الجزء 23
غدوا وقت لغدا خرجت شفت من ومن ماكانش حتا تيليفون ماعيط مابعت ميساج .قلت نستاهل رخست بروحي وقتلو نتلاقاو وماجاش دخلت لخدمتي على 3 تاع لعشية لقيتو بعتلي ميساج .كانت عندي ميسيو خارج الولاية كملتها وجيت مارديتش عليه حتا 4 خرجت لقيتو مقابلني فطونوبيل درت روحي ماشفتوش وكملت طريقي لقيتو مورايا يتبع فيا بطونوبيل هيا اطلعي نهدرو مارديتش عليه .قالي مازلتي في طبايعك بصح ماعليش ديري رايك وراح .كملت طريقي لدار دخلت وبدلت ودرتلهم لعشا كملت كلش. فليل حكمت بلاصتي جبدت تيليفوني لقيت شحال من آبال من عندو قلت خلي نتقل روحي عليه بعد مارخست روحي وقتلو نتلاقاو وفلخر ماجاش .غدوا رحت لخدمتي غير وصلت لباب المركز لقيتو واقف ويشوف معايا .قالي نتي حابا تجرجريني ولاتنتقمي مني ولا تددلي عليا .قتلو ولا وحدة فيهم .مالا علاه راكي تهربي .حاجة ماتخصكش ومشيت دخلت خدمت خدمتي حتا لقيت ميساج وصلني من عندو .على 12 تخرجي تلقايني تحت المركز نسنا في فطونوبيل وادا ماجيتيش ماتلومي غير روحك .اوووف رجع للتهديدات تاعو واش يسلكني منو درك .على 12 خرجت لقيتو يسنى ركبت وديمارا راح لنفس لبلاصة قارا وقالي .هااااه قوليلي واش هو الامر ليتحتاجيني فيه .قتلو حابا نعرف شكون بعتلك ليفوطو . سكت شوي وقالي واحد ماتعرفيهش بصح .يعرفني انا .قتلو وكيفاه عرف بلي رايحا نخرج في هاداك الوقت .مانعرف بصح كيهدرت معاه قالي صدفة برك .أمير راك مخبي عليا حاجا .قالي لالا ليكاين قلتهولك .مالا يكتر خيرو .دار ليا كيفاه يكتر خيرو .قتلو كيبعتلك ليفوطو وكانت سبب في فراقنا وطلاقنا .مالا كنتي غير تسناي في هاداك نهار .ايه كنت نسنى تصرا معجزة وتبطل عليا .مالا كنتي تنافقي عليا ووتكدبي في وجهي .عمري ماكدبت عليك من نهار لول كنت رافضاتك ونتا عارف.قالي واش ماعجبكش فيا حتا رافضتيني .لأنو ماتستاهلنيش .هنا لقيتو حكمني من رقبتي ويزير قالي مالا رشيد ساكارجي ليكنتي متزوجتيه هو ليستاهلك .قتلو خنقتني اطلق يدك عليا .جاوبيني هاداك ساكارجي هو ليخيرتيه عليا .لا ماخيرتوش عليك بابا حتمو عليا وتزوجتو بسيف .حتا لقيتو رخف يدو طلقني .قتلو شكون خبرك بلي تزوجت.نعرف خبارك كامل حتا نعرف بلي تزوجتي غير بالفاتحة وعارف بلي حتا حاوزك من دارو وطلقتو .خلاص نتا ماعندك دخل في حياتي كل واحد يروح بحالو رجعني للخدمة وربي يسهل على كل واحد . قالي كنتي رهينة أمير .كنتي تمشي على يدي كما نهدر تقولي حاضر كنتي مرتي شرعا وقانونا وفي رمشة عين فكيتك من القيود وخرجتك من حياتي .بصح كون على الاقل كيعرفتي بلي ماكيش بنتهم عيطتيلي وحكيتيلي انا نقولك اقعدي فدار حتا نجي عندك ونحلها .قتلو واش تحل .كون جيت هدرت مع باباك وخليتك تم معززة مكرمة وفي يومين ندير عرس ونديك بصح نتي تسرعتي وخلطتي فالهدرة وهددتك بطلاق وهكدا وخرجتي ودرتيني شغل ماكانش .قتلو درك كلش فات تفرت وحاجا ماترجع كما كانت .كيقلت هكدا ضرب الفولا تاع طونوبيل ايه عندك حق حتا حاجا ماترجع كما كانت وشاف معايا حسيتو ناوي على حاجا عينيه حدتهم قوات ورجع يطلع ويهبط يشوف معايا .خفت منو قتلو تعيش رجعني للخدمة هاداك هو وقت .قالي نسقسيك وتجاوبيني حبيتيه .قتلو شكون .باينا طليقك رشيد .نتا واش يهمك ادا حبيتو ولا كرهتو . جاوبيني ريان . لا ماحبيتوش .قالي واش هو سبب رئيسي لطلاقكم .قتلو حاجة تخصني .شفت وجهو تبدل .قالي مالا كنتي معاه تقعدو وتقصرو وتاكلو مع بعض كنت انا مطايش فصحراء بصح حاط في بالي انك راكي بين يدو راقدة شاف جسمك ليتمنيت انا نشوفو دار شيئ ليحلمت انا نديرو معاك . سكتنا شوي وقتلو بصح كان زواج بلحلال ماعندكش حق حتا باه تحكي هكدا هو كان راجلي .دار ليا وجهو وطلع حاجبو مالا راجلك ماعليش فتح لقجر ليقدامو وجبد ليمينوت كيشفتهم بديت نعيط أمير على واش ناوي بعدني حكملي يديا بيهم وهبط الكوسالا ونحالي جبدلي الخمار طيشو بقا يشوف معايا قالي حتا دم في رقبتك كما هاداك نهار وماكانش كما قلتي حتا حاجا ماترجع كما كانت هو شاف وسلب اعز حاجا فيك ليهيا عدريتك .كيقال هكدا جيت نقولو بلي مازلت فيارج بصح هو ماخلاليش حتا الفرصة نهدر وحط فمو على فمي يبوس فيا بكل قوتو وبكل عنف ووحشية حتا حسيت بشواربي طارو وجسمي تقال ماعرفت ندير والو من غير دموعي يهبطو بعد مني وقالي مادام ماعندك حتا حاجا تخسريها درك ولا تخافي منها رايحا تكوني رهينة عندي ساعة ونخليك تروحي .تصدمت من هدرتو ولساني تربط ماقدرتش حتا نهدر .
![](https://img.wattpad.com/cover/377041754-288-k78298.jpg)
أنت تقرأ
رهينة أمير الفصل الأول
Ficção Geralهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...