Midum's pov
අක්කා ගෙදර හිටියේ නැති නිසා වගේ ම ෆෝන් එකත් ඕෆ් කරලා දාලා නිසා ගගන හිටියේ හොඳට ම බය වෙලා. එයා ඒ බව නොපෙන්වා ඉන්න උත්සාහ කළාත් මට එයා ව තේරුම් ගන්න බැරි කමක් නෑ නේ.
ගගන ආයෙමත් කිහිප සැරයක් ම අක්කාගේ ෆෝන් එකට ගන්න උත්සාහ කළාත් ඒ හැම වතාවක ම අනික් පැත්තෙන් ප්ලේ වුණේ එයාගේ ෆෝන් එක ඕෆ් කියන රෙකෝඩ් එක වෙද්දි ගගන තව තවත් බය වුණා.
"ඔයා ගාව අක්කාගේ යාලුවෙක්ගේ එහෙම නම්බර් එකක් තියෙනවාද?"
මං ඇහුවේ ගගනගේ අතක් බදාගන්න ගමන්.
"ම්ම්.. නෑ නේ- ආහ්.. පොඩ්ඩක් ඉන්න. මගේ ගාව ඩොක්ටර් මාධවගේ නම්බර් එක නම් තියෙනවා. මං අර ඔයාට දවසක් කිව්වේ අපේ අක්කාට කැමැත්තෙන් ඉන්න ඩොක්ටර් ගැන."
"එහෙනම් එයාට අරන් බලන්න. සමහරවිට එයා මොනා හරි දන්නවා ඇතිනේ."
"ඔහොම ඉන්නකෝ බලන්න."
මං ගගනගේ අත අතෑරලා එයාට කෝල් එක ගන්න ඉඩ දෙද්දි ගගන ඉක්මනින් ම ෆෝන් එක අරගෙන එයා කිව්ව ඩොක්ටර්ගේ නම්බර් එක හොයන්න ගත්තා.
ගගන වගේ ම මමත් බලාපොරොත්තුවෙන් බලන් හිටියේ ඩොක්ටර් ෆෝන් එක උස්සනකන්. මං දිගට ම ගගනගේ කලබල වුණ ඇස් දෙක දිහා බලා ඉද්දි ගගන කළේ එයාගේ කකුලකින් පොළොවට තට්ටු දාන ගමන් යටි තොලත් හපාගෙන බලන් හිටිය එක.
ඒත් එකපාරට ම ඒ වෙලාවේ ඉස්සරහා ගේට්ටුව දිහාවෙන් ඇහුණ වාහනයක් නතර කරන සද්දෙත් එක්ක ගගනගේ වගේ ම මගෙත් අවදානේ ඒ දිහාවට යොමු වුණා. ඒ එක්ක ම අපිට ඇහුණේ කවුරු හරි දෙන්නෙක් කතා කරන සද්දයක් වෙද්දි, ගගන ඉක්මනින් ම කෝල් එක කට් කරලා ෆෝන් එක සාක්කුවට දාගෙන ඉස්සරහා දොර දිහාවට ඇවිදන් ගියේ හරියට ඒ කටහඬ අදුරගත්තා වගේ.
මාත් කරන්න කිසි දෙයක් හිතාගන්න බැරි තැන ගගනගේ පස්සෙන් ම දොර ගාවට ගිහින් බැලුවේ ඒ කටහඬ කාගෙද කියලා.
"අක්කේ.."
මං ගගනට කිට්ටු කරනවාත් එක්ක ම දොර ගාවින් මතු වුණ රූපය දැකලා ගගන කෑගහද්දි මං ඉක්මනින් ම හොඳට ඒ කෙනා දිහා බැලුවා.
YOU ARE READING
ගගන මීදුම් | non fiction ( Taekook ) | (Ongoing)
Non-Fictionඅතීතයෙ අපිට අමතක කරන්න බැරි ගොඩක් තැන්වලට දෛවය අපි ව අරන් යන්නෙ අපිට ආයෙ ආයෙමත් රිද්දන්න කියලයි මං හිතාගෙන හිටියෙ. ඒත් දැන් මං විශ්වාස කරනවා, දෛවය එහෙම කරන්නෙ අපිට අලුත් වර්තමානයක් මුණගස්සන්න. - මීදුම් - දඬුවමත් ආශිර්වාදයක් කරන්න පුලුවන්, මගෙ ජීවි...
