الجزء 17
وجدت شومبرة وانا فرحانة قلت كيجيب مرتو ينساني بلي عايشا هنا معاهم ورحت لبيت خلاف ريقلت حوايجي ورقدت .غدوا فطنت على صوت زغاريت ولغنا ايه ليوم عرسو فلول قلت مانخرجش ومبعد قلت علاه نخرج ونزهى لراجلي .حتا كلمة راجلي جاتني تقيلة على لساني .لبست وتزينت وخرجت لقيت رشيد لابس نفس لكوستيم تاع عرسنا حكمت ضحكا بسيف .هوما راحو وجاو وجابو لعروسة طفلة صغيرة وزينة .قربت لعندها قلتلها الله يبارك تهبلي وكلشي مبروك قتلي انتي هيا ريان قلتلها ايه .قاتلي صح قابلا بهاد زواج .ايه قابلا .قاتلي ماكيش مقلقا .قلتلها لالا علاه نقلق بالعكس فرحانة كتر منك .هيا استغربت فهمت بلي رشيد ماحكالها والو .جاني سؤال في راسي قلتلها عقد عليك .قاتلي لالا مازال حتا يريقل دوسي .قلتلها ربي يهنيكم وفي قلبي ربي معاك مع هادي العايلة وخرجت من الصالون قابلني رشيد شفتو يشوف معايا وجاي جيهتي قالي ارواحي نحتاجك .رحت وراه دخلنا لبيتي .ديراكت حكمني من جنبي قالي حاب حقي .قتلو مافهمتش قالي حقي منك .قتلو بعدني وماتنساش شرطي .قالي مايهمنيش هاداك شرط وأصلا مابقاش ونروحو نعقدو بصح منا لهاداك الوقت على الاقل نبوسك ونشبع وبدا يقرب ليا عفتو صح حاب يبوسني وانا نتعافر معاه بسيف بعدتو عليا .قتلك ماتقربش مني واصلا جبت مرتك روح ليها .قالي بصح انا جاتني درك حالتي عليك نتي حابك نتي درك وهيا فليل لانها عروسة مانقدرش نخليها وحدها في ليلتها كما خليتيني نتي .قتلو رد بالك تقربلي وهزيت مقص كان على لقوافاز قتلو كون تقرب ندخلو فيك وبدا يعيط ويسب وقالي ماعليش ديري رايك بصح ندمك يا ريان غير دار رايح يفتح الباب هبطت هاداك لمقص هو غفلني ونحاهولي وضربني وقالي بنت زنق جبتها لداري نسترها ضهرت تتشرط عليا والله عندك في يدك سمانة ادا ماقبلتينيش نغتصبك ونطلقك ونطيشك برا يا بنت حرام زاد ضربني كف وخرج. بكيت على زهري وقلت ياخوفي ادا يعقد عليا لتما تتحتم عليا نستسلم ونكمل زواجي معاه ماكانش مهرب .ياااربي قويني وفرجها عليا .
أنت تقرأ
رهينة أمير الفصل الأول
Ficção Geralهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
