ගගන මීදුම් | non fiction ( Taekook ) | (Ongoing)

21

Next Friday

Midum's pov

තවත් වෙහෙසකර සතියකට පස්සේ දෙයියනේ කියලා උදා වුණේ දීර්ඝ නිවාඩුවක්. වෙන මොනාටවත් නෙවේ.. වෙසක් පෝයට.

ඒත් ඉතින් ඒ නිවාඩුව මට නම් හිතේ හැටියට විඳ ගන්න ලැබෙන්නේ නෑ. මොකද අපේ ගෙදර ඈයෝ ලෑස්ති වෙන්නේ මාව දීග දෙන්නනේ.

අද හවස ඉස්කෝලෙ පන්තියත් කලින් ම ප්‍රින්සිපල් සර්ට විස්තරේ පැහැදිලි කරලා දීලා නතර කරගත්ත නිසා අපි තුන් දෙනා ම කලින් ම ගුරු නිවාසවලට ආවා. මං ගගනට ගෙදර යන්න ඕනා කියලා කිව්වා ම ගගන කිව්වේ එයාත් නිවාඩුවට ගෙදර යන්න හිතන් ඉන්නේ.. ඒ නිසා එයා එක්ක ම යමු කියලා.

මං කොච්චර කිව්වාත් ඕනේ නෑ.. මට තනියම යන්න පුලුවන් කියලා.. ගගන නම් නෙවේ ඒවා කනකටවත් ගත්තේ. එයා හැමවෙලේ ම මාව එයා එක්ක එක්කන් යන්න නිදහසට කරුණු හොයාගත්තා.

හැබැයි කොහොමත් මං බස් එකේ ගියොත් එක බස් එකක ගෙදර යන්න බෑ. බස් ගාණක රස්තියාදු වෙන ගමනට වඩා ගගනගේ ඒසී කාර් එකේ සැපට යන එකත් සුපිරි චාන්ස් එකක් තමයි ඉතින්. අනික අනන්‍යාත් ඉන්නේ කොළඹ නිසා ගගන කිව්වේ එයාවත් ඒ එක්ක ම එක්කන් යන්න පුලුවන්නේ කියලා.

මං ඉතින් සියලු ම කරුණු සලකලා බලලා අවසානෙදි ගගනත් එක්ක යන්න තීරණය කළා. අනන්‍යා නම් සෑහෙන්න කැමති වුණා මගේ ඒ තීරණයට. මොකද නැත්තන් එයාටත් වෙන්නේ මගෙත් එක්ක බස් එකේ බඩගාන්නනේ.

ගගන කිව්වේ පොළොන්නරුවේ ඉඳන් කෙලින් ම පුත්තලමට ගිහින් එතැන ඉඳන් කොළඹට යන එක ලේසියි කියලා. මාත් ඉතින් ඕන එකක් කියලා එයාට එකඟ වුණා.

පුත්තලම කිව්වාට ඉතින් අපේ ගම පුත්තලමේ ඉඳන් කොළඹ දිහාවට තවත් කිලෝමීටර් තිහක් - තිස් පහක් විතර ගිහාමයි හම්බවෙන්නේ.

"ඔයාගේ බඩු ටික ඔක්කොම හරි නේද, මීදුම්?"

කාර් එක ගාව හිටගෙන හෙට දවස ගැන මනෝ පාරක් ගහගෙන හිටපු මගෙන් ගගන ඇහුවා.

"ආ.. ඔව්. ඔක්කොම ටික හරි."

"දොරවල් ජනෙල් එහෙම ඔක්කොම ලොක් කළා නේද අපි?"