الجزء 22
استغربت راني مافاهما والو اشرحلي واش من فوطو تهدر عليهم .جبد بورطابلو وقالي شوفي .دخلت شفت لقيت روحي مصورا برا نمشي وحدي والمشكل كانت ضلمة شوي مابينتها صباح بكري مابينتها وقت المغرب قتلو واش هادا .قالي انتي تجاوبيني واش كنتي ديري برا على 6 تاع صباح وين كنتي وعلاه خرجتي من هاديك دار .قتلو مانعرف مانيش شافيا .خرج عينيه فيا وقالي بصوت عالي علاه شحال من مرة ددخلتي وخرجتي من هادي دار حتا ماكيش شافيا .قتلو بعقلك فهمني ساع هاد ليفوطو وقتاه وصلوك .قالي بعد نهار من قلتيلي حاوزوني ورايحا لبيت عمي صباح ليموراها وصلوني .هنا انا فهمت كلش ضحكت وقتلو بصح رحت عند جارتي باه نضرب برا لسطر .قالي بصح علاه في هاد الوقت على 6 تاع صباح يوصلني مساج يقولي شوف مرتك على صباح منين خارجا .الله غالب ماحملتش لسطر عيطتها وقاتلي ارواحي راني فدار .بصح انو انا قاعد في خدمتي ويوصلني مساج يقولي شوف مرتك على صباح منين خارجا وزيد من فوقها فوطوات اكدولي بلي صح راكي برا هادي هبلتني صعرتني . قتلو على الاقل عيطلي وحاول تفهم .نورمالمو شفتي شحال من ميساج وصلك وشحال من مرة عيطت ونتي غالقا عليا تيليفون لقيت حل واحد اني انا نشارشي بعد ماحوست مليح وتأكدت من نيميرو شكون وعرفت بلي هاديك دار يسكنو فيها مرا وزوج ولادها كبار رجالة لتما صراحة عفتك وتوسوست .في واش توسوست .قالي قلت بالاك ماكيش فيارج عليها ماكنتيش حابا هادا زواج وتهربي .قتلو كون صح مانيش فيارج كون سلمتك روحي ساعة كما قلت وتهنيت منك .قالي شيطان بقا يوسوسلي وماتنسايش كلامك الاخير قبل ماتخرجي من دار .انا بعد ماخممت قلت نطلقها وبكل إراضتي صح تمنيتك بصح ربي كما خلقك كما خلق غيرك .درت نفتح فطونوبيل لقيتها مغلوقة افتحلي الباب .قالي علاه اقعدي هنا خير البرد برا .قتلك افتحلي الباب تخنقت منك ومن صوتك ومن ريحتك .فتحلي الباب خرجت صح حسيت روحي تخنقت لداخل ومن كلامو .قعدنا ربع ساعة ساكتين درت ليه قتلو خلينا نروحو راح الحال .ديمارا وصلني لاري تاع البوس منين دارنا وكنا طول طريق ساكتين واحد ماهدر كلمة .دخلت لدار لقيت بابا تم قالي واش راهي 5 هاداوين توصلي قتلو البيس ناقص .ودخلت لبيتي ونخمم واش كان يقول تما ماطلقنيش بسبة حقيقتي طلقني لانو لقاني على صباح خارجا من دار جارتنا .بصح شكون بعتلو هاد ليفوطو حتا انو قالي بلي شارشا على نيميرو شكون هو .مالا لازم نعرف شكون هادا ليراهو يفسد في سمعة تاعي .هزيت تيليفون وبعتلو ميساج قتلو غدوا نحتاجك في امر نتلاقاو وقت لغدا ادا يساعدك الوقت.
أنت تقرأ
رهينة أمير الفصل الأول
Fiksi Umumهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
