الجزء 28
بقلم لينا
نضت صباح بعد ماعشنا أحلى ليلة مع بعض شفت معاه تبسمت لقيتو راقد بقيت نتأمل فيه ونحفظ تفاصيل وجهو شعرو لكحل ليهابط على جبهتو وشوافر لخفاف وشوارب تقول عليهم مرسومين ولحيتو مطراسية وكحلا توت سبحان الله ليخلقو .قعدت نخمم مع روحي ياربي كون تكون نزوة واعجاب برك كون يكره مني ويرميني ومانيش رايحا نتحمل الظلم والاهانة استغفرت وقلت ياربي يكون يحبني كما قال ويعوضني ويكون معايا راجل فحل هادا ماطالبا .حطيت يدي على خدو وقربت ليه بستو فطن بيا .قتلو صباح الخير .تبسملي صباح الورد ياوجه القمرة .حبيبتي راكي لاباس .ايه حمدلله .بقا تايه فيا .وشبيك امير .ادا نضت كل صباح على وجهك ماضنيتش نزيد نروح نخدم .ضحكت وقتلو هادي رانا غير عرسان جدد من بعد توالفني وتجيك نورمال .تبانيلي مازلتي ماعرفتيش واش حامل هادا القلب من حب ليك .لا عارفا بلي تحبني .صونا تلفونو قالي هادي ختي سناءهز وصبح عليها قالها سناء صبوحية ماش هاربين عليها نورمال يسناو واصلا ساعة ونكونو تم وعيطي للحفافة تجي لدار وكوبا .دار ليا هيا حبيبتي صبوحية تاعك لازم نروحو .غير نضت عيطت عيطة هو تخلع جاني يجري حكم يدي وشبيك ريان .بقيت فاتحا في عينيا قتلو امير مانيش قادرا حتا نمد خطوة حاسا روحي مخيطة .هنا بدا يضحك عليا ماعليش حبيبتي غير بشوي درك تترخفي .بدا يمشي فيا ويقولي نتي فراجيل .وانا نقولو لا نتا ليهجمت عليا .الله غالب كنت ملهوف عليك صبر مابقالي عليك .ودرك راني حاكم روحي برك.غير ماكالاه راك تشوف فيا .ايه ماتخافيش مانزيدش نمسك حتا ترتاحي .غير حسيت روحي عدت نعرف نمشي .دخلت غسلت ولبسنا جابولنا نفطرو وهو غير يتغزل فيا وحاب ينحيلي الحشمة بصح ضحكتو هبلتني كما يقولو (جننتني) كيكملنا لفطور هبطنا طول لدارهم .كيوصلنا هبطنا من طونوبيل .هادي هيا دار شفتها فيها 3 ايطاج بصح كبرها ماش فطول جايا كبيرة فالعرض ومن تحت قاراجات .دخلنا لقينا هول كبير وعلى جنب دروج يطلعو لفوق ستقبلونا احلى استقبال بتسلام وتحضان وزغاريت.قرب ليا قالي هادا طاج يسكنو فيه بابا ويما ومرت بابا وخواتاتي وزوج بيوت فارغين ولفوق دارنا انا ونتي وبجنبنا خويا الوسطاني وطاج تالت فيه خويا صغير ومقابلو طيراس صغيرة مغطية .قتلو الله يبارك كبيرة وشابة . حكم يدي وقالهم نطلعو لدار توجد روحها ومبعد اتعرفو عليها براحتكم .طلعنا فدروج قالي ليمقابلنا هيا دارنا وهادي ليعلا جنب تاع خويا فتح باب دار ودخلنا .شفتها فيها زوج بيوت وصالو وكوزينة ودوش وتوالات مشروحة وحسيتها دافيا رتاحت كيدخلت ليها .دخلني لشومبرة وقالي واش رايك فدار .تهبل الله يبارك .ريان اي حاجا ماعجباتكش نورمال نبدلوها .لا امير كلشي مليح.مالا وجدي روحك درك تجيك لحفافة وانا راني لتحت .هبط وانا بديت نجبد واش نلبس وصراحة طايرا من الفرحة واخيرا راني في داري لينحس روحي بلي عندي قيمة ماش كما كنت في دارنا .جات الحفافة وجدتني وراحت ورحت قابلت لمرايا نحط فالاكسسوار لقيتو دخل عليا ويصفر .وشبيك حبيبي وهو غير يتفرج فيا وانا تفرفشت من نضراتو ليا ماعرفتش واش ندير .امير تعيش ماتشوفش فيا هكدا والله حشمت .ضحك ونتي وبهادا زين كامل كيفاه حبيتيني مانشوفش فيك مانقدرش وقرب ليا خليني ياريان خليني نشبع منك لانو نتي ماتعرفيش شحال تعدبت كيبعدت عليك .قرب يبوسني حتا دقدقو فالباب .قال اووووف شكون .انا سناء .ماش وقتك ياسناء وفتحلها .علابالي ماش وقتي بصح وصلو دارهم .ولازم تهبطو هيا راحت وهو غلق الباب وقالي واش ديري بداركم لبارح برك ونتي معاهم خليك هنا خير .ضحكت وقتلو عيب هادي صبوحية لازم نهبطو قربت ليه وفتحتلو قفالة تاع شوميز وبستو وخليتلو ليطراس تاع غوجالاف في صدرو وقتلو وحنا مازال ليام وطولت لعمر بيناتنا .قالي نتي بهاد الجاست تحبسي فيا باه نخليك تهبطي ولا باه نحبسك هنا .لالا باه تقدر تصبر حتا لليل . شعلتي فيا نار وتقوليلي تصبر لليل .بصح ادا بقينا هكدا اصلا مايخلوناش طرونكيل تلقاهم كل دقيقة يدقدقو علينا .ايه عندك حق اهبطي وخلي كلش يفوت فيساع وياربي يعطيني الصبر .
أنت تقرأ
رهينة أمير الفصل الأول
Художественная прозаهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
