رهينة أمير الفصل الأول

الجزء الرابع

الجزء 4
وزربت فالمشية .علاه زربتي خايفا ولا تبيني في انوثتك ومفاتنك .هنا كيقال هكدا طلعلي زبل قتلو قادر روحك ودرت ليه كيشفتو بلعت ريقي حسيت بكرشي تخلطت من الخوف ايه ليفيبالكم البياري .قالي علابالك حتا صوتك فتنة .خويا بعدني حترم روحك  ماتهدرش معايا ومشيت لخدمتي كملتها وخرجت هاديك ليلة بقيت نخمم غير فيه صوتو وجهو هدراتو حفضتهم كامل بسيف جاني نوم ورقدت غدوا نضت صباح الجمعة درت شغلي كما العادة بصح تعبت بزاف كتافي ومسلاني تعوقت منهم رحت عند لبنات لقيتهم يكونكتيو  قلتلهم نوضو عاونوني عييت بدات صفاء نتي ماتفهميش  قلنالك هادي خدمتك ماش خدمتنا .راكم كبرتو درك يد بيد معايا في شغل الدار جبناها هدرة بهدرة حتا تلاحت ليا خبطتني على  حافة الباب وتعيط جاء بابا وماما واش هاد لعياط قاتلو ليال شوف مع ريان راهي مورانا على خدمة دار وحنا مازلنا صغار ومانعرفوش قاتلي ماما شحال من مرة قتلك هادي خدمتك هوما يقراو برك قلتلها علاه انا كنت نقرا ونخدم .اسمعي ماتقارنيش روحك بيهم .علاه ماما كما هوما بناتك انا بنتك .ماش كيفكيف ريان .نطقت صفاء وهيا تبكي وتتمسكن بابا حتا تاني ضربتني .قلتلها علاه تكدبي .قاتلو شفت بابا تاني تكدب فيا .قالي بابا ريان صح ضربتيها .لالا بابا ماقستهاش هي ليضربتني راهي عادت تكدب عليك .بدا يعيط و يسب فيا  من اليوم شغل دار نتي مسؤولة عليه حتا يكملو قرايتهم .قتلو راني  ونتعب فدار وبرا ماغضتكمش علاه تحقرو فيا هكدا راني بنتكم من دمكم ولحمكم رحموني شوي .بلعط فيا عينيه وقالي عدتي ترفعي صوتك عليا بنت الكلبة يارخيسة وبدا يضرب فيا ضرب مبرح خلاني زرقا ولا وحدا منهم بعدتني عليه ولا دافعت عليا نضت رحت لبيتي قعدت نبكي بصوت ماش على الضرب على زهري كون هنا فريد ولا عبير مايديروليش هكدا هوما يدافعو ويحنو عليا.كرهت من الاهانة من عيشة الذل . بعد سمانة رحت لخدمتي لانو ماقدرش نروح وعيني مضروبة قدام لولاد .دخلت خدمت كامل فالادارة سقساوني على سبب الغياب قلتلهم مريضة وصل وقت لغدا جيت نحي طابيلة باه نخرج تفكرت البياري كيقالي راكي تبيني فالانوثة تاعك بقيت لابستها وخرجت اصلا فاست فود قريب وكامل يخرجو بلبسة الخدمة رحت كليت وانا راجعا عيطتلي عبير سقسات على احوالي وكوبات .حتا  نلقا صوت لبياري ورايا زين هادا مخطوب ولا يسنى فالمكتوب مارديتش عليه قالي نتي استادة ولا طبيبة .قتلو حاجة ماتخصكش.ماعليش حاب نتعرف عليك .مقتلو مايشرفنيش .تنهد وقالي اااااه يادكتورة  كم تبدين متيرة بردائك الابيض الذي يغطي جمال ومفاتن جسمك ان ردائك ستره لك اما لي هو كنز مفتاحه الا بيدك .درت ليه لقيتو يتبسم .احترم روحك راك كبير .الله غالب سحرتيني .خويا تعيش ماتزيد تمشي ورايا ماتهدر معايا وبركا ماتبع فيا .مانيش نتبع فيك كونك هانيا .مالا واش دير ورايا قالي رايح لخدمتي .مالا امشي بسكات واصلا ماتمشيش ورايا .وشبيكي كليتيني راني غير نمشي في طريقي وصوتي عدريه كيشوف هاد الجمال قدامو مايقدرش يسكت .بقا يشوف مع جسمي يطلع ويهبط في عينيه  .قتلو ماتحشمش ودرت زربت مشيت كما وصلت لدخلة تاع مركز دورت لقيتو مازال يشوف فيا واحد رخيس حسيت بعينيه كلاوني ماكلا .غدوا من داك نفس توقيت لقيتو ورايا قالي ماكلاه تقولي رانا نتبع فيك .مالا واش دير ورايا .انتي تروح تتغداي وانا نفس شي نروح لدار نتغدى .مارديتش عليه .قالي ولا بالاك لقلوب عند بعضها عليها رانا نتلاقاو .درت ليه قلوب تاع من .انا ونتي ياعينين القمرة .خلينا نتعارفو واش رايك .انتا راجل طول وعرض باقي تبع فيا وتشعر وفالقلوب ولقمر احشم شوي على روحك راك كبير على هادو لحوايج .مادام شفتي طولي وعرضي معناها راني في قلبك هادا واش قصدت بلقلوب عند بعضها وعينيك يشبهو لقمر الضاوي يالقمرة وجمالك ومفاتنك باختصار سحر بصح متمني نشوف هاد المفاتن طبيعيين هنا شعلت وقتلو جايح ماش راجل  ودرت نمشي حتا لقيتو جبدني من معصم يدي قربني لعندو شفت معاه لقيتو عينيه حومر الحدة تاعهم  خوفتني وجهو ملامحو تغيرو عاد انسان كلو شر وحقد قتلو اطلق يدي .قلتيلي جايح ياك .مادام تبع فيا وتمشي ورايا ونضرة تاعك ليتعيف وكلامك لموسخ ايه نتا راك انسان طايش ورخيس وماتسواش وماعندكش ذرة احترام .زاد زير على  يدي  حسيتها رايحا طير  بداو دموعي يطيحو من الوجع والخوف وهو وجهو مايتفسرش عاد شيطان .علابالك بلي كلامك هادا يديك لنار جهنم تاعي ولا نن قسما عضما غير ندمك نخليه تتمناي تاكلي لحمك بيدك قبل مانوصل ليك  .علاه شكون نتا حتا تندمني وتوصل ليا .يجي نهار وتعرفيني شكون بصح تكوني روطار بزااااف تم نوريك الرخس كيفاه داير .طلقلي يدي وراح حكمت يدي حسيتها قريب طارت ومطراسيا بصباعو رخيس كلب .