الجزء29
بقلم لينا
ضحكت وحكمت يدو وهبطنا .هو راح منين كاينين رجال وانا دخلوني لصالون كبيير قيس زوج بيوت كبار فيه كانابيا وليفوتاي .قابلتي ماما تسلم وتحضن وعبير فرحانة بيا سلمت على توام ليال تضحك وصفاء تقول ديتلها راجلها سم طاير منها .قعدتني عبير قدامها سقساتني على ليلتي قلتها فالاول ماصدقنيش ومبعد كيحكيتلو فاتت على خير . الحمدلله ربي يهنيكم ريان .انشاءالله ختي .وقابلتني مرت باباه تهدر مع وحدا ويشوفو معايا ليمعاها تكون فتلاتينات لابسا غوب لركبة قرونا مزيرا ودايرا مكياج تقول هيا لعروسة وشعرها على جنب مارتحتلهمش في زوج .درنا عادات صبوحي شطحنا وتغدوا وتقهواو كيوصل وقت يروحو خرجت معاهم للهول تلاقيت بابا وامير سلمت على بابا وهو يقول لامير ريان أمانة عندك اتهلا فيها تولهت بلي امير وصفاء يخزرو في بعض بزاف وهادا شي قلقني نضراتو ليها كانو ماش حب ولا اعجاب شغل كره وحقد بصح مافهمتش وماحبيتش نتوسوس هوما راحو ودار ليا انا نطلع نريح ونتي شوي وطلعي .اوك انا رجعت للصالو وقعدت وجات سناء قعدت قدامي طفلة تهبل قصايرية تهدر وتضحك عفوية رتاح قلبي من جيهتها جاو بنات خالاتو وعماتو بقاو يتعرفو عليا تولهت لمرت باباه وهاديك مازالو غير يشوفو معايا وتوتو مع بعض وشابحين وجوهم سقسيت سناء .شكون لمع مرت باباك من جيت وهيا حاكما عليا خزرة .قاتلي هادي زينب بنت خت مرت بابا هادو في زوج بعدي عليهم قد ماتقدري .علاه .نتي راكي جديدة ماتعرفيش عقليتهم راهم يحطو سمهم ويهربو خودي حدرك منهم .انشاءالله .حتا شفت دخلني ميساج لقيتو امير قالي واش ديري هيا راني نسنا فيك لفوق .رديتلو سناء راهي معايا ولبنات ماقدرتش كيفاه نخليهم ونجيك اصبر يتفرقو ونجيك .
شوي لقيتو هبط دخل .حتا لقيت لبنات ليدايرين بيا تفرقو كيشافوه قال لسناء بعديلي نقعد علاه حاشرا فيها هكدا .خويا كنا غير قاعدين ونتعرفو .ايه من بعد وتعرفو ماش درك راهي عروسة وعيانة .نطقت مرت باباه امير ديجا بديت فدلال .علاه عندي مرا من غيرها ندللها ونزيد ماش خصارة فيها .دخلت يماه غير تشوفنا تقولنا ماشاءالله على وليدي وعروستي ربي يحميكم انشاءالله وتبوس وتعاود .قرب ليا واش عجبتك عقلية ختي ويما .هيه الله يبارك يماك كيلعسل وختك سكر حلوة .حمدلله .هيا نطلعو والله عيان حاب نريح شوي .ايه اطلع دقيقة ونلحقك اوك .ناض وجاء خارج قابلتو زينب بهاديك لبسة .امير مبروك عليك .يبارك فيك زينب لعقوبة ليك .انشاءالله نلقا ليستاهلني .مانخافش عليك علابالي تلقايه وخلاها وراح .شوي قلت لسناء انا لازم نطلع قبل مايهبط ليا ضحكت وقالتلي ايه روحي امير مايحشمش قادر نورمال يهبط ويفرق الناس بكلمة اطلعي خير .نضت خرجت وغير كما وصلت لدروج لقيت وحدا تقولي .ماتخافيش كما دخلتي من هادي دار تخرجي منها .
أنت تقرأ
رهينة أمير الفصل الأول
General Fictionهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
