الجزء 3
فاتو ايام واتصل خويا فريد قالنا بلي راح لفرنسا بصح اوراقو كامل تسرقو تما مايقدرش يرجع لازملو تسوية وادا ريقل امورو رايح يطول هكدا رجع خويا شغل حراق بيت هاديك ليلة ليلة كحلة
عدت يوميا نخرج صباح نخدم مرات نخرج نص نهار مرة نهار كامل حتا كمل شهر وسلكت ماما فرحت بشهرية وزيد قاتلي قليل قتلها راني سطاج ماتنسايش المهم عدت نتعب بزاااف نوض مع لفجر باه نكمل شغل فدار ونروح نخدم نرجع ندير لعشا ونغسل لماعن ولبنات مايعاونونيش حاسا روحي خديمة عندهم صح عندها الحق عبير كيقاتلي اتزوجي خير ماتبقاي بونيشة عندهم غدوا من داك نضت وجدت روحي رحت نخدم وصل وقت لغدا خرجت تغديت لانو كرهت ماكلا تاع المركز سمعتهم قالو البوس دار اضراب مايخدمش هاد لعشية قلت مع روحي على زهر لازم نعيط لبابا يجي لعشية يديني غير رجعت للمركز عيطتلو حكيتلو قالي همي وتزيديلي همك يابنت الكلبة على 4 نجي ليك وصل الوقت باه يجي طول وخرجو كامل ليخدمو قلت نخرج نسناه برا قعدت فلكرسي تاع حديد تابع للمركز ونسنى حتا صونا تيليفوني مسنجر لقيتو خويا فريد معيطلي فلاكام هدرت معاه وبكيت تواحشتو غير كوبيت طلعت راسي لقيت واحد راجل مربع يديه ومتكي على طونوبيل ويشوف معايا نضرة تاعو حادة لدرجة اني حسيتو كلاني من بعيد ماحبش ينحي عينيه مني وحاكم عليا نفس النضرة حتا حشمت ودورت وجهي شوي درت لجيهتو لقيتو واقف مع واحد حاط يديه في جيب السروال لابس باسكاط بيضا وسروال وتريكو كوحل وجيلي آكارو بيضاء ووجهو ليه ملامح رجولية وشعرو كحل توت مطلعو كانت عندو وقفة كلها هيبة وثقة فالنفس صراحة خشعت فيه حتا لقيتو دور عينيه لعندي لقاني نشوف معاه دورت وجهي عليه شفت بابا واخيرا وصل ركبت وبدا يخلط فالهدرة وصلت بدلت وحكمت لعشا درتو تعشينا حكمت بلاصتي وحكمت بلاصتي رقدت ديراكت عدت غير نحط راسي فلمخدة نرقد من لعيا لغدوا رحت لخدمتي كنت داخلا شفت نفس راجل ليشفتو لبارح هو ماشافنيش لابس جيلي ومكتوب عليها بياري يااايما خفت من الاسم عليها عندو هاديك الوقفة صار يخدم مع لابوليس وزيد بياري
دخلت خدمت نص نهار خرجت تلاقيت راجل ختي فاتح لحت سلام وحكيت معاه قالي رايحين يبدلوني لهادا لمركز ليهنا قتلو ربي يعاونك ورجعت لدار نفس روتين غدوا رحت نخدم شفت البياري حتا لقيتو غمزلي يااا مايحشمش عدت يوميا نلقاه مرة يغمزلي مرة بوسا من بعيد مرة يحط صبعو جيهة قلبو وراسو المهم حركات غير مفهومة كملت خدمتي ورطعت لدار لقيت صفاء في بيتي مع قشي قلتلها واش ديري .نحوس على كاش غوجالاف .نتي كامل ماعندكش غوجالاف ايه خلصلي ونحتاجو غدوا مديتلها وقاتلي حوايجك مانقدرش نلبسهم والله تقول عليك طلابة .مالا هاتيه هنا واش ديري بالرخس .لا هدا خليه نحتاجو محتمة برك .وخرجت راح بالي ديراكت لسلسلة خويا لقيتها في بلاصتها .غدوا رجعت للخدمة غير وصل وقت لغدا خرجت تغديت وكنت راجعا سمعت واحد ورايا يقولي واخيرا شفناك برا المركز ماحبيتش ندور واصلا مانحب نهدر مع حتا راجل نخاف وماعنديش جرأة.
أنت تقرأ
رهينة أمير الفصل الأول
Genel Kurguهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
