ගගන මීදුම් | non fiction ( Taekook ) | (Ongoing)

34

Next day morning

Midum's pov

පහුවදා උදේ මමයි, ගගනයි, අක්කායි අපි තුන් දෙනා ම පල්ලි ගියා. අපි යද්දිත් ඉරිදා උදේ පූජාවට හැම දෙයක් ම ලෑස්ති කරලායි තිබුණේ. මිනිස්සුත් ගොඩාක් දෙනා පල්ලියට එන ගමන් හිටියේ.

ගගනයි, අක්කායි අඳුරන කට්ටියද කොහෙද සැරෙන් සැරේට හම්බවෙලා එයාලා දෙන්නා එක්ක වචනයක් හරි කතා කරලා යනවා. ගොඩාක් අය කිව්වේ එයාලා ගගන ව දැක්කේ ගොඩාක් දවසකට පස්සේ කියලා.

ඒත් ඉතින් මම නම් එයා ව හැමදාම දකිනවානේ. කාටද ඉතින් ආඩම්බර? මේ මට ම තමයි.

අපි තුන් දෙනා පල්ලිය ඇතුළට ගිහින් අල්තාරය පාමුල ඉටිපන්දම් පත්තු කළා. ගගනයි මමයි දෙන්නා ම එක ම ඉටිපන්දමක් අරන් පත්තු කරද්දි අක්කා අපේ දිහා හිනා වෙලා බලන් හිටියා.

ඇත්තට ම මං වැඩිය පල්ලි ගිහින් නැහැ. එක ම එක වතාවක් මගේ යාලුවෙක් එක්ක ගියා. ඊට පස්සේ මං මතක ඇති කාලෙක පල්ලියකට ගිහින් ම නැහැ. ඒත් දැන් ගගන ඉන්න නිසා මට ඕනෑ තරම් එයා එක්ක පල්ලි ආවැහැකිනේ.

මං ඉතින් පල්ලියට ඇවිත් කරන්න ඕනා දේවල් ගැන එහෙම ලොකුවට දන්නේ නැති නිසා ගගනයි, අක්කායි මාවත් එක්කන් ගිහින් වාඩි වුණේ පල්ලියේ පිටිපස්සේ ම බංකුවෙන්.

"අපි පිටිපස්සට වෙලා ඉමු. එතකොට ඔයාට අන්කම්ෆර්ටබල් නෑ නේ."

ගගන කිව්වේ ඇවිත් ඉන්න සෙනඟට නොපෙනෙන විදිහට හොරෙන් මගේ අතින් අල්ලගන්න ගමන්. හැබැයි අපේ එහා පැත්තේ ඉන්න අක්කා නම් මේ දේවල් හොඳහැටි දකිනවා.

"ඒක හොඳයි."

මං ආපිට ගගනට ලස්සන හිනාවක් දාලා කියද්දි ගගන බිම බලාගෙන හිනා වුණා. එයා ශුවර් එකට දැන් හිතනවා ඇති 'අනේ මේ කූට් කොල්ලාගේ හුරතල් වැඩ' කියලා. ඔව් ඔව් ඉතින් මං දන්නවා මං කියුට් කියලා.

ටිකකින් ෆාදර් ඇවිත් පූජාව පටන් ගනිද්දි කට්ටිය ම ප්‍රේ කරන්න ගත්තා. ඒත් මං කළේ අත් දෙක ඔඩොක්කුව උඩ තියාගෙන බිම බලාගෙන හිටිය එක. මං මේ දේවල් කරන්නේ කොහොමද කියලා නොදන්නවා වුණාට මං ඒ ගෞරවය දක්වන්න ඕනානේ.