بسم الله
سبحان الله
أنصدم محمد يقرأ الرساله مره ومرتين طلع أعطها الجوال :خذي
شافته غضبه : فيك شي
هز راسه : لا مافيني
جواهر رفعت كتوفها : تمام
فتحت جوالها تقرأ الرساله تجمدت بمكانها بعد ماجت صوره حديثه لهم بالصاله ناظرت محمد على راسه ليزر احمر صرخت : نزل راسك محمد
استغرب طبق كلامها اشرت لابوها وامها الي سمعو كلامها تكلمت: محمد مسدس بسرعه
استغرب يعطيها مسدسه : امسكي تبين اجي معك
شافت الليزر على حُب صرخت : لا لا
سحبت بنتها لصدرها تعطي الشباك ظهرها مدت حُب :خذها وروحو لغرفتي بسرعه وانتم منزلين روسكم تكفون
أنصدم راح هو واهلها لغرفتها وقف يطلع مسدس : خلوكم هنا
هز راسهم طلع يناظرها تتوجه لشباك شافت بسطح العماره شخص مع سنايبر حدد على راسها هز جوالها برسله : يبدو انك حابه تموتين
ضحكت جواهر تصرخ : اي حابههه وكثيرررر بس قبلها شرايك نموت مع بعض
طلقت عليه محمد سحبها ينزلها تحت الشباك يرجع يطلق على الهدف الي طاح : مو تعلبين لحالك حتى أنا ابي العب
ضحكت جواهر مد يده يسحبها وقفت تضحك : نرجع للعبنا
هز راسه : مستعد جوجو مستعددد انتيي جاهزه
جواهر بأبتسامه خبث : أنا دايممم جاهزههه
قفل الشباك مسك يدها : بكلم عزام وفهد ينزلون مهام
ابتسمت : بدق الحينننن ابي انزل مهمه بكراااا
رفعت جوالها تدق رد فهد : الذيب عند ذكره ،،، المهم الحمدلله على السلامه ام حُب
جواهر : الله يسلمك فهيد ,,, اسمع ابي مهمهه اشتقت
فهد ضحك : تونا أنا وعزام بنطلعكم مهمه انتي ومحمد
جواهر بحماس:وين و متى و وش نوعها
فهد : هدي هدي بعلمك
جواهر تجلس جنب مهره : بسرعههه علمنييييي
فهد : بكرا على الساعه 8 ليل تتوجهون لمستشفى الامراض العقليه فيه جرائم قتل ابيك انتي بقسم النساء ومحمد قسم الرجال ولكم أجهزه تتبع و تنصت وبرضو سماعات تكلمونا فيها في مكان معين تتجمعون فيه لجل المعلومات مو الرومنسيه سامعه
ضحكت : ابشر بس المعلومه الاخيره علم محمد مو أنا ،، بس بخلصها لك بيوم
فهد : يكون احسن تخلصينها بيوم الثقه كلها فيكم
جواهر : ابشر الحين بقفل وبكرا بحضر عنك اخذ اغراضي
هز راسه : يلا بانتظارك
قفلت تنسدح على سريرها : يلا بنام خذو محمد وحُب معكم
ضحكو رفع حاجبه : اقول ازحفي بنام عندك
مهره وعزيز اخذو حُب يطلعون جواهر ابتعدت تسمح لمحمد ينسدح انسدح يفك شعرها : وش قال فهد
جواهر تشرح له التفاصيل : وبس كذا
كان يلعب بشعرها همس : تمام نامي
هزت راسها : مافيني نوم
ضحك : افضل بعد
ابعدت يده الي تبعد شعرها عن نحرها : محمد لم يدك احسن لك
ضمها : ابشري
نام وهي تسولف معه كشرت : حيوانن
فتحت جوالها ترد على علي : ماراح اسوي الي قلت لي زوجي وبنتي بحميهم لآخر نفس بحياتي
اعطته بلوك دخلت تتطمن على صحباتها : ورعه انتي وياه كيفكم
ورد : أنا في حالة حبب واحسن حالل
جواهر : فهيدد رومنسي
ورد : اكيددد معي بسسس
جواهر : خليك على جنب مع رند بطمن على زوجات اخواني
رند : أنا من ضمنهم
جواهر : لا تبريت من سلمان
رند : طيب طيب والله لعلمهههه ههههه
جواهر : علميههه
ريتان : وش فيكم
جواهر : جايه اطمن على زوجات اخواني ورند حاشره خشمها
لينا : طيب هي الوحيده زوجة اخوك
جواهر : وانتم سلاماتت ترا كشخت حُب من الحين ياويلكم
ريتان : احنا وش فينا
جواهر : ترا من جد ابوي كلم اباءكم
لينا : ليش وش يبي
جواهر : انتي اسكتي اجل ابوي من متى يبيع أيادي ياشيخه مسلم انصدم من ذكائك الغريب
لينا : من حقه ذكاء زوجته غير
جواهر : ايوههههه الاوللل اعترفتتت باقي الثانيههه
لينا حذفت رسالتها : مو أنا الي كتبته الكيبورد
جواهر : اي اي صح الكيبورد
ريتان : جواهر سالم حنون
جواهر : يقطررررر حنيههه
ريتان : دامه كذا أنا موافقه
جواهر : حي عينكككك باقي الست لينا
لينا : احس بستخير
جواهر : من حقكم المهم اسمع صوت بكي بروح اشوف لايكون حُب صحت على ماما
قفلت جوالها تبعد محمد نزلت من السرير تتوجه لصاله تفتح الباب تسمع الصوت قريب بس ما تشوفه : بسم الله
انتبهت لشي غريب بالصاله : وش ذا
