الجزء 18 .
فاتو ليام وضرتي ناس ملاح بصح رشيد رجعني خديمة عندو برك قالي ياتعطيني حقي ياتعيشي هنا خديمة .قبلت اني نخدم عليهم قلت ماعليش راني موالفة بصح كان ايماني بربي كبير وقلت يجي نهار وتفرج .عبير نهدر معاها يوميا بصح نحكيلها سطحيا برك ماندخلش فالتفاصيل حتا ماهيش عارفا بلي ماخليتش رشيد يقرب ليا ومزلني فيارج . ضرتي الماء ماتمسوش عاجبها الحال وزيد دلال حتا وحد نهار سمعنا لعياط في شمبرتهم وهيا تبكي وتقولو طلقني جرينا لعندهم فتحنا الباب لقيناه يضرب فيها بسانتورة وهيا ماقدرتش حتا تتحرك وتبكي كما لولاد صغار قاتلو عجوزتي علاه تضرب فيها قالها حكمتها تشرب فدواء تاع ضناية باه ماتهزش الحمل عجوزتي خبطت صدرها وقالت يااخلايا صح واش يهدر قاتلها ايه صح لازم نشرب دواء حتا يعقد عليا بالقانون .هنا لقيتو دار لعندي وقالي نتي عمرتيلها راسها يااك .قتلو ماقلت والو خاطيني وبدا يضرب بهاديك سانتورة ضرب مبرح وقالي نوضي روحي لبيتك رحت نجر في روحي دخلت للبيت شفت روحي فلمراية ليطراس تاع ضرب لحمي كامل حمر وحتا دم يسيل كيقاسني بلحديدة تاع سانتورة .هاديك ليلة انا راقدا حسيت بواحد قدامي تخطفت من بلاصتي لقيتو رشيد وكان شارب يااايما واش ندير انا في حالي درك قتلو اخرج عليا وبديت نعيط حتا جاو كامل ليفدار خرجوه .صباح خرجت فطرت وكملت شغالاتي مبعد قلت ويني ضرتي ماشفتهاش ليوم رحت لشومبرتها طبطبت قاتلي ادخلي دخلت لقيت حالتها كتر مني بضرب حتا وجها ومجروح .قاتلي اقعدي قعدت وبدينا نحكيو حكاتلي على رشيد كيفاه يدير معاها وراهي نادما على هاد زواج قاتلي من ليلة لولى يضربني يطيحلي فلكلام حتا شفتو يشرب في دواء تاع القلقة .قتلها هات نشوفو مدتهولي قلتها هادا دواء تاع لمهابيل باه ماتجيهمش نوبات عصبية بصح قاتلي كيفاه عرفتي قلتلها انا قريت علم نفس ودرت سطاج وخدمت راني نعرف هادا دواء .قاتلي راهو يخدم عسكري كيفاه يقبلو واحد كما هادا قلتها ماشي صعيبة عليهم يخبو هادا دواء .قاتلي اصبري دقيقة راحت لخزانة جبدت كاغط فتحتو وقاتلي هادا واش .قلتبها ياااخا هادا لادروغ ماتقوليليش من عندو قاتلي ايه كل ليلة يدخل ماش نورمال شكيت فيه حتا عدت نفتش في جيوبو ولقيت هادا شي .قلتلها رشيد ضهر واحد مهبول وزيد يدروغي .قاتلي حابا نطلق منو كيفاه ندير قلتها روحي لدار باباك قاتلي بابا مات عايشا غير مع مرت بابا وولادها مايقبلونيش .ماكانش واحد يحن عليك ويخرجك من هادي المعمعة قاتلي خالي يقدر قلتلها خلاص اتصلي بيه يجي يطلقك منو قاتلي ايه هادا هو الحل .ونتي كيفاه قلتلها انا يجي نهار ويكره مني ماتخافيش عليا .وصح بعد يومين جاء خالها داها ورشيد قبل يطلقها جات سلمت عليا وقاتلي ربي يفك حوالك قلتبها آمين وراحت .من راحت ضرتي ورشيد يوميا يجي لباب بيتي يبقا يطبطب وهو سكران حلي حلي ويسب ويعيط حتا يجو يدوه وعجوزتي ماخلات مابقات حتا مليت وعييت .هاديك ليلة نفس شي جاء عندي يطبطب بصح ماشي سكران كان نورمال .قالي افتحي اعطيني حقي كان صوتو عالي سمعوه كامل .حتا خرجت عندو قتلو اخطيني ماش قتلي شهر ونعقدو وينو العقد .انا شرطي واضح خلاص ماتبقاش تجي طبطب عليا لاني مليت وكرهت منك وزيد راني عرفت بلي تشرب في دواء تاع لمهابل وزيد لادروغ انا نتا ماتشرفنيش تكون راجلي نهائيا .ضربني كف وقالي نتي مارباوكش انا نربيك .قتلو ماش راجل هادا واش فحل فيه غير فالضرب هنا جن جنونو عاد يضرب ويعاود وخرجني من دار عدت نبكي افتحلي لباب اعطيني خماري بصح ماحبش يفتح حتا لقيت ختو طيشتلي خمار وقاتلي جاتك الفرصة روحي وماترجعيش .
أنت تقرأ
رهينة أمير الفصل الأول
Fiksi Umumهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
