الجزء 6
واش حاسب روحو مافهمتش .وصل نهار الجمعة خيرنا وجدت شوي حلويات وريقلت دار على شعرة عاونتني عبير .لبست قفطان لونو زرق على لاطاي بحزامو وصابو بطالو مكييت وطلقت شعري على جنب خرجت بوبية الله يبارك .جاو دخلو نسا لصالو ورجال فالبيت واناقعدت في شمبرتي شوي وجات عبير .قلتلها هااه شكون جاء.قاتلي جات يماه ومرت باباه وخواتاتو زوج ونسا خوتو زوج .هادو كامل وزيد باباه عندو زوج نسا .قاتلي ايه يماه كبيرة فلعمر بصح مرت باباه صغيرة شوي ومتهلية في روحها زادو دخلو لبنات عندي شافو معايا ونطقت صفاء حمدلله شفناك تشبهي فلبنات شوي .قاتلي ليال جيتي باهيا صراحة سقسيت عبير ولعريس كيفاه داير شفتيه .لا ماشفتوش والله يدبحني فاتح كون نطل عليهم .شوي دخلت عليهم سلمت عليهم يماه رتاحتلها تهدر معايا وتضحك وفرحانة بيا .اما مرت باباه شفتها متصنعة منافقة وخواتاتو يبانو ناس ملاح حتا نسا خوتو جات ليا عبير قاتلي درك لازم تشوفو بعض دخلتني لشومبرة قاتلي ماتخافيش وقولي على شروطك .خرجت شوي دخل راجل ختي قالي واجدا يدخل باه تشوفو بعضكم .قتلو ايه ماعليش .حسيت بيه كيدخل وقال السلام وعليكم .تصمرت في بلاصتي قلت هادا صوت نعرفو طلعت راسي لقيتو هو ايه البياري وقفت مالقيت مانقول بقيت مصدومة خرج فاتح وغلق الباب.
أنت تقرأ
رهينة أمير الفصل الأول
Художественная прозаهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
