الجزء 9
ايه حطيت نفسي تحت الامر الواقع وقبلت بهاد زواج بالاجبار وتهديد .قالي هكدا نحبك تكوني تفهمي لكلام وتبقاي عمرك كامل رهينة قلبي وكون تصيبي حبسي من لبكا لانو كينشوف دموعك حاجا تتحرك فيا وممكن ندير حاجا جامي تتوقعيها .بعد مني جبد قرعة ماء وخرج من طونوبيل شفتو هبط راسو فرغ قرعة تاع الماء فوق راسو وانا جبدت الخمار حطيتو وجاء دخل وديمارا وصلني للخدمة وقالي كما تفاهما وممكن هاد اليومين نديرو الفاتحة وجدي روحك .هززت راسي بإيه .قالي اصبري هاتي تيليفونك حط نيميرو تاعو عيط لعندو زاد دخل فيسبوك حط فايسبو ك تاعو وبعت لروحو وقالي كينعيط تهزي قتلو نخاف بابا مايحبش مالا نتي كيتلقاي فرصة عيطيلي اوك .هو دخل لخدمتو وانا كيفو حطيت راسي على البيرو ونخمم واش راني ندير علاه خايفا منو بصح هو ماعطانيش فرصة احتمالات ليعطاهملي هو مستحيل نقبل بيهم من غير زواج مجبورة عليه مالقيت حل حتا بابا مستحيل يتراجع .بالاك ربي شايفهالي خير .فات شهر عدااااب معاه ماتلبسيش هكدا ماتمشيش هكدا عيطيلي واش ديري وينك اخرجي نشوفك ادخلي . مالقيت كيفاه ندير معاه نقولو اوك وخلاص وصل نهار الخطبة خرجت بطلة تخطف القلوب اللبسة وشعر والمكياج كما يقول هو فاتنة لابسا غوب على لاطاي قماشها على ساتان صدرها موج بالازرق والابيض ومن تحت ديلها طويل ليشوفني يسمي بسم الله ماشاء الله من غير صفاء مشنفة ماعجبهاش الحال .وصلو وجابو الامام فتحنا عدت مرتو شرعا دخل بهاديك الاناقة والرجولة والشهامة لابس من تحت ابيض ومن فوق بلونوي وشعرو باين محفف جديد والكل يشوف معاه ونساوني قرب ليا ولو بطالو بقيت قصيرة عليه همسلي في ودني جيتي تسحري الله يبارك تبسمت معاه حطلي الخاتم وعلات زغاريت وهو فرحان وزاهي ابتسامتو صراحة تهبل نساتني في شخصيتو المتآمرة قرب ليا قالي مبروك علينا مرتي القمرة قالي اسمعي من ليوم حبيت نقولك انساي شي ليفات ونبداو من جديد كأنو ماصرا والو شفت معاه قتلو انشاءالله بصح في قلبي واش ننسى كلامك المقزز ولا تهديداتك ولا اجبارك ليا فزواج هادا .
أنت تقرأ
رهينة أمير الفصل الأول
Ficción Generalهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
