الجزء 5
.هاديك ليلة بقيت نتقلب في بلاصتي غير نغمض عيني نتفكر واش صرا صراحة خفت منو بزاااف قلت ادا زدت صادفتو نحاول قد مانقدر مانهدر ماندور ادا شفتو نبدل طريقي .غدوا رحت لخدمتي كيقريب نوصل للمركز بقيت غير نشوف من ومن خفت نلقاه مالقيتوش يومين على نفس الحال نحوس عليه بعينيا ماكانش .انا فالخدمة عيطتلي عبير قاتلي هااه واش قلتي على زواج راجل حاب يجي يطلبك واش رايك .صح خايفا .قاتلي من واش .من زواج والمسؤولية وخايفا يكون انسان قاسي .قاتلي هدرت مع فاتح وقالي يخدم معايا انسام ماشاء الله ماعندها ماتخير .قلتلها مالا اوك اهدري مع بابا وتفاهمو على نهار ونشوفو بعض ويرحمها ربي .كوبات وخرجت نتغدى ونفكر هل قراري تاع زواج صحيح .ايه اكيد صحيح مالقيتش لهنا في دار والديا بالاك نلقاها عند هادا راجل نتوكل على ربي وخلاص .وانا راجعا لقيت البياري قارا طونوبيل وداخل لمركز الأمن كيشافني تقول شاف عدوه ودخل وانا كملت دخلت لخدمتي كملت ورجعت لدار حنا نتعشاو قال بابا عيطلي راجل عبير وقال كاين خطابة لريان ونهار المجمعة يجيو يشوفوك قالت ماما حمدلله واخيرا جاء خطاب ليها .نطقت ليال ايه ريان اتزوجي خير ماعندكش بلاصة في هادي دار وصفاء ابتسامتها عريضة .نضت من بلاصتي قالي بابا وجدي كلش بطبع ماتبهدليناش .اوك بابا .قلت مع روحي حابين يتهناو مني مالا قراري صحيح نتزوج خير .بعد يومين خرجت من الخدمة رايحا لاري تاع البيس حسيت بطونوبيل ورايا سمعت صوت لبياري .اسمعي ليوم كاين غير بيس واحد يخدم ارواحي نوصلك .قتلو مازالك مورايا بعد لكلام ليقوتهولك ماحشمتش .حتا نتي تباني مافهمتينيش مليح ماعليش مابقاش وتعودي تفهميني وتعرفيني وبزيادة لكلمة لينقولها انا تقولي اوك وتبلعي. وطار بطونوبيل تاعو .واش مقصودو بهاد لكلام .
أنت تقرأ
رهينة أمير الفصل الأول
Fiction généraleهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
