الجزء 20
بقلم Lina_sabrina
رجعت لبلاصتي المفضلة تحت شجرة الكالتوس بصح هاد المرة كل أسئلتي عندي ليها إجابات .هزيت بورطابل عيطت على فريد تواحشتو هدرت معاه وحكيتلو كلش قالي عسى ان تكرهو شيأ وهو خير لكم قتلو عندك حق وكوبا .بقيت ندور فالفيسبوك نطلع ونهبط حتا لقيت صورة راجل عبير ومعاه أمير كيشفتو كرشي تخلطت كان لابس لبسة لابوليس وحاط نواضر ومتصور فصحرا مشاعر الخوف والحنين ليه رجعو من جديد تفكرت هادوك يامات معاه تفكرت سلبيات والايجابيات بصح قلت مع نفسي لازم ننساه كما هو نساني وتخلى عليا .فاتو3 شهور قدرت نرجع واخيرا لخدمتي وماخفتش نتلاقا بالماضي لانو عبير قاتلي راهو استقر فصحرا .نخدم ونرجع لدار كاين شحال من واحد خطبني بصح زواج نحيتو من راسي واخيرا رسموني فالخدمة فرحت اني نجحت وبدلولي طبيعة خدمتي عدت مساعدة طبيبة نفسية .تعلمت بزاف منها وحلمي كلما هو يكبر ويزيد .قاتلي طبيبة هيا نخرجو نتغداو خرجنا تغدينا حنا راجعين لقيت لابوليس بزاف قدام المركز امجتمعين باين عندهم كاش عملية شوي وركبو انا لمحت واحد شغل عرفتو بصح قلت موحال راهو فصحراء .فاتو ايام للخدمة لدار مع لعشية خرجت من خدمتي رايحا لطريق لبيس حسيت بطونوبيل تمشي ورايا بعقلها درت لقيت طونوبيل كحلا مايبان فيها حد بصح ماطولتش وراحت بلافيتاس قلت انا برك موسوسة .فليل قاعدا مع البورطابل نكونكتي مع عبير لقيت مساج دخلني من عند نيميرو ماعرفتوش دخلت قريتو وتشوكيت ماحنيتيش للماضي وللتهديدات انا ماش حنيت ليهم انا تواحشت القمرة .
أنت تقرأ
رهينة أمير الفصل الأول
Narrativa generaleهيا بطلة عاشت صغرها محقورة من والديها وكانت تشوف بعينها كيفاه كانو يفرقو بينها وبين والديها حتا كبرت وقررت تقرا علم نفس غير باه نفهم علاه يعاملوها بهاديك الطريقة لكن القدر جمعها مع انسان متسلط وسادي لكن حبو ليها كان صادق وجميل بعد خبايا كثيرة وغموض...
