ගගන මීදුම් | non fiction ( Taekook ) | (Ongoing)

18

Assaulting is mentioned in this part !!

_______________________________________________________

Gagana's pov

"මීදුම්ට මගේ කතාවේ ඉතුරු ටිකත් අහන්න ඕනාද?"

මං මීදුම්ගේ දිහා බලාගෙන එහෙම අහලා ලොකු හුස්මක් පිට කළේ මෙච්චර වෙලා මං මීදුම්ට මගෙ කතාව කියන්න අකුරු අමුණන්න ඕනාවට ඔලුවට පුරවගත්ත පරණ මතක ටික ඒ එක්ක ම උඩු හුළඟට පා කරලා අරින්න හිතාගෙන.

මොකද ඕවා ඔලුව අස්සේ ගොඩ ගැහෙන තරමට වෙන්නේ මට රිදෙන එක මිසක් වෙන යහපතක් නෙවේ.

"මං ලෑස්තියි ඕන තරම් වෙලාවක් අහන් ඉන්න. ඒත් ඔයාට විශ්වාසයිද තවත් ඉස්සරහාට කතාව කියාගෙන යන්න පුලුවන් කියලා?"

තාමත් අත් නොහැරුණු ඒ අත්වලින් මගෙ අත් දෙක අතගාන ගමන් මීදුම් ඇහුවේ හිතක් නිවන්න පුලුවන් තරමේ හීනි කටහඬින්.

ඔයා මාව නිවනවා මීදුම්. මතකයන් නිසා ගිනිගන්න මාව ඔයා හරි පරිස්සමට නිවනවා..

"හහ්..මං මෙහෙම හිටියාට ඉස්සර සමහර දවස්වලට පීරියඩ්ස් අට ම එකදිගට උගන්නපු ටීචර් කෙනෙක් මීදුම්. ඒකත් ඉන්ග්ලිශ්. යූ නෝ ඉන්ග්ලිශ්? අයි නෝ ඉන්ග්ලිශ්. තැන්ක් යූ. ඒ නිසා මට එකදිගට කතා කරන්න බැරි කමක් නෑ. මං වැඩ්ඩෙක්. අයි ඈම් අ' වර්කර්, යූ නෝ."

මං නිකන් කටට ආව මොනාදෝ මන්දා කුණුහරුප වගයක් කියලා දැම්මේ වෙලාවේ හැටියට මීදුම්ගේ වගේ ම මගෙත් මූඩ් එක හදාගන්න. අනේ මන්දා මං මොන විකාර කියෙව්වාද කියලා. දැන් නම් මට ම සැකයි මං ඉන්ග්ලිශ් ටීචර් කෙනෙක්ද කියලා.

"මොන හු- මං කිව්වේ මොනාද අනේ ඒ කියාපු හරුප? ට්‍රැක්ද ඔයාට?"

දැන් ටිකකට කලින් අඬ අඬ හිටපු මීදුම් ඇස් දෙකත් ලොකු කරගෙන කටත් ඇද කරගෙන මූණත් රුයිතෙට හදාගෙන මගෙන් ඇහුවා. එයා මගෙ දිහා බලන් හිටියේ හරියට මං මේ දැන් පිටසක්වලින් පහත් වුණ ජීවියෙක් ගාණට.

ඒත් මට ම හිතාගන්න බෑ මං මේ වෙලාවේ විහිලු කරන්න තරම් හිත ශක්තිමත් කරගෙන ඉන්නේ කොහොමද කියලා.

සමහරවිට ඒ.. මීදුම් නිසා..?

"නිකන් පොඩි විහිලුවක් අනේ කළේ. ඒත් ඔයා හිනා වුණේ නෑ නේ. මං විහිලු කරන්න දන්නෙ නෑ අනේ."