رهينة أمير الفصل الأول

الجزء 30

الجزء30
بقلم لينا
كيفاه كما دخلت نخرج .درت لقيتها زينب .واش قصدك نتي .كما فهمتي انت وامير ماتناسبوش بعض .شفت معاها وقربت ليها مالا شكون ليناسبو .قاتلي ليوم ولا غدوا أنا لينديه .حليت عينيا فيها قالتها بلا حشمة .جيت نبهدلها بصح لقيت ناس فدار مازال الغاشي قلتها حسابك من بعد ماش درك وطلعت لداري فتحت لباب وخبطتها .اووو ريان كسرتي الباب بعقلك .دخلت لصالو قعدت وبديت نرعش مانعرف ادا خوف ولا قلقة .شوي دخل عندي .وشبيك حبيبتي انا نسنا فيك فشومبرة ونتي راكي هنا حكم يدي لقاني نرعش وشبيكي واش صرالك .حكيتلو كلش نض يعيط ويسبكان هابط ليها بصح ماخليتوش قتلو لافامي الغاشي تحت ماكلاه دير مشاكل .وكيفاه نخليها تقول هكدا .ادا خليتها ليوم رايحا تزيد تتمادى المرة الجاية .ماعليش حبيبي تهدن شوي كون تهبط ليها درك علابالي ماتحكمش روحك وتبدا تعيط ويسمعو لافامي كامل ويقولو هادي غير جات دارت المشاكل وحرشتو .مالا تعيش على وجهي مادير والو .لقيتو تهدن قعد وبقا يتحلف حسابها عندي من بعد .دخلنا لشومبرة ورقدنا .فليل عيطولنا هبطنا تعشينا ولعيون كامل علينا نسا خاوتو كلهم بانولي متربيين وخاطيهم المشاكل بصح يخافو من مرت باباه حسيتها دايرتلهم الرعب .طلعنا دوشت وتكسلت شوي ودخل عليا .قالي راني عياااان قتلو ارواح ترقد عندي دخل تحت لغطا وحط راسو على صدري و ديراكت رقد ورقدت موراه .فاتت سمانتين  كانت عندو خدمة بزاف ماقدرش حتا يدي كونجي باه نروحو فواياج بصح وعدني انو يخلفهالي عدت انا دايما فدار نفس روتين وهو فليل يجي مرات نخرجو نتعشاو ونحوسو ونجيو ومرات نبقاو غير فدار .حبيت نرجع لخدمتي ماخلاناش قالي كما تفاهمنا الخدمة بعد 6 شهور نهدرو فيها حسيت روحي مقيدة غير فدار كون ماشي ختو سناء ليرتاحتلها هيا منحيتلي الغمة تاع نهار كيكون هو ماكانش وهيا حطيتها في بلاصة ختي عبير .وانا قليل وين نهبط يماه تعاملني كما بنتها ومرت باباه وسمية ختو يعاملوني ببرود انتبهت برك بلي كل جمعة لازم يتغداو كامل مع بعض لتحت . فليل جاء قتلو اهلا حبيبي .اهلا بيك ياقمرة داري. ادخل اغسل وارواح تتعشى مادام لعشا سخون .اوك .راح غسل ودخل عندي لقاني نسقي فلعشا حضني من لور وباسني والله تواحشتك حاب ندي كونجي ونبقا معاك ليل مع نهار بصح ماكانش كيفاه نخلي الخدمة محتما عليا نكملها درت ليه ماعليش حبيبي ماتقلقش المهم كيراك تقدر تجي تبات فدار رانا ملاح .هيه هاديك هيا .كيفاه امير .ارواحي نتعشاو ومبعد نحكيو قعدنا ومبعد سقسيتو على باباه علاه عاود زواج .