رهينة أمير الفصل الأول

الجزء الأول

#رهينةأمير💔
#ريان_وأمير
#بقلم الكاتبة Lina_sabrina
الجزء الاول
قاعدة تحت شجرة الكاليتوس وراء حوش دارنا مقابلة طبيعة وهواها الصافي  نخمم في حياتي وأسئلة تدور في راسي  علاه والديا مايحبونيش وتعاملهم معايا قاسي  علاه خواتاتي التوام يكرهوني علاه بصح أجوبتهم مجهولة مافطنت مع روحي غير على صوت ماما تعيطلي .ريااااان .جيت ماما كاش ماكاين .مازلتي كيلكب تتمرغي تحت شجرة .ماما كنت غير قاعدا .يالله راهي جات العين سيقي دار والحوش وطيبي لعشا وعمري الماء نروح انا وخالتك لجنازة ونجي نلقاك كملتي .اوك مايكون غير خاطرك .راحت ماما وانا بديت بلعشا حطيتو يطيب وزدت سيقت وعمرت رجعت كيسردينة بالماء درت دوش خفيف وخرجت طليت على خواتاتي توام لقيتهم مع شعورهم والمكياج دايما هكدا مانعرف كيفاه داو الباك وطلعو للجامعة يقراو دخلت عندهم يالبنات روحي للكوزينة وجدو سلاطة وطابلة انا نروح نكمل القش فالدوش .هزت صفاء صباعها وتقولي انا بنت ماما وبابا بزيني وانوثتي ويديا تاع لحرير نروح للكوزينة نخدم يالله دوري  وجهك عليا مانحبش نشوفك .انتي ماتحشميش على الاقل احتارميني راني ختك لكبيرة .ضحكت بإستهزاء وقاتلي نحتارم ختي لكبيرة صح بصح ماش نتي ختي عبير  .زادت نطقت ليال كلام صفاء صحيح كل مرة نقولولك نفس لكلام نتي ماتفهميش روحك .يعطيكم الصحة وخرجت من عندهم ودموعي جرايا كملت شغلي غدوا من داك غير كملت تسياق دخل عليا خويا  قتلو تعيش فريد نحي صباطك هاداوين كملت قالي ماعليش ريان دخل وراه بابا قريب زلق قالي هاداوين تكملي وجاء حكمني من شعري من ليوم يا بنت الكلبة  تنوضي بكري تسيقي كينجي لدار نلقا كلش ناشف حتا سطحا تاع برا وخبطني للحيط بديت نبكي جاء ليا خويا خلاص ختي ماتبكيش يكون كاش حاجة مقلقاتو برك دخلني للبيت وبقا يقصر معايا باه ننسى بصح انا عقلي بعيد راني كبرت وعدت نفهم ونشوف الفرق مشاو ليام نفس المعاملة انا بالنسبة ليهم وحدا رخيسة حيوانة بنت لكلاب هكدا يوصفوني حتا مرات نشك اني مانيش بنتهم بصح نتراجع من هاد تفكير نقول ادا انا ماش بنتهم علاه رباوني ومخلييني  فدار معاهم لالا لازم نحي هاد الاحتمال من راسي انا بنتهم وختهم هاديك لعشية انا راقدا نحس بيد حنينة على خدي ايه هادي حنانة ختي عبير حليت عينيا ديراكت حضنتها قاتلي مادام متوحشتيني علاه ماترديش على تيليفونك من صباح وانا نعيط .ايييه والله نسيتو يتشارجا وسيلونس .هيا نوضي جبتبك بقلاوة ليتحبيها .فرحت ونضت معاها طيبت لحليب باه نشربوه مع  بالبقلاوة نموت عليها .دخلت علينا ماما بدات تعيط عليا يارخيسة خلي لخواتاتك شوي قلتلها راني خليتلهم .مايكفوهمش هاتي هنا انا نقسم هزت لباط عطاتني زوج ولعبير 3 وبالاك 10 خلاتهم لليال ولصفاء  دموعي طاحو بلا مانفيق  هزت لباط ودخلتو لبيتها تخبيه حسيت بالحقرة والفرق شافت معايا عبير ووجها حازن عليا خلاص حتا تاعي كوليهم نتي وحدك قلتلها بعد الكقرة منين تفوت خليت كلش فطابلة ورحت لبلاصتي المفضلة تحت شجرة الكاليتوس نبكي جات عبير قاتلي ابكي ابكي طيشي كلشي في قلبك .