحده:  قالت انها بنت الشيخ هجرس والي معها من القبيلة مير انا اخذتهم لطريق القبيلة واحتالوا علي وقالت لهم اهربوا!!.

الشيخ ضرغام:  يهربون؟

عسّاف:  اي ليه ينحاشون دامهم بنات الشيخ هجرس؟  ليه!  .

الشيخ ضرغام بحده :  اكيد مسوين لهم شينه ويبون يبتلونك..

عسّاف شد على يده بعصبية وقال:  اي كلامك صحيح هذيك العيون ماهي طبيعيه المكر والخبث مرسوم فيها..