الجزء 10
فاتت الخطبة مليحة مشاعري فيها خوف كبير ماقدرتش نفرح غير ابتاسامة مصنوعة دارنا ولافامي حسيتهم حسدوني عليه شغل انا ماش من قيمتو كامل يهدرو على أمير يقولو ريان دات سيد رجال وزيد عندو دراهم مايخصو والو حتا طونوبيلات من آخر طراز بلا مانحكو على واش جابو صح جاب كل خير بابا فرحان مانعرف ادا عليا ولا على دراهمو هاديك ليلة بقا يعيط ويعاود ويضحك بصح شي ليحيري هدرتو عادت محترمة معايا مايعديش حدودو معايا شخصيتو تبدلت بزاف وصراحة بديت نرتاحلو بعد سمانة نضت صباح وجدت روحي للعقد رحت مع بابا وعبير وراجلها شافنا جاء سلم على بابا وصاحبو ودخلنا عقدنا وقلبي مازال ماش مرتاح .بصح بصمت على حياتي نكملها معاه درك عدت مرتو شرعا وقانونا كما كان متمني خطة تاعو بدايتها تحققت وعدت صح رهينة أمير خرجنا قال لبابا اتفضلو تفطركم قتلو لالا لازم نروحو ضياف فدار يسناو هنا وجهو فسد وتبدل قالو بابا ايه وليدي مرة خلاف .شفت مع بابا وقلت مع روحي صااار هادا وليدك وانا بنت الكلبة .دنيا هادي حقارة .رحنا لدار لقيتهم عند الباب يزغرتو وباركولي دارو غدا تغدواو وتفرقو .لقيتو عيطلي فالمسنجر فلاكام دخلت لبيتي وهزيت عليه .قالي صار هكدا مازلتي هاربا مني .قتلو خلاص درك ماعندي وين نهرب راني مرتك .مالا علاه قبيل رفضتي تروحو معايا .ماحبيتش نزيدو عليك برك .بركاي ماتلعبيها عليا علابالي واش هو تفكيرك بصح ندمك عليها .قتلو البارح برك ونتا تقولي انساي ليفات ودرك راك تهدد فيا من جديد .سب وعيط عليا وكوبا .مافهمتش حياتي هادي ليرايحا ليها قلت نروح نتهنا بصح من درك تبانلي من غير لهنا مارايحاش نعرفو كيفاه داير .
أنت تقرأ
رهينة أمير الفصل الأول
Ficção Geralهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
