الجزء 35
بقلم الكاتبة لينا صبرينة
هيا سبب طلاقنا .كيفاه يعني امير .بعد ماحاوزوك وخرجتي من داركم انا من موراك جيت طبطبت وفتحتلي صفاء سقسيتها عليك وينك وين رحتي .قاتلي ماكيش فدار وقالت راحت لبيت عمي بصح ماضنيتش هاديك والفت زنق كل يوم في بلاصة.ماتمنهاش .قاتلي نتا ماتستاهلهاش راك راقد على ودنيك وهيا دير في رايها من بلاصة لبلاصة .هبلت من كلامها ومالقيت ماندير .قلت نسنى منا لغدوا ادا مافتحتيش تيليفون نهدر مع باباك مانتسرعش . غدوا صباح بعتولي ليفوطو وليميساج شوهولك سمعة تاعك بعد ماحوست ودرت روشارش على نيميرو عرفتها بلي صفاء .فتحت فمي من الصدمة .قتلو صفاء هيا ليبعتتلك .ايه هيا هاداك نهار كيقلتيلي 17 ساعة ويروح مفعول دواء فهمت بلي عستك وتعرف توقيت وقتاه تروحي تزيدي تضربي تانيا حافضاتك .حتا ليلة عرسنا انا ونتي قاعدين حتا وصلني ميساج ادا تشفاي .ايه نشفى ووجهك تبدل . ايه لانو هيا بعتتلي ليفوطو تاع عرسك مع رشيد وقاتلي ريان كانت مع غيرك ولابسا هكدا زعما ماعفتهاش قدامك .خرجت من عندك عيطتلها رخستها وكوبيت .ونهار صبوحي شفتها قلت هادي طفلة ماتحشمش ووجها صحيح عليها شفتيني نتخنزر فيها .وحتا قبيل خرجت نتكيف جات مورايا قاتلي ماكرهتش من ريان انا ماحبيتش نكتر معاها الهدرة و حاوزتها مم شومبرة .فهمتي درك .علاه ماحكيتيليش من قبل هاد شي .ماحبيتش علاقتكم تفسد بصح هيا كترت بزاف وماتحشمش .قعدت قدامو حطيت يديا على وجهي ونقول علاه ياصفاء درتيلي هكدا في واش ضريتك حتا تكرهيني .بقينا مدة ساكتين ودرت لعندو وحضنتو وطلبت سماح منو قالي خلاص نتي خاطي كلش كان من تحت راسها .شوغي حبيبتي انساي اوك ماتخليهاش تفسد حياتنا ولا تخليك تشكي فيا. لا موحال نسمعلها حتا كيسمعت ليوم هاد شي درك نحاسبها ونقاطعها نهائيا .ماتحاسبيها ماتقاطعيها ديريها كيشغل ماكانش وماتعمريش راسك بيها خلي حبنا انا ونتي يكون هو سلاحنا .خلاص درك هيا نديرو دوش ونرقدو وغدوا يكون يوم جديد وبدون اسرار .
أنت تقرأ
رهينة أمير الفصل الأول
Fiksi Umumهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
