بسم الله
ورد : لحظه لحظه هاذي جواهر إصدار جديد
ناظرت جواهر بدموع واردفت : فيني بلاء بصدري احس مكتومه
ورد حطت يدها على جبين جواهر : فيك سخونه حبيبي
جواهر بنفي : فيني ضيقه
انصدمت من صوت رغد و لينا و ريتان : ايووووا يابنات العم وحناا مالنا حضن !
لفت جواهر وهي تحضنهم وتدمع : عارفين الي فيني مايحتاج اتكلم
رغد بضحكه استهزاء : مدام اهلك غصبوك قصدي موافقين عليه خلاص وافقي يمكن فيه خيره
ناظرت جواهر في رغد: ماندري مين الي يستهزاء بالثاني
دخلت جواهر تحت أنظار صحباتها ودخلتهم مجلس النساء
دخلت مهره ترحب فيهم حضنت جواهر
أردفت مهره: بنتي وحبيبه قلبي احلىىى عروسه وغطرفت
ضحكو البنات وقعدو يصفقون لجواهر لين استحت
جواهر وهي تناظر امها : دامك مبسوطه أنا مبسوطه
سمعت صوت غطاريف بالدرج عرفت انه اعلان دخول خالاتها وضحكت وهي متحمسه لها فتره ما شافتهم ولا سافرت عندهم كله بسبب دوامها وانها ما ترتاح من المستشفى إلى المهام الصعبه
ودخلو مجلس النساء وهم يحضنونها بوناسه أردفت خالتها الصغيره : زي ما انبسطتي على ملكتي وزواجي جيتك وسحبت على زوجي يا احلى دكتوره جوجييي
ضحكت جواهر ونطقت : يا احلى خاله نورتيني
ناظرت جواهر رند أردفت : اي اي اندسي اندسي وراء امك اوريك بعدين
ضحكو على هوشاتهم الي دايم تصنع جو للعائله خصوصاً لو بدت شد شعور
فز قلب جواهر اول ما سمعت صوت الرجال وميزة صوت حب طفولتها ودمعت عينها ومسحت دمعتها قبل احد ينتبه انتبهت لها لينا ونادتها
لينا بخوف : جوجييي تعالي
جواهر بغصه : عيون وقلب جوجيي اعطيني ثانيه بس اسلم على جداتي واجيك
لينا : تمام
بمجلس الرجال
يردف اخو محمد الكبير : احنا ياعم جينا نطلب بنتك جواهر هل موافق
يرد عليه عزيز : موافق وسألنا البنت موافقه
محمد وهو يتكلم : دامها موافق ما ودي بشوفه ودي نكتب وخلاص
دق سلمان على جواهر ردت وهي ترحب فيه واذا ناقصهم شي
صدمها : ما يبي شوفه يبي يملك على طول موافقه
ضحكت جواهر : في خلل بعقولكم اقسم بالله والي يقول اني موافقه غصب بس مدام ابوي أعطاهم كلمه أنا موافقه
رد سلمان : دامك وافقتي عشان أبوي أنا برفض
جواهر بعصبيه : ما عشت تكسر كلمة ابوي ياويلك يا سلمان ياويلك
سلمان بتجاهل : بسوي الي ابيه وبكيفي زي ما تسوين الي تبينه
قفل بوجهها بدون ماترد
جت جواهر عند صحباتها وهي متوتره ونطقت : بناتتت بناتتت
رفعو انظارهم لها وشدوها تجلس على الكنب بينهم وسالوها بفضول : اشبككككك
جواهر : دق اخوي سلمانن وقاللي بيرفضضض عشانيييي
ردت رند على كلامها بصدمه : منجددد طيب لو طلع محمد
جواهر بخوف : ما يفرق لو كان هو ليه ما علموني من هو
سلمان دخل المجلس وتكلم : ابوي موافق لكن أنا لا
لف محمد عليه : مو مهم اهم شي عمي عزيز وافق وبعدين المملك بالطريق
سلمان ببرود : مو مشكله يجي وانا ارجعه اختي مو مرتاحه مو تغصبونها
عزيز بصدمه من سلمان : سلمان تعال اجلس وانت ساكت شي ما يخصك يخص اختك
سلمان بعصبيه بانت عليه : طيب أنا دقيت عليها سألتها قالت وافقت وهي مو مرتاحه
دخل عليهم الشيخ وهو يسلم
محمد باستفزاز لسلمان : للاسف فات الآوان
بد الشيخ يتكلم وهم يرددون وراه و وقع محمد وهي يبتسم ابتسامه انتصار
واشر لولد خالته الي بنفس اسمه عشان يكون شاهد
عارف انها بتنتبه للأسماء
اخذ عزيز الدفتر وتوجهه لمجلس النساء ينادي بنته توقع
انتشر صوت عزيز ف أنحاء مجلس النساء وهو ينادي جواهر :ياقلب ابوك تعالي
جواهر قامت بتوتر تحت أنظار خالاتها وعماتها وصحباتها
أعطها الدفتر بهدوء : وقعي يا ابوك
سحبت الدفتر برجفه وخوف من مستقبلها وطالعت بالشهود لمحت اسمه بين الشهود
دمعت عينها ونطقت : عندي شرط
عزيز : تبشرين ياعيون ابوك اكتبيه وابشري
كتبت جواهر شرطها انها تكمل أعمالها كامله وما يمنعها من شي حتى لو عرف بعملها الثاني
وقعت بقهر وتفكير
حضنها ابوها بقوه كانه بيفقدها : استودعتك الله ياعيون ابوك تراني زوجتك بواحد رجال من خيرة الرجال
ودخلت وهي منزله راسها
أردفت مهره: ارفعي راسك يابنت عزيز عمر بنته ما تنزل راسها
رفعت راسها بقهر وغصه بحلقها وحاسه انها انهارت داخلياً بس تنتظر الوقت الي تطلع وتتفرغ لنفسها وتنهار
بدت الغطاريف ترتفع وهي متوتره تنشر أنظارها حول الكل جلست جمب رند الي بدت تضحك ضحك هستيري تنتظر رد فعل من جواهر
ناظرت جواهر لها واردفت لها : مو وقتك اقسم بالله لا اصنك بالدله افلق راسك نصين
ضحكو البنات عليهم بدو يسولفون عن دوامتهم المختلفه
نطقت رغد بحقد : استخبارات ظلام كيف دوامك
التفتو الكل بصدمه على جواهر وكررت رغد كلامها بصوت عالي عشان يسمعها الكل
تابع .....
