الحلقة 24
بقا غير يبوس ويعض لحمي كلاه هنا تفكرت كلامو تمنيت كون انا كليت لحمي قبل مايوصل ليا وياكلو بهادي طريقة كيوصل لصدري يفتح لقفالي قتلو امير ادا عندك ليا خاطر ومعزة ياولوكان شوي على وجه ربي ماديرلي والو .حبس وطلع راسو ليا بنضرات فيها حنية وشهوة ونار شاعلا فيهم بقا يشوف ويشوف وبعد مني بدا يخلط في شعرو بيديه ولحيتو حسيتو متوتر وماش عارف واش يدير ومبعد دار ليا هز يدو فتحلي ليمينوت وفتح طونوبيل وخرج .طول وهو برا مانعرف شحال من وقت فات شفتو يتكيف قارو مور خوه ومبعد دخل طلعلي الكوسالة ومدلي الخمار وديمارا ووصلني تحت المركز وراح كلمة ماقالهاش رجليا تقال بسيف نمشي .خممت وقلت نروح لدار خير .رحت لدار وجهي مايتفسرش قاتلي ماما خير جيتي بكري مارديتش عليها .وتاني تقلبي في وجهك علينا كون ماشي باباك راني رميتك بكري كما رماوك هوما .دخلت لبيتي نحيت خماري وشفت مع روحي ليطراس في رقبتي ريحتو لاصقا فيا عفت روحي رحت لدوش دوشت ورجعت لبيتي حطيت فوندوتا باه مايبانوش ورقدت ديراكت حابا نهرب للنوم عييت من هاد الحياة .سمانة مابان ماعيط مابعت ميساج ماشفتو مالمحت خيالو .مرات نقول واش ندير بيه ومرات نحن ليه مانعرف عندي اتجاهو مشاعر مخلطين نخافو ونهابو بصح كيغيب نحن ليه وكون نصيب نشوفو ياولوكان من بعيد .مانعرف ادا هادا حب او وهم .وحد ليلة قاعدا فالكوزينة ونكونكتي دخلت ليال قعدت قدامي وقاتلي صح نتي ماشي ختي بصح ماتمنيتلكش شر .قلتلها بصح ماتحبينيش .قاتلي صراحة وجودك وغيابك مافيهش فرق .قلتلها هادو نعرفهم .قاتلي كيكنتي رايحا تتزوجي أمير قلت ريان عندها زهر .بصح بعد شي ليصار وزدتي تزوجتي وحكيتي بلي نضريتي معاهم صح غضتيني وتمنيت كون ماتبعتش صفاء ووقفت معاك .قلتلها لكلام ساهل ودرك تفرت فات الحال . دخل بابا لاح سلام ردينالو .قالنا واش صرا حتا قاعدين مع بعض . قاتلو ليال قاعدين برك .مالا حطو لعشا جعت .تعشينا خلصنا قالي بابا ارواحي نحتاجك .زعما واش يحتاج مني رحت وراه دخلني لشومبرة وغلق الباب قعدنا قالي من نهار لقيناك قدام الباب دخلتك داري درتك بنتي و عطيتك اسمي وقلت يجي نهار ونزوجها وندي أجر من عند ربي بالاك معاملتي معاك كانت ماش مليحة وفرقت بيناتكم بصح ربي شاهد عليا بلي ماتمنيتلكش الضر .نشوف معاه ومصدومة من كلامو قلت وشبيهم هادو ليوم قبيل ليال ودرك بابا .قتلو بابا واش كاين قالي تزوجتي بدون دخول وطلقتي وزدتي تزوجتي للمرة تانية وطلقتي وناس يحكو ويخلطو فالهدرة مالا ياريان لا انا ولا هاد دار ندومولك . انا قلت مع روحي درك يخرجني من دار رايح يحاوزني .قتلو بابا من لخر واش قصدك .قالي طليقك طالب يرجعك وانا قابل .قتلو بابا هاداوين قتلي بلي ماتمناليش الضر علاه ترجعني عندو وشفت حالتي هاديك ليلة كيفاه جيتك وأصلا هو طلقني بتلات حرام نرطت ليه .قالي ريان مانيش نهدر على رشيد .ليطالبك ترجعيلو هو أمير .
أنت تقرأ
رهينة أمير الفصل الأول
Ficção Geralهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
