حارة اللحام.

الفصل الرابع والعشرين ( من السُنة )

جلست خارج مكتبه تضع قدمٍ فوق الأخرى تنتظر سماحه لها بالدخول، لتنتبه إلى عاملته التي أذنت لها بعد دقائق بسيطة بالولوج. نهضت زاد بهدوء لتقترب من مكتبه تقوم بفتح بابه، ثم ولجت إليه تزامناً مع نهوضه عن مقعده وهو يُطالعها مُبتسماً بينما يقول بنبرة مرحة:

-" مبروك الحجاب".

طالعته بدون رد حتى أقتربت لتجلس على أحد المقاعد الفاصلة بينهما وبين مكتبه، ثم أجابت قائلة بنبرة هادئة:

-" شكراً يا شريف، أنا جيالك النهاردة علشان نتكلم بخصوص ميسون".

تحرك شريف عن مقعده ليقترب يجلس على المقعد المقابل لها وهو يلوح برأسه قائلاً بنبرة أمتزجت بدفاعه عن نفسه:

-" أكيد مش جاية تشتكيني وأنتِ عارفة أختك عملت إيه!".

تنهدت زاد بعمق وهي تُغلق جفنيها، لترفع رأسها مرة أخرى تنظر له وهي تقول بنبرة مُتزنة:

-" Let's talk seriously and clearly ( دعنا نتكلم بجدية ووضوح )، من البداية أنت إللي غلطت يا شريف، ومن حق ميسون إنها لما تشوفك غلطت تنفصل عنك، لأنك مغلطتش مرة أو اتنين، أنت بقالك ست سنين بتغلط وميسون مستحملة معاك على أمل إنك تتغير وتكون أحسن لكن للأسف دة مبيحصلش، أنا معنديش مشكلة إني أسمع كلامك زي ما بتقول كدة إن ميسون إللي غلطانة، If we assume ( إذا افترضنا ) إن ميسون هي اللي غلطانة فعلاً، وأنا كلمتها وقولتلها تتنازل عن القضية.. أنت هتتغير؟".

كان شريف يستمع إليها بأعين ضيقة أظهرت تركيزه وترقبه لحديثها، ليلوي شفتيه وهو يلوح برأسه بينما يقول بجدية:

-" يمكن أتغير.. ليه لأ؟".

نفت زاد برأسها في تلك اللحظة وهي تنظر له قائلة بنبرتها الثابتة بعدما لاحظت طريقته الغير مُبالية والتي ظهرت واضحة بالنسبة لها من طريقة حديثه:

-" يبقى أنت مش هتتغير يا شريف، أنت مش عندك النية لدة، أو زي ما بيقولوا الحركة إللي ميسون عملتها جاية على كرامتك شوية.. طيب وبالنسبة لكل إللي كنت بتعمله في حقها، محسسكش إن كرامتها من كرامتك وأنت كدة بتبوظ الاتنين؟".

قلب شريف عينيه بملل وكأن ذلك الحديث أصبح تقليدي بالنسبة له. استكملت زاد حديثها وهي تنظر له قائلة بجدية أمتزجت بالصرامة لرد حق شقيقتها بعدما أدركت بأنه لن يتغير أو يعود عما يفعله:

-" أنا مش جاية أقولك إني هساعدك علشان تصلح علاقتك بميسون، لأن دة بقى مستحيل يحصل، لو مش عايز مشاكل ياريت تطلق ميسون قبل ما الموضوع يكبر أكتر من كدة، وأي وقت هتحب تشوف چود فيه هتشوفها، وكمان أنت مش هتكون ملزم غير بإنك تدفع مصاريف چود بس.. ميسون رفعت عليك القضية دي علشان تضمن بيها حق بنتها، لكن هي مش عايزة منك حاجة".