الجزء 34
بقلم لينا
.سلمت عليهم ودخلتهم قاتلي ماما تهزي الحمل و تفارقي وماتسمعيناش .ماما راكي عارفا مانكدبوش على رواحنا درك .ايه ربي يعوضك مالا .حطيتلهم يتغداو ماما غير كلمة واش هاد الخير ليعايشا فيه حتا الفوتاي من الماركا ليال تقولها ماما قولي الله يبارك .ايه الله يبارك مانحسدوكش ماتخافيش .وصفاء غير تشوف وساكتا .عيطلي امير فتلفون رحت للكوزينة هزيت عليه وخبرتو قالي نورمال ضايفيهم وعامليهم مليح فالاخير هادي يماك وخياتك وكوبا .رجعت عندهم سقساتني صفاء قاتلي امير مايجيش درك .عقدت حواجبي علاه تسقسي عليه .سقيت برك كيشفتو ماجاش .ايه عندو خدمة حتا لليل باه يجي .قاتلي ماما اسمعي هادا الخير تاعو ولا تاع باباه .اكيد ماما تاع باباه وتاعو وهدي دار تاع باباه .ايه .مالا دارك وينهي .مازال منا على عامين رايح يشري دار ونخرجو من .ايه ربي يهنيكم .انشاءالله مع لعشية لقيتهم مازالو قاعدين تخنقت كون صبت راحو خير .حتا تفتح الباب لقيتو امير جا .رحت عندو واش جابك هاد الوقت .مادام داركم هنا جبت شوي قضيان ديريلهم عشا .بالاك درك يروحو .نحكموهم يتعشاو ونعيط لباباك تاني يجي عيب اول مرة يجيو ومانعرضوهمش يتعشاو .اوك عندك حق .دخل لصالو سلم على ماما ولاح سلام لبنات عجبني الجاست تاعو كيماسلمش عليهم .بقاو يقصرو جات ليال عاونتني غير صفاء كلما نطل عليها نلقاها دايرا امير تيلفيزيون تتفرج فيه وتبتسم حتا جاء بابا وحطينا تعشينا كيخلصنا غسلت لماعن شفت امير رايح لشومبرا عرفتو باه يتكيف درت نوجد في بلاطو تاع تحلية وديسار .هزيتولصالو وحطيتو فيقت انو صفاء ماكانش هنا .خرجت نحوس عليها لقيتها خارجا من شومبرا .زبل طلع لراسي .نتي واش ديري هنا .والو كنت نحوس عليك .كنت فلكوزينة راكي عارفا .ااا صار مالا اعطيني شارجورك نشارجي تيليفوني دخلت لشومبرة لقيت امير فالبالكو يتكيف جبت شارجور ومديتهولها .قعدنا وقصرنا وراحو .غير غلقت الباب .قلت لامير واش كاين بينك وبين صفاء .قالي واش هادي الهدرة .امير شفتك نهار صبوحي تاعي تخزر فيها وكينجبد اسمها تتبدل وقبيل لقيتها خارجا من شومبرة ونتا فيها واش تعني هادي .ماتعني والو نتي برك موسوسة .لا راني متأكدة كاينا حاجة .ريان قتلك خلاص ماكاين والو .لا كاين وبالاك كرهت مني وحاب لجديد .هنا هز يدو كان راح يضربني ولا حبس ردي بالاك تزيدي تعاودي هاد الهدرة .مالا جاوبني .ايه درك نجاوبك .ختك صفاء هيا سبب طلاقنا.
أنت تقرأ
رهينة أمير الفصل الأول
Ficción Generalهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
