الجزء 8
.بعد سمانة جاو حطولي الخاتم وانا كما الميت حاسة غير بالقهر تفاهمو على شرط والفاتحة والعقد والعرس وراحو فليل جاء بابا قالي شرط نهار الفاتحة يجيبوه والعقد بعد مايريقل دوصي ماش باين وقتاه والعرس بعد مايجي من الصحراء لانو بعتوه خدمة لازم يروح بعد مايجي يدير العرس ديراكت .مالقيت مانقول بعد شهر من هاداك نهار انا يوميا نروح نخدم بصح ماشفتوش بالاك صح راح لصحراء خممت خممت وقلت لختي عبير تهدر مع راجلها هو يهدر معاه ويقولو يبطل يرفض هاد زواج قاتلي ايه درك نقولو .بعد يومين رحت نخدم كيقريب نوصل للمركز شفتو مقابلني جاي طاير بطونوبيل قارا قدامي حبس حكمني من يدي وجرني لطونوبيل .قالي يالله اطلعي .قتلو واشبيك نتا اطلقني ومانطلعش ماش كما تحب .قالي بالعكس كما نحب انا دخلني بسيف عليا ركب هو وديمارا كنت رايحا نهدر قالي اسكتي كلمة مانسمعهاش منك يمشي ويسب فيا رخيسة تحوسيني انا نروح نهدر مع باباك باه نبطل حابا تدليني باه يقولو عليا ماش راجل ماش قد كلمتو وحدا كما نتي ترفضني ويقولو فلانة رفضتو انا بكمالي لبنات راهم يجريو مورايا يحوسو غير تبسيمة من عندي وانتي تهربي وتذليني .ايه لهاد سبب هاربا منك لانو مافيكش الامان لينحوس عليه .قالي الامان كان موجود نتي بكلامك شوهتي رجولتي خليتيني نهدد برك .غير وصلنا لبلاصة عاليا قارا مقابلنا لبحر .قالي اسمعي ليا مليح ماش انا لينترفض سمعتي انا درك نعطيلك زوج احتمالات وتقبلي واحد منهم وادا رفضتيهم في زوج متلومي غير روحك .قتلو واش هوما .اول احتمال تقبلي بيا ونتي راضيا وتاني احتمال تعطيني ساعة من وقتك وتروحي تكملي حياتك بلا بيا .شفت معاه مصدومة كل مرة يبرهنلي بلي حابني على جال شهواتو برك .قتلو لا مانقبلش بيهم في زوج .قالي متأكدة قتلو مليون فلمية ضهك بإستهزاء وجبد خماري نحاه طيشو لور حتا سلخني من رقبتي بالمساك ليفيه عيطت عليه وشبيك نتا هات خيماري حرام عليك .قالي اسكتي وردي بالاك تعلي صوتك عليا حط يدو عل رقبتي مسح وقالي شوفي هادا دم انا سبابو جرحتك من رقبتك بصح هادا الجرح يومين تلاثة يتلم وكأنو ماتجرحتيش واش رايك في هادي دقيقة كما هادا دم يخرج من بلاصة خلاف بصح هاداك الجرح يبقى عمرك كامل جامي يتلم ويرجع كما من قبل .شفت معاه ونبكي ربي يعيشك بعد عليا .خلاص شيطان راهو يوسوسلي نتي ماقبليتيش بهادوك الاحتمالات بقا احتمال ليراهو في راسي نديرو ونتهنى ونخليك تروحي بحالك انا هكدا نبرد .لالا خلاص راني قابلا بالاقتراح الاول ماتمسنيش ربي يعيشك .
أنت تقرأ
رهينة أمير الفصل الأول
Tiểu Thuyết Chungهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