قالي هو يما جابوني ومبعد ماتفاهموش طلقو وكرالها دار وبقا يصرف علينا وهو عاود زواج ومرتو جابت منو سمية و2 خاوتي بعد ماعدت عمري 13 سنة يما قبلت ترجعلو ورجعنا عشنا هنا وزادو جاوبو سناء .وكيفاه علاقتك بخاوتك .انا وخاوتي نحبو بعض وماكانش عداوة بيناتنا يحترموني ونحترمهم صح انا كبير عليهم بصح نعطيهم قيمة .عكس مرت بابا من رجعنا ماحملتناش خلاص وبالاك انتبهتي عليها .ايه عليها حبيت نفهم .حتا سمية نحسها شوي جابدا روحها .ايه تبعت يماها .ربي يهدي نفوس .انشاءالله حبيبتي .ريان نتي كيفاه كنتي عايشا في داركم قبل ماتعرفي بلي ماكيش بنتهم .سكت شوي وقلتو نورمال عادي كما اي طفلة ماحبيتش نحكيلو خفت يضلمني كما ضلموني .بصح ريان نحسك ماتحبيهمش ماكنتيش مرتاحة معاهم ؟.لالا نحبهم وبدات  فريد وعبير .ايه هادو زوج على قد ماحكيتي عليهم علابالي وفهمت بلي تحبيهم بصح والديك .والديا نحبهم صح كان كاين حاجز بيناتنا بصح عايشين نورمال .وحتا ختي ليال طفلة نية .ايه هاديك طفلة تولهت ليها بلي عفوية .قتلو بصح صفاء تجي شوي مقلقة هنا لقيتو رما المغرف من يدو وناض .وشبيك امير .والو غير شبعت رايح نتكيف وندوش ونروح نرقد عييت ليوم وخرج .وشبيه هادا كيجبدت سيرة صفاء دار هكدا .حتا نهار صبوحي شفتهم يخزرو في بعض .تقلثت وبقيتونخمم ومبعد لعنت شيطان وقلت  .ماعليش ادا كاش حاجا تعيا وتبان ونضت فرزت الكوزينة وسيقتها لقيتو خرج من دوش قتلو بصحتك حبيبي .الله يسلمك ريان .ودخل لشومبرة وانا تاني دخلت لدوش دوشت وخرجت قابلت لمرايا نمشط ف شعري ونشفتو بسيشوار وهو ورايا متكسل وحاط يدو ورا راسو وغير يشوف مانحاش عينيه مني وساكت  .أمير راك مليح .لالا مانيش مليح .علاه واش كاين .دوشتي وخرجتي بهادي لبسة وريحتك واصلا لعندي  وقابلتيني بهادا زين وشعر ليواصل لمسلانك وانا ساعة وانا نسنا وماحنيتيش عليا وجيتي عندي .ضحكت قتلو ماعليش درك نكمل برك شعري ونجيك .ماعليش نسنا .كملت شعري درت شوي ماكياج وهو مزال يخزر فيا حتا ماعرفتش ندير ماكياج قتلو امير صايي راك عميتني بحدة عينيك حتا ماعرفتش ندير .قالي لازم نحفظك .علاه تحفظني وانا دايما معاك .لالا ياولوكان تغيبي دقيقة عليا لازم نخلي صورتك ليحافضها بين عينيا واصلا كما غدوا مانباتش فدار عندي خدمة .درت ليه قتلو صح علاه ماقتليش من قبل .نورمال راني قتلك درك وزيد غير ليلة وحدا ونجيك .غير كملت نضت قربت وجهي لوجهو  وقتلو واش رايك مالا نكون رهينة أمير هاد ليلة باه نقدر نصبر عليك غدوا  تبسم بصح هادي الكلمة راهي كبيرة عليك .واش يعني .انا كينقولك رهينة أمير راني دايرلها حساب خلاف .ماعليش قابلا .عقد حواجبو وطبعني لسرير .قالي مادامك قابلا خليها تكون اول ليلة ليك بإسم رهينة أمير .