الجزء 21
بعد ماقريت الميساج تصمرت في بلاصتي وقلت غير أمير يقولي القمرة .مالا رجع بصح علاه رجع بعد ماتخلى عليا في اصعب وقت ليا علاه حاب يفسدلي عيشتي مرة ثانيا خفت يعيط ديراكت غلقت تيليفون .مارقدتش من غير ساعة ونضت رحت لخدمتي ماقدرتش نفتح تيليفوني خفت يزيد يبعتلي كاش ميساج وتتخلط عليا .بقيت لا غدا ولا عشا يومين وانا خايفا يرجع يهيني ويدلني .ومبعد فقت مع روحي علاه غابنا روحي خليني منو نفتح تيليفوني ونعيش حياتي شعلتو مالقيت حتا ميساج تما انا خايفا برك وحدي وهو ماكاين والو
غدوا رحت لخدمتي كيقريب نوصل لمحت واحد واقف بضهرو على باب المركز ماحطيتش بالي معاه كيوصلت عند الباب وفت عليه بلا مانشوف معاه قال احم ضربتني ريحتو حبست وقلت صوتو وريحتو ماش غراب عليا درت لقيتو أمير كيشفتو مانكدبش عليكم فرحت حتا الإبتسامة واضحة عليا .لقيتو واقف يشوف معايا حاط نواضر فوق راسو لابس تريكو ببض تاع قطن عضلاتو باينين مع سروال وباسكات تاع جين .تواحشتو وتواحشت هاد الطلة .قالي كون علابالي بلي تفرحي من شوفتي كون جيتك طاير هنا فقت مع روحي وقتلو بصح انا طيرت ونتا طيرتني بيدك ولا نسيت .علابالي درتها بيدي بصح عندي اسبابي .انا نعرف حاجة وحدا نتا تخليت عليا وماوفيتش بوعدك .ومادابيك ماتزيدش تخليني نشوف وجهك.خليتو ودخلت عييت نكسونطري مع خدمتي ماقدرتش.عدت يوميا نتلقاه هو يحاول يهدر معايا بصح انا نتهرب وماخليتلوش حتا فرصة يقرب مني .هاديك لعشية خارجا خرج ورايا واحد يخدم فالادارة مدلي اوراق باه نمدهم لطبيبة وقالي انا غدوا غايب مديهملها نتي ايه ماش مشكل وراح انا حطيت الاوراق في ساكي ومشيت حتا حسيت بيد جبدتني درت لقيتو.أمير .قتلواطلقني وشبيك قالي ليوم نفريها معاك .وجرني لطونوبيل بسيف ركبني وركب وديمارا وانا نعيط خليني ننزل واين مديني.قالي اسكتي وماتبقايش تعيطي انا نسنا فيك كل يوم باه تهدري معايا ونتي واقفا مع راجل خلاف وتهدري وتتدلي عليه وعيني تشوف.علاه واش قلقك نهدر ونصاحب نتا واش دخلك .تبانيلي نسيتي شكون انا واش قادر ندير .نتا واش همك بعد هاد المدة راجع وتحاسب فيا ادا حسباتلك مازلت مرتك لا راك غالط راك طلقتي وبإراضتك _قالي بعيطا طويلة ويضرب فالفولو خلااااص اسكتي.حتا وصلنا لنفس لبلاصة .حبس ودار عندي حابا تعرفي علاه طلقتك وسبب ليخلاني نطلقك ونتخلى عليك _قتلو كلش باين وقلتها بفمك ماتشرفينيش باه تكوني مرتي .قتلك راكي غالطا .لا أمير مانيش غالطا انا بنت حرام انا وحدا لقيطة حتا لقيت حط يدو على فمي ماتزيديش تعاودي هادي الهدرة .نحيتلو يدو وقتلو بصح هادي الحقيقة المرة الحقيقة ليخلاتك تتخلى عليا .لالا انا هاد لحكاية بلي نتي ماش بنتهم ونتي ماكنتيش تعرفي ماسمعتش بيها حتا بعد شهور حكالي فاتح كلشي .هاد شي ليخلاني نراجع افكاري وقلت لوكان خير قابلتها وفهمت منها لحكاية ومبعد قررت .حتا نتي ماعيطتي ماحوستي تفهمي حتا نهار طلقنا فالمحكمة كنتي شابحا وجهك عليا .قتلو باسكو تخليت عليا في أصعب وقت ليا كنت محتاجا ليك ونتا تخليت عليا بسهولة .ايه تخليت عليك عندك حق شوفي علابالي درك روطار .بصح لازم نعرف نعرف حاجا .ريان سبب ليخلاني نتخلى عليك ونطلققك هو وصلوني فوطوات عليها طلقتك .قتلو واش من فوطوات .قالي انتي برك تعرفي الجواب تاعهم .
أنت تقرأ
رهينة أمير الفصل الأول
Genel Kurguهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
