الجزء 19
لبست الخمار ورحت نمشي لدار والخلعة حاكمتني خفت كاش واحد يحكمني برا في هاد الوقت رحت نمشي لدارنا ماش بعيدة عليهم كيقريب نوصل لقيت وحد ليجان مجمعين ويشوفو معايا ويقولو ماش هادي بنت فلان مرت فلان واش دير برا في هاد الوقت غطيت وجهي بلخمار رحت نجري خفت موت طبطبت فتحلي بابا الباب تخلع كيشافني دخلت وقالي واش كاين قتلو ضربني وحاوزني قالي علاه يحاوزك .درك نحكيلك كلش دخلت لصالو لقيتهم كامل ساهرين تخلعو هوما تاني كيشافوني وبداو فالأسئلة علاه واش كاين والسبب حكيتلهم كلش قالي بابا غدوا نهدر معاه ورجعي لدار راجلك .انا نقولك راجل مهبول وزيد يدروغي ونتا تقولي رجعي .وكيفاه مالا تبقاي عندي تزيدي تطلقي المرة الثانية .قتلو ادا ماش قابلني نروح ومانرجعش بصح موحال نرجع لعندو .قالي سكتينا درك روحي ترقدي وغدوا يرحمها ربي .رحت لبيتي ونسمع في ماما تعيط زادت جات لداري غضبانة يادرا واش دارت حتا حاوزها سور راهي مخبيا علينا حاجا .وبابا يقولها اسكتي ليل ليل جيران يسمعو .قاتلو وادا تبقا هنا لجيران كيفكيف يسمعو يسمعو وزيد طالبا طلاق ناس تعود تغني بسيرتنا بنت فلان زوجت وطلقت مرتين .وصفاء تقول كون تبقا هادي الكلبة هنا فدار انا نخرج منها موحال نقابل فيقورا تاعها حتا ناض يعيط بابا ويسب باه سكتو .قلت مع روحي لهادي درجة يكرهوني واش درتلهم ياربي صبرني .صباح نضت على صفاء تنوض فيا نوضي يابنت الكلب نوضي رجعي لراجلك راهو جاء يديك .قلتها جاء .ايه هنا فصالون يسنا في بابا يجي باه يهدر معاه ويديك نتهناو منك.اخرجي من لبيت خليني نبدل ونخرج لعندو .ايه وازربي شوي لانو يضيق نفسي كينشوفك دوري قدامي .صفاء برا عليا شنفت عليا وخرجت. حتا من أنا مانشي قاتلا روحي نشوف وجهك المسموم .لبست وخرجت لقيت بابا وصل قالو عيط لريان عندي هدرة معاها .عيطلي دخلت قالي البارح انا ماحاوزتكش خرجتك برا برك باه تترباي ومبعد نفتحلك الباب بصح نتي رحتي وخرجتي وبالاك بلا خمار وزيد شافوك جماعة تدوري برا .وواحد منهم قالي مرتك لبارح كانت برا فليل تمشي ووحدها مالا راكي مطلقة مطلقة مطلقة .خرجت من صالون نمشي ونضحك كون نقولكم بلي فرحت فرحتي ماش عطيتها لحد كون علابالي بلي كينخرج من دار يطلقني كون درتها من قبل راحت عبير جابتلي قشي كامل ماخلات والو ورجعت لحياتي لقديمة مع دارنا المهم تهنيت من رشيد وهبالو .بصح يااادرا واش مخبيتلي هادي الدنيا
أنت تقرأ
رهينة أمير الفصل الأول
General Fictionهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
