الجزء 11
غدوا من داك رجعت لخدمتي وقت لغدا جاء خرجت معاه تغدينا حسيتو نسا ولا راهو يتناسى فلحكاية تاع لبارح ماجبدش عليها يهدر غير فالايجابيات قالي حابك تحبسي هاد الخدمة درك انا مابقاليش ونروح لصحراء غير نرجع نديرو العرس قتلو حاب نقولك حاجا نهار نتا شرطت عليا بعد زواج مانخدمش صراحة انا حابا نخدم .قالي ماراح يخصك والو معايا ليتطلبيه يجيك .ماش على طلباتي على احلامي نهدر .واش هو حلمك .قتلو حابا نكون طبيبة نفسية .علاه خيرتي هادا الحلم بدات .بالاك يجي نهار وتعرف السبب .قريتي علم نفس لازمك قراية بزاف باه توصلي لحلمك .ايه وراني بديت حتا سطاج لول هاد شهر نكملو .كملي هاد شهر وحبسي ومور العرس نزيد نحكو في هاد الموضوع .رحنا لخدمتنا ومشات ليام برود بيناتنا ماكانش كلام زايد قدر بيناتنا صح والفتو في حياتو لانو كان يعيطلي بزاف يوميا نتغداو كيفكيف يسقسي على احوالي على طلباتي حمدلله حسيت بشو أمان وخوفي نقص من جيهتو . حتا وحد نهار عرفت بلي بابا شرط 70 مليون على امير وعطاهملو كامل .انا تصدمت كيفاه دراهم هادو كامل تما بابا باعني .قلت لبابا علاه راك تبيع فيا علاه دراهم هادو كامل رخسني وحتا ضربني .بكيت بكيت على زهري هدرت مع امير قالي نورمال ماديريهاش حكاية نتي بنتو وعزيزة عليه عادي .رحت تحت شجرة الكاليتوش ونخمم تفكرت خويا بلي ماراحش يحضر عرسي عيطتلو فلاكام هدرت معاه ودموعي ماحبسوش حتا كوبا لقيت أمير يعيط بلاكام هزيت لقاني نبكي سقساني ساع وين راني قاعدا قتلو هادي هيا بلاصتي كينقعد هنا نرتاح سقساني علاه نبكي حكيتلو .قالي حقك هادا خوك وحابا يفرح معاك بصح الله غالب ضروفو مايقدرش يكون معاك ديريني انا خوك باباك راجلك وليدك كما تحبي.من هاداك نهار رتاحت لامير نتلاقاو يوميا كينروح نخدم صح مازال برود بيناتنا بصح كاينا هدرة وقصرا مرة يزعف مرة يسب مرة يعيط حتا كينخرج باه نجهز يبقا يعيط وين راكي وين حانوت كاش واحد هدر معاك كاش واحد شاف فيك وانتبهت بلي يغير بزاااف ويفرض شخصيتو ادا قال كحلة لازم نقول كحلة لازم كما يحب هو .قبل مايروح لصحراء خيرلي غوب بلونش قالي روحي تقيسيها ادا عجبتك نشريها رحت انا وعبير وحتا لبنات لصقو قالو حتا حنا نروحو .قستها جاتني تهبل عجبتني بزاااف حتا هوما عجبتهم عبير تسمي بسم الله ماشاءالله وليال تضحك وتقولي لازم انا تاني نقيسها تهبل بصح صفاء من نهار لخطبة وهيا مشنفة ماعجبهاش لحال حسيتها غارت .هدرت معاه سقساني ادا عجبتني قتلو ايه مليحة قالي نشريها قتلو اكريها برك .قالي لالا نشريها لمرتي القمرة .اوك ليريحك .مرة صرا مشكل بسبب الفيسبوك قالي علاه بعتي لراجل قتلو لالا بالاك قستو برك هو صح يغير يعود يخلط فالهدرة حتا نكرهو عدت مرة نفرح معاه ومرة كينتفكر واش دار فيا قلبي يتزير ونقول يااربي تصرا معجزة ويحبس كلشي وحتا نتمنى الموت باه نتهنى من هاد لحياة ليضلمتني. جات عبير قاتلنا بلي رايحا مع راجلها لصحراء هو تاني عندو خدمة كما امير كراو دار مدة شهرين ولا ثلاثة على حساب الخدمة وقتاه يكملوها ويرجعو حزنت كيراحت وصرالي نفس الشيئ ونفس التفكير كيراح فريد كانت هيا الأمان من بعدو وزادت خلاتني حتا هيا وايامي الجاية كانت صعيبة عليا بلا بيها .
أنت تقرأ
رهينة أمير الفصل الأول
Ficción Generalهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
