رهينة أمير الفصل الأول

الجزء 31

الجزء31
بقلم لينا
نضت صباح مكسرة من ليلة البارح كان شوي عنيف معايا .رحت غسلت ووجدتلو فطر .وناض دار ليا حبيبي ساعة على ساعة نعيط نسقسي عليك وادا خفتي تباتي وحدك عيطي لسناء .اوك كونك هاني .مالا اتهلاي في روحك وراح .انا ماعندي ماندير رجعت رقدت فطنت على صوت البورطابل يصوني لقيتها عبير هزيت عليها وفرحتني بلي راهي اونسانت حمدلله عليها .بعد ماكوبات نضت دوشت وصليت وتغديت .حتا نلقا طبطيب فالباب حسباتلي سناء جات .فتحت لقيتها زينب .واش تحتاجي .ندخل لدار ونقولك واش نحتاج .ليعندك قوليه هنا.قتلك ندخل ونهدرو  .انا ماندخل حتا واحد لداري وبدات نتي .جيت نغلق الباب لقيتها طبعتو بالقوة ودخلت .قاتلي تحاوزيني يابنت لحرام .اعرفي واش تخرجي من فمك .علاه زعما ماكيش عارفا روحك بلي نتي بنت حرام وحدا لقيطة سحرت امير باه تدخل لهادي دار .هيا كانت تستفز فيا بكلامها هزيت يدي وطبعتها يالله اخرجي من داري وردي بالك تعاودي هاد الهدرة .علابالك امير كان راح يتزوجني وانتي سور كاش  مادرتيلو سحور ويجي نهار نديه عليك .هنا هبلت منها .برا عليا .سمعت صوت شيخي لتحت واش هادا لعياط واش كاين .طلع وطلعت وراه عجوزتي ومرت باباه وسناء .واش كاين هنا زعما نتي عروسة جديدة ديجا بدينا نسمعو في صوتك العالي .فتلو خرجوها من داري مانحتاجهاش تزيد تجي هنا عندي واش كاين ونتي زينب واش مطلعك .عمي كنا نقصرو برك حتا لقيتها بدات تحاوز فيا .نطقت مرت باباه  ايييه بنت البارح جايا تحاوزلي بنت ختي من داري وبوجودي هادي مليحة .ادا تبقا تقولي في نفس لكلام نحاوزها ونعاود .قالي شيخي واش سمعتك .هنا سكت ونطقت زينب عمي ريان ماعناش نسب امها ولدتها ورماتها وهادوك رباوها برك يعني بنت حرام .تفاجئو كامل .قالي صح هاد لهدرة .ايه صح .وامير عندو علم .هو راجل طول وعرض اكيد يعرف كلشي .مالا حنا ماعندنا مادخلنا ونتي زينب اهبطي لتحت ماش من حقك تجي وتقوليلها هاد لكلام .هبطو كامل وانا طحت على ركابيا نبكي علاه جبتوني لهاد دنيا باه تخلوني نندل ونتحقر علاه غلطة تاعكم سلكتها انا غاليا جات حضنتني سناء ودخلتني لبيتي قعدت مسكينة تصبر فيا حتا غفيت ورقدت مافطنت غير بصوتها ريان نوضي تتعشاي .شحال ساعة راهي 9 .ماكلاها راني شبعانا .حتا لقينا لباب تفتح ودخل أمير .ريان كاش مادارولك .شكون قالك وعلاه جيت .عيطتلي سناء وحكاتلي وجيت طاير لعندك .وراس حبيبتي هادي زينب غير تسلكها غاليا وهبط لعندهم نسمع غير فلعياط ماقدرتش نفرز واش يهدرو .طلعت لعندي سناء تضحك .علابالك امير ماخلا مابقا فيها عادت كينملة قدامو ماتخافيش رانا كامل معاك وراحت بعد ساعة دخل امير تكسل حدايا .نتا ماش قلت تبات فالخدمة .ايه بصح خليت واحد في بلاصتي .امير صح كنت رايح تتزوج زينب .لا راهي تكدب دايما مرت بابا حابا تلصقها فيا وزيد بعد ماطلقنا قاتلي نخطبلك بنت ختي وانا رفضت .ربي يهديهم .فات شهر وانا وهو حبنا غير يزيد مرت باباه ماتهدرش معابا كامل حتا زينب تجي بصح ماتوصلنيش .ويماه كيلعسل كون طيب قهوة تجي تدوقلي حنينة بزااف .شيخي وانا لقدر بيناتنا وسناء كما ختي .هاد ليام غير فابل نحب غير نرقد .جاء امير لقاني متكسلة في بلاصتي .واش هاد ليام راني نشوف فيك غير رقاد .والله مانيش نشبع كامل .ااا وانا شبعتي مني .موحال نشبع من حبيبي .مالا واش رايك في ماتش درك .مانيش قادرا .راكي تهربي مني .لا بصح راك تعنفني فلفراش .الله غالب بعد مادقت هاد لعسل ننسى على روحي .بصح علاه العنف .الله غالب انا هكدا شخصيتي .عقدت حواجبي .كيفاه هكدا شخصيتك .نتي قريتي علم نفس نورمالمو تفهمي .ايه قريت بصح مافهمت والو .مالا اربطي بين كلمة رهينة امير والعنف فالفراش .مافهمتش .يجي نهار وتفهمي .ايه كاين عشا .لالا والله ماقدرت نوض فابل .مالا هيا نخرجو نتعشاو برا  ونجيو .لبست ورحنا تعشينا وبدلنا جو ورجعنا دخلنا قابلتنا مرت باباه عل. سلامة امير .الله بسلمك خالتي .كنتو تحوسو ايه حوسنا وتعشينا ورجعنا .بصحتكم يسلمك .تصبحو بخير .هيا راحت وحنا طلعنا دخلنا درت دوش خفيف وحكمت بلاصتي قدامو .ريان تواحشتك .حتا انا متواحشاتك .مالا فيها ماتش .ايه .نضنا صباح قابلت لمرايا لقيت جسمي مصراسي بيديه ورقبتي كيف .شوف امير واش درتلي .حبيبي نورمال من بعد توالفي .لبس وراح لخدمتو .حسيت بسطر تاع العادة بصح حاجة قليلة فرزت وسيقت وحكمت بلاصتي تفكرت كيقالي على شخصيتو بقيت نطلع ونهبط واش علاقة العنف مع كلمة رهينة امير .بعد تخمام طويل وتحليل فهمت ومتأكدة عندو شخصية سادية .