مسكت الجهاز الي على الارض الصوت يصدر منه شافت عد تنازلي فهمت انها قنبله مؤقته انصدمت مسكتها تركض لخارج البيت وصلت الحوش حست بتعب لكن شافت الوقت يقل فكرت بأهلها سحبت المقص من المقلط طلعت برا البيت ببجامتها ركضت لمكان فاضي بعيد شوي من بيتهم ابتعدت قدر المستطاع بدت تقطع السلك بخوف ورجفه انصدمت برساله تظهر عليه : كالعاده ظلام نضحك عليك بتلاعبنا ارفعي أياديك وأرمي سلاحك واللاسلكي
جواهر انصدمت بدون تردد رفعت اللاسلكي: المكان ..... قريب من منزلي الساعه 3:30 فجراً عودة عصابة جارح
تمنت يكون احد صاحي يسمعها اخترق صمتها وخوفها صوت محمد باللاسلكي : ظلام قلتلك كم مره لا تلعبين بدوني
ابتسمت رفعت نظرها تنتبه لسياره تقترب حست بشخص يضمها من ظهرها التفت توسط مسدسها على صدره تغمض عينها :من سمح لك
فتحت عينها تسمع ضحكاته : زوجتي كيفي
ضربته : حيوان لا تعيدها خوفتني
لفها يأشر على اشخاص متلثمين : الهدف هناك ياحلوه
شدت مسدسها وحطته على راس واحد منهم : تتوقع لو طلقت على راسه يموت
محمد بتفكير : لا ما أتوقع يمكن يطيح على الارض بس
ضحكت تطلق تبادلو الطلقات معها هي ومحمد
صرخ : ظهرك ـبـ ظهري بسرعه
قربت تعطيه ظهرها وهو يعطيها ظهره يطلق على الاشخاص المتلثمين طلقت الين انتهى الرصاص : اوففف خلصصصص الرصاصص
محمد اشر على جيبه : ما تفوتني
طلعت مسدس تكمل على الباقي انتهو منهم طاحت على الارض بتعب تضحك و ترجف من البرد : اخيراً
نزل لها وهي ترجف ضمها يحس بجسدها البارد : بسم الله عليك
أبعدته : فهد و الفرقه جاين بالطريق لا يشوفونا كذا
محمد بغضب : لعنه تلعنهم وش علي فيهم تعالي بدفيك شوي
ضمها بقوه يدفيها وهو بكبره بردان بس يبي يدفيها من البرد سمعو صوت سيارة الشرطه
تذكرت انها ببجامتها : محمدددددد ببجامههه
ناظرها بصدمه يضحك بعدم استيعاب : اصبرييي اصبرييي
ضحكت : ياحيواننننن قوممم غطني الين ادخل البيت
كانت مو قادره تقوم ولا هو قادر من الضحك توجه لهم فهد : وش تسوون
ضحك من ضحكهم توجهه لسياره عزام يطلع شماغ محمد الموجود فيه رماه على محمد : استر زوجتك
محمد لفه عليها استوعب :ياحرميهههه سارقيننن شماغييي وانتممم عساكرررر !
زاد ضحك جواهر ضربته : خلاصصص محمددد موقادرههه اتنفسسس
ضحك : ابشرييي بس اتفاهممم مع ذول الحرميه مالقو يسرقون إلا شماغييي تراني ماخذههه لملكتييي ياعيالللل ....
حطت يدها على صدرها : مودييي خلاصصص
حس بكتمتها مسك فكها يهف على وجهها : تنفسي بشويش
حاولت تتنفس الين رجعت لصحّتها : موديي خلاص قاعد اتنفس
ضمها بخوف : بسم الله على قلبك
فهد : خذ حرمك وطلعها البيت
محمد : الحين بطلعها بس تبطل ضحك وتوقف
جواهر : فهيدددد
فهد ضحك : وش تبين ياجده
جواهر: والله طلعة رومنسيييي من ورانا
فهد : مع وردتي بسسس ,,, انقلعي لا اسحب منك المهمه
جواهر غمزت : اي اي وردتكك ,,, المهم نتقابل بكرا على المهمه واصلاً غصباً عنك تدخلني مهمه
فهد بحده : ابشري طال عمرك فيه شي زياده تحركي من هنا ولا بجازيك تكلمين اللمبه ذيك يلا
محمد شألها يمد لسانه لفهد : ماتقدر
عزام : بتتجازئ زيها وارداء
محمد يرجع يطلع لسانه لعزام : هيهييي كان زماننن
اشر عزام على لمبه : روح كلمها لين تعرف وش اسمها
ضحكت جواهر : عزاممم حراممم
فهد اشر : يلا معه بس ابيك تعرفين كم عمره يلا
جواهر كشرت : وشو بتخطبونها
فهد : اجل على كذا روحي اطلبي رقم ابوها
جواهر : والله لأعلم ورد
فهد صرخ ؛ يلا ظلام هناك
مسكت يد محمد يوقفون عند اللمبه ناظرته ضحكت :تتوقع كم عمرها
محمد يضحك : احس احس 30 سنه
جواهر ميلت راسها : وش اسمك
ضحك محمد : اسمها لمبايه ال انوار ال شارع
فطست ضحك : وههه محمد مو طبيعيي لي سنين ما تجازيت إلا مره بالدوره العسكريه والحين اتجازئ بسببك
فهد صرخ : ظلاممم انكتم
تأففت : فهيدد راعييي انييي ام
ناظرها محمد : وانا ايش تراني اب و ام احتياطي
عزام اخذ خيزرانه وقف يضرب رجولهم : اطفاللل قلنا اكبرو
جواهر تألمت : هييي عزاممم وقففف رجليييي
اختل توازنها سحