الجزء 13
قتلك مانيش قادرا نهدر همي يكفيني .اسمعي انا نقولك كلمة وحدا كون تخرجي من دار راكي مطلقا .قتلو ربي يسهل عليك وكوبيت وغلقت تيليفون حتا انا نحوس عليها يطلقني ويفكني منو .فتحت باب شمبرة لقيت ليال في وجهي قاتلي سمعت واش قالك امير ادا تخرجي يعني مطلقة قتلها مايهمنيش ومادخليش روحك. ورحت عند ليت عمي حكيتلهم نصدمو كامل وصح هاداوين فهمت كلشي وبالاك كنت فاهما وستغبيت .على قد ماكانو أسئلة في راسي ماقدرتش نرقد هاديك ليلة غاضتني عمري وزادني سطر تاع العادة قتلني وصلت 6 تاع صباح ماقدرتش نتحمل كتر نوضت بنت عمي متزوجة جات ضبفا لدارهم قلتها هيا تروحي معايا عند جارتنا نضرب برا لسطر ماقدرتش نتحمل كتر .قاتلي عيطيلها ساع فتحت تيليفوني عيتطتلها قاتلي ارواحي راني فدار شفت تيليفون لقيت بزاف ليميساج من عند امير من غير تهديدات نضت لبست هيا دارهم مقابلة بيت عمي انا دخلت وهيا بقات تسناني في باب دارهم درت برا ورجعت لدار حتا لعشية جاء عمي قالي بنتي نتي راكي متزوجة يعني راكي مرت راجل فالشرع لا يجوز .تقعدي هنا بلا علمو ولا موافقتو هيا تروحي لداركم ونحلو الموضوع بهدوء .بصح حاوزوني قالي علابالي بنتي وعلابالي واش حاسا هيا ديري خاطري .رحت لبست ورحت معاه دخلنا لدار بقاو يحكيو رحت لبيتي باه نبدل دخلت ورايا صفاء قاتلي نتي ماتحشميش رجعتي هنا باه يحنو عليك خليني نقولك بلي امير بعد ماسمع بيك بنت حرام موحال يقعد معاك خرجت من البيت بدلت وخرجت عندهم لصالو قعدت وهوما يهدرو قال بابا لعمي طفلة كانت بيبي لقيناها عند الباب مانعرفوش اصلها ومنين جات ديتها لسبيطار ودرت دوسي وتبنيتها ودخلتها وسط ولادي قتلو بابا على الاقل كون خبرتوني الحقيقة باه نعرف قيمتي قال عمي يابنتي عندك 24 سنة عايشا معاهم ياك جامي رماوك فشارع .قتلو مارماونيش صح كتر خيرهم بصح شربولي لمرار المهم بقينا هدرة مور هدرة وصفاء تشنف عليا شفتها مقلقا تشوف مع تيليفون بزااف. وهيا حية فوق تبن تستنا في نهايتي وانا لاخبر.
أنت تقرأ
رهينة أمير الفصل الأول
Narrativa generaleهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
