بسم الله
صحت العصر وهي تفرك عينها مافي صوت بالبيت عرفت انهم طالعين يزورونه او نايمين رفعت جوالها لقت فهد مرسل لها : جواهر تفضلي هذا الموقع تلقين حامد قدامك اعقدو و بطلي عنادك مع اهلك ماراح يفيدك
قفلت جوالها راحت دورة المياه ( اعزكم الله ) غسلت وجهها وتفرش أسنانها وتناظر بنفسها بالمرايه تدمع عينها تناظر دبلتها وتكلم نفسها : صرت لغيرك كله بسبب عنادي ولساني الي م ينمسك
طلعت ولبست عبايتها بصاله شافت العامله : حياه وين ماما مهره يروح
ردت : انتي ما يعرف بابا محمد طلعوه وراحو صحراء معه
جواهر بتجاهل : تمام شوي برجع رتبي غرفتي
حياه : اوكي ماما
طلعت جواهر توجهت للموقع وصلت و نزلت شافت حامد ودخلو اتمو كل شي ورجعت لسيارتها تحركت وقفت قدام محل اكلها المفضل شافها العامل وتوجهه ياخذ طلبها كالعاده رجع للمحل فتحت ستوريات خالاتها الي مصورينه ومرسلين بالقروب لاحظت سعدتهم بدونها فكرت تنسحب مرا ثانيه سندت راسها على المقعد حق السياره تبكي من الي صار اخذت طلبها رجعت البيت مقررره تمشيها عليهم وتبعد
فالمخيم عند خالاتها
محمد : أنا و شروق انفصلنا
أنصدم الكل وشروق مبتسمه لانها فهمت وين مكانها ومين يستحقها
تكلمت هدير وهي خايفه عليه : محمد جواهر جواهر
ناظرها بخوف : وش فيها وش فيها
ردت هدير بتوتر : امس اعترفت انها متزوجه واحد غيرك
ضحك : اي اي صح عطيات صدقت بصراحه
كانت مرسله جواهر على مهره الي يأكد كلامها سحبت هدير جوال مهره ورت محمد
أنصدم وهو ماسك الجوال يتأكد من اسم حامد ينصدم اكثر
وقف توجههه لعزيز الي ما يعرف لحد الحين ولا احد يعرف غير الي جواهر تكلمت قدامهم
سلم الجوال لعزيز : شوف سوات بنتك
أنصدم عزيز : مو جواهر ما تسويها
اخوانها مافهمو قربو وشافو المصيبه الي سوتها
محمد : هل لسى واثق فيها بعد الي سوته
مسلم : مين حامد لحظه متى تزوجته
محمد : مبرمج عندنا بالقسم ثواني ادق على فهد يمكن يعرف
عزيز : دق خلنا نفهم
دق محمد بس فهد تجاهله عارف بيسأل عنها دق محمد على جواهر يبي يفهم
ردت جواهر وهي عارفه انه محمد بس تبي تحرقه : هلا حبي وينك ؟
رد بغيره : جواهرر وش مسويه
ردت بستغباء : اوهه سوري احسبك حامد
زادت غيرته : بأي حققق ها ياجواهر كيف قدرتي
ضحكت : وش فيها شخص حبيته وحبني وعادي عقدنا
سحب عزيز الجوال من محمد وصارخ : هاذي تربيتي لك هاا تنزلين راسي عشان تاخذين الي تبينه
ردت بخوف من الي بيصير : محد له دخل بحياتي وبنسبه لذالك انتظركم ترجعون تسلمون على حامد
قفلت المكالمه وهي خايفه تسحب شألها وتطلع للحوش تجلس على الجلسه وهي تتفرج بجوالها تجاهلت الرسايل منهم وبعد ساعتين وهي مبسوطه بالجو وتشرب مشروبها المفضل
دخل الحوش عزيز و وراه الباقي وقفت مهره تبعد عزيز وتردد : لا ياعزيز أتفاهم بعدين
بعدها وقرب من جواهر الي وقفت تمثل القوه مسكها من شعرها وهي تتألم تكلم بصراخ : أنا خليتك على راحتك كثيررر قلت صغيره وبتكبر وتفهم قلت بنتي الوحيده ما ابي افقدها لكن الحين راضي أفقدك
صرخت وهي تبكي وخايفه من ابوها اول مرا يسوي كذا : خلاصصصص يكفيييي عذبتونيييييي كل شي لازم بكيفكم وماقيسكم تبوني ارجع عشان ترضون نفسكممم انهيت كل شي وتزوجتتتت حامدد
دخل محمد وشاف عزيز ماسك شعرها بعنف ركض لها بعد عزيز وسحبها وحطها وراء ظهره : لا تقرب منها نفهم واذا تبيه تكمل معه
جواهر انهارت من ردة فعل ابوها وخايفه يقرب يضربها مسكت تشيرت محمد من وراء وشدت عليه : محمد انا بوجهكك تكفىىى امانههه ما يجيني شييي امانهه محمدد تكفففى
رد محمد وهو يطمنها : تبشرين محد بيقرب منك تمام ياعيوني
جلس عزيز وسحب جوال جواهر الي كان مفتوح و أعطها بعصبيه : دقي على الزفت
ارتجفت ودقت على فهد بدال حامد بعدت عنهم : فهد طحت بمصيبه اكبر
فهد وهو يضرب جبهته بيده : مو قلت لك افقهي بقولك يأم المصايب
ردت : مو وقتك ابوي يبي حامد جيبه وتعال معه
أنصدم فهد : عزيز عزيزز ناويه علينااا انتي
ضحكت من صدمته : اسفه بس عرف حامد يقول لنا 7 شهور متزوجين
رد عليها : طيب جهزي كفنين واحد لي والثاني لحامد
ضحكت بصوت عالي الكل سمعه : تبشر قبرك جاهز الحفريات الي قدام بيتنا
قفل وهو يضحك على كلامها سحب حامد من مكتبه وعلمه وش يقول
رجعت جواهر وجلست جنب محمد خايفه من نظرات عزيزز
كلمت محمد : مودي تتوقع اموت اليوم
أنصدم وقت دلعته : عيدي وش قلتي
كحت او ما استوعبت : قلت محمد تتوقع اموت اليوم
رد : انتي بوجهي بعدين لاعاد تكذبين ترا عارف وش قلتي اول شي
تجاهلته دخل فهد و وراه حامد الي يمثل الثقه عشان يأكل ضرب بكرامه فطست ضحك عليهم ضغط محمد على يدها : ترا في بهيمه جنبك يغار
