الجزء 15
بعد 4 شهور بضبط انا عروسة ايه لابسا الابيض غوب عادية طويلة عبير دموع في عينيها تبكي على مكتوبي وزهري ليال تتحسر على لاغوب بلونش ليمانيش لابستها كما لعرايس وصفاء ضحكة والفرحة باينين من عينيها ماما توجد وفرحانة واخيرا خارجا من حياتها وبابا ببساطة مايقدرش يخليني في دارو بعد ماطلقت .اكيد عرفتو انا عروسة صح بصح لعريس ماشي امير للأسف .ايه عدت نقول للأسف امير خفتو فالبداية بصح من بعد تمنيتو في حياتي لاكن رااااح بلا رجعة .
نرجع بيكم قبل 4 شهور بعد ماقررت نتحدا كلشي حكيت مع فريد وعرفت بلي كان عندو علم قبل مايسافر عرف الحقيقة بصح ماحبش يقولي خاف عليا وعدني انو كيرجع نرجعلك حقك .انا وامير طلقنا فالمحكمة وقصتنا عادت كالصفحة وطويناها . بعد طلاقي رجعت لخدمتي ماخفتش نتلاقاه لانو عبير قاتلي بلي راح لصحراء قلت نخدم وفي نفس الوقت نحوس على خدمة خلاف حتا نلقا ونبدل حاولت ننسى واش صرا معايا بصح كيندخل لدار نتفكر كلشي ونتحطم .معاملتهم معايا من كانت حقرة عادت استغلال .بابا عاد يعسني بزاااف ويسمع لهدرة ناس بزااف .ماما حابا تتهنى مني بأي طريق صفاء فرحت كيطلقت وليال ماتحبنيش بصح ماتكرهنيش تجي عفوية حتا مرات نحسها غيضتها .شغل دار عدت مانحبش نخدم قلتلهم ادا ماش قابلين بيا في هاد دار نخرج ماش ملزومين بيا وماش نطيح كتافي عليكم وبابا على جال هدرة ناس مالقا مايقولي المهم ساكت مخليني فدار كما قال هو تقعدي في هاد دار حتا يجيك مكتوب وتتزوجي تما قاعدا معاهم فوق قلوبهم . حتا جاء نهار ليحتم عليا بابا زواج نتزوج بلا عقد بالفاتحة برك دار رايو فيا .
نرجعو لنهار العرس جاء الكورتاج عبارة على زوج طاكسيات برك دخلت ام لعريس لبستلي لبرنوس وخرجتني نحوس على لعريس ليماشفتوش ولا مرة بصح ماجاش .وقف قدامي بابا وقالي راكي خارجا عروسة من داري ربي يهنيك ومن ليوم ماعدش تشوفي وراك شوفي قدامك برك .شي ليفهمتو من كلامو يعني نبقا عايشا في دار راجلي وننساهم .ركبت وديمارينا شوي وصلنا هبطت دخلت كانت دار ماكبيرة ماصغيرة فيها زوج اطاج وبيوتها كبار دخلوني لصالو قعدت كان كاين غنا بصح خفيف ناس كامل تشوف فيا وتقول اييييه رشيد عرف يخير .وحدا تقول بصح سمعنا بلي راهي مطلقة بدون دخول .جاوبتها ليمعاها عليها دخلها لدارو بلا عقد جات ام لعريس سكتتهم وقعدت قدامي مايهمكش في كلامهم قلتلها بصح علاه ماعقدش عليا .قاتلي هو يخدم فالجيش ودوسي تاع العقد صعيب باه يتريغل لازم روشارش كبير باه تقدرو تعقدو وهو ماصبرش قال لازم نجيبها لعندي صح هو حبك من نهار شافك .كمل العرس ودخلوني لبيتي .شوي سمعت صوتو دخل ولاح سلام طلعت راسي رجعتلو لقيتو انسان يبان فالربعينات كنت عارفا بلي كبير قعد قدامي وقالي لاباس قتلو حمدلله . انا رشيد راجلك .هززت براسي بايه .قالي ماكنتش متوقع هاد الجمال كامل فيك كنت نشوفك غير من بعيد بصح كيقربت ليك لقيتك بحد داتك سحر .كيقال سحر جاء في بالي أمير ليماقدرتش نخرجو من راسي.بقا يقرب ليا غير بشوي قتلو عندي شرط .عقد حواجبو واش هو شرطك .قتلو ماتقربش ليا حتا نعقدو .قالي بصح انتي حلالي وانا حلالك .ايه صح بصح راك عارف بحكايتي مانيش حابا يتكرر سيناريو .قالي يعني ماكيش دايرا فيا ثقة .قتلو الثقة فالوثيقة .هنا هو زعف وبدا يعيط كيفاه راكي حلالي نتي ماتفهميش قريب ضربني .قتلو هادا هو شرطي ولا ردني منين جبتني .قالي ماعليش العقد ماكسيمو شهر منا لهاداك نهار انا مانبقاش بلا عروسة .قتلو كيفاه يعني .قالي غدوا نبعت يما تخطبلي ونجيبلك لالاك وخرج .
أنت تقرأ
رهينة أمير الفصل الأول
Ficción Generalهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