قلتلها قريت علم نفس غير باه نعرف علاه يتعاملو معايا هكدا بصح قريت وتخرجت ومازلت مانيش فاهما علاه والديا مايحبونيش قاتلي ربي يهديهم .قلتلها وليال وصفاء قاتلي هادوك مايحبو غير رواحهم .وخويا قاتلي فريد من صغرو مايعرفش يعبر على مشاعرو وطبعو قاسي بصح حنين .ايه صح حتا الفترة الاخيرة عاد حنين بزيادة .انشاءالله حتا ماما وبابا يعودو حنان قلتلها انشاءالله قاتلي شوفي كاين صاحب راجلي حاب يتزوج وقالو شوفلي من جيهتك وهو خمم فيك واش رايك قلتلها مانيش نخمم فزواج .بصح خير ماتبقاي بونيشة عندهم  ماعرف نخمم ونقولك .غدوا من داك رحت لماما سقسيتها واش ندير لعشا قاتلي دبري راسك بقيت نخمم حتا لقيت خويا دخل قالي سمعتك تخمي على لعشا مالا روحي ريحي لعشا ليوم عليا .كيفاه عليك فريد نتا من وقتاه تعرف طيب .ضحك وقالي بصح نعرف ندير شواء .انتي ماتخمي في والو انا ندير كلش .مالا خلي نعاونك .لالا روحي درك نجبد شواية ونخرج للحوش ونريقل كلش ونبدا نشوي .فرحت ورحت تكسلت في بلاصتي شوي سمعت صوت ختي جات خرجت عندها لقيتها مع راجلها سلمت عليها ولحت سلام لراجلها وخرجنا للحوش نتعشاو هاديك ليلة قلشني خويا حتا عبير دلوني فوق لازم عبير وفريد نحسهم هوما والديا ماشي هادوك لينقولهم ماما وبابا كملنا لعشا حاولت راجل ختي فاتح باه يخليها تبات واخيرا خلاها دخلنا غسلنا لماعن وحكمنا بلايصنا قصرنا شوي وعيطلها فاتح حكات معاه غير كوبات بديت نسقسي فيها كيفاه عايشا مع فاتح قاتلي الحمدلله معيشني سلطانة .ووفاميلتو .مرة ملاح مرة لا المهم صابرة  .ماجبدولكش على موضوع  لولاد .خلاص درك اصلا عادو يخافو من فاتح من نهار قلب عليهم دار مازادوش جبدولي الموضوع .حمدلله كيعاد واقف معاك ربي يخليكم لبعضكم ويرزقكم درية الصالحة .آمين .ريان واقيلا راكي ديري فيا سطاج .ايه لازم نحلل شخصية اي واحد قدامي باه ماتروحش قرايتي باطل .عندك حق .غدوا من داك مع لعشية دخل بابا يشكي انا عييت ماقدرتش على المصاريف وطفل هاداك نهار خدام وعشرة لالا بزاف عليا سكتو شوي وقتلو بابا انا قريت باه نخدم خليني نخرج نحوس على خدمة فالاول رفض وبعد محاولات وماما فوق راسو تقولو خليها تجيبلنا مصروف وتعاونا بسيف خلاني غدوا من داك خرجت نحوس بصح بلا فايدا المهم خليت ديبلومي في شحال من بلاصة بعد يومين حنا نتعشاو جاء فريد قالي لقيتلك خدمة غدوا وجدي روحك نديك فرحت سقساه بابا واش من خدمة وين بلاصة قالو مركز كبير مقسوم على تنين جيهة للايتام وجيهة للمعوقين بسيف لالقيتلها بلاصة منها سطاج منها خدمة تجيب بيها مصروف نطقت صفاء قاتلو هيه تشبهلهم .انا مافهمتش كامل قصدها وبابا خبط طابلة قالها اسكتي  المهم وغدوا وجدت روحي وخرجت معاه ركبت وديمارينا شوي عيط بابا لفريد قالو ندي ريان تشوف الخدمة ونرجعك طونوبيل المهم نسمع غير غي عياط بابا ليفهمتو قالو ساعة نحب طونوبيل عندي قدام الحانوت كوبا ودار عندي  ربي يهديه قتلو آمين .