හඹායමි ඔබව (SINHALA BL)

අනූ අටවෙනි පරිච්ඡේදය

"රට යනවා? හදිස්සියෙම? උබ එහෙම එකක් කලින් කිව්වෙ නෑනෙ අයියෙ. Are you fvcking serious?"

"මටත් ෂුවර් එකක් තිබ්බෙ නෑ බං මේක හරියයි කියලා."

"ඒ උනාට උබ-"

"මේ අහපංකෝ.. මං සරිතට විහිලුවට වගේ කිව්වෙ මාවත් ඔහෙට ගනිං කියලා. මං හිතුවෙ නෑ ඇත්තටම ඌ මට එහෙන් ජොබ් එකක් බලයි කියලා."

"දැන් ඒක කන්ෆම්ද?"

"මේකයි.. ඒක එහෙම ලොකූ ජොබ් එකක් නෙවේ. ඒකත් උගෙ හිතවත්කම ට හම්බෙන්නෙ. ඒ උනත් මට ඒ ඇති බං. අනික සමීරටත් පුලුවන් උගෙ qualifications වලට job එකක් හොයාගන්න. එතකොට ඉතිං ප්‍රශ්නයක් නෑනෙ. සෙට්ල් වෙන්න ටික දවසක් යයි. ඒත් සරිත් උදව්කරයි."

"සල්ලි නැතුව එකපාරටම රටක පදිංචියට යන එක ලේසි නෑ."

"පදිංචියට යන්නෙ නෑනෙ බං. ටික දවසකට ගිහින් බලන්නෙ.."

අයියා කෝල් කරලා හදිස්සියේම කියපු කතාවත් එක්ක මං තාමත් හිටියේ අදහා ගන්න බැරුව.

"ම්ම්.."

කිසිම දෙයක් ප්ලෑන් කරලා නෑ කිය කිය හිටපු එකා  එකපාරටම රට යනවා කියද්දී ඇත්තටම මං හිතුවෙ විහිළුවක් කරනවා කියලා. එහෙම එකපාරටම යන එක ලේසිත් නෑ ගිහිල්ලා ජීවත් වෙන එක ලේසිත් නෑ. ඒත් අයියා කියන විදිහට අයියගේ යාළුව නිසා ඒක එතරම් ලොකු ප්‍රශ්නයක් වෙන එකක් නෑ. සරිත් අයියා අයියගෙ බොක්කක්. ආදරෙන් පැරදුනු හින්දා රටෙනුත් ගිය මනුස්සයෙක්.

අයියා ඇත්තටම මොනවද කරන්න යන්නේ කියලා මට හිතාගන්න බෑ. උගේ අතේ ලොකු සල්ලියකුත් නෑ ඌ තාත්තගෙන් සල්ලි ගන්න කැමතිත් නෑ. ඒ මදිවට කම්පනි එකත් අත ඇරලා රට යනවා කියන්නේ තනිකරම පිස්සුවක්. මට තේරෙනවා ඌට ජීවිතේ අලුතෙන් පටන් ගන්න ඕනි කියලා, ඒත් මට බයයි ඌට දුක් විඳින්න වෙයි කියලා. මං වෙනුවෙන් හැමදෙයක්ම කැප කරපු අ‍යිය වෙනුවෙන් මට කරන්න කිසිම දෙයක් නෑ.

කම්පනි එක ගැන මං අයියගෙන් ඇහුවෙ නෑ. ඌට ඕන දෙයක් කරන්න නිදහස තියෙනවා. මේ වෙලාවේ අයියා කරන ඕන දේකට සපෝට් කරනවා ඇරෙන්න මට වෙන කරන්න කිසිම දෙයක් නෑ. මං ප්‍රාර්ථනා කරන්නේ සමීරයටයි ඌටයි සතුටින් කොහේහරි තැනක ජීවත් වෙන්න ලැබෙන්න කියලා විතරයි. කොහොමත් අයියා මේ සම්බන්ධ ගැන ගෙදරට දැනගන්න තියන්නෑ, මොකද මට වෙච්ච දෙයින් ඌ පාඩමක් ඉගෙනගෙන තියෙන්නේ. මං හිතන්නේ සමීරලගේ ගෙදරෙනුත් මේ ගැන මොකුත් දන්නේ නැහැ, දැනගත්තාම කොහොමත් ඌට ගෙදරින් යන්න වෙනවා. සමීර පවුලේ අය අතාරින්න හිත හදාගෙන ඉන්න කියලා මාත් එක්ක කිව්වා. ඔය කිව්වට ඌට ඒක කරන්න ලේසි වෙන එකක් නෑ ඒත් සමීර මේ වෙලාවෙ තමන්ගෙ ආදරේ වෙනුවෙන් ඕන දෙයක් අතාරින්න ලෑස්තියි.