رهينة أمير الفصل الأول

الجزء الثاني

الجزء 2
.وصلنا هبطنا قالي هادا هو المركز شفت معاه باين كبييير وشفت بجنبو مركز شرطة قالي فريد حتا لابوليس وقدام المركز ماتخافيش كامل راهو آمن دخلنا وريقلنا كلش وقالولي من غدوا تبداي تخدمي فرحت فرحة مانقدرش نوصفلكم واخيرا قرايتي ليتعبت عليها رايحا نبدا نخدم بيها رجعنا لدار حكيت لماما حسيتها فرحت بشهرية برك ماش بيا المهم غدوا نضت ستيكيت روحي لبست روبا بحزامها وفيستا  مع باسكات فطرت قالي خويا ادا واجدا انا نوصلك باه تعودي تعرفي طريق البوس قتلو مادابيا ناضت ماما قاتلي رايحا بلا ماتخدمي خدمة دار قلتلها ماما غير اليوم برك وغدوا نعود نخدم فدار ونروح نخدم قتلي كيترجعي نحكيو فيها رحنا مشيت قيس 5 دقايق نلقاو لاري نحكم  البيس يمشي قيس ربع ساعة ونوصل نهبط ونزيد نمشي قيس 5 دقايق نوصل للمركز المهم قراني فريد فطريق  كيفاه واش كاين قدامي من فاست فود باه نتغدا من سبيطار ادا بعيد شر تصرا حاجة من كلش وحدرني قالي غير طاكسي سيرفيس ماتركبيهاش ادا حصلتي وحصلتي صح  عيطي لبابا يجي يديك ادا ماجاش لابوليس قدامك هوما يوصلوك قتلو وانت وين رحت قالي ماتدري هادي دنيا .انشاءالله خويا دخلت خدمت صح صعيبة مع لولاد بصح علم النفس يخليك تقرا ناس وشخصياتهم بالعين برك رجعت لدار جاتني ساهلا طريق جات عندي ماما قاتلي من غدوا تنوضي بكري تخدمي كل شغلك تسياق غسيل طياب وتروحي تخدمي قلتلها نخدم حاجة وكينرجع حاجة وخلاص درك نقسم ليام قالي لالا نفس الخدمة تعاوديها يوميا مالقيت مانقولها فليل على 2 تاع ليل دخل عليا فريد قالي ختي ريان انا راني مسافر انتي تهلاي في روحك قتلو وين .عندي خدمة غير نكملها نرجع جبد من جيبو سنسلة خشينة تاع دهب  عطاهالي  خبيها عندك ماتدري هادي دنيا يجي نهار وتحتاجيها .منين ليك هادي سنسلة .تاعي كنت صغير وطايش شريتها وبابا ماخلانيش وعندو حق خبيتها وليوم عادت عندك .ونوصيك ماتخرجيش من هادي دار الا وانتي عروسة ردي بالك كاش نهار يزعفوك وتروحي من هاد دار .لالا خويا من غير دار والديا ماعندي وين بصح علاه راك تهدر هكدا شغل راك تودع فيا .جيست حبيت نطمن عليك .وماما وبابا عندهم علم بلي مسافر .ايه علابالهم .غرغرو عينيا بدموع قالي ماتبكيش والله مانحبك تبكي ولا يبكيك ماتصعبيهاش عليا .ماش بيدي فريد نتا هو الامان تاعي في هاد دار .لا ماش انا وحدي ولو بابا صعيب وقاسي مايتمنالكش شر كوني قوية ريان .سكت زمان وتفهمتو .اوك فريد مالا طريق سلامة وتهلا في روحك ودعتو ورجعت لبلاصتي بكيت بكيت على فراقو حتا وجعوني عينيا تقول حسيت بلي الأمان تاعي راح وبعد عليا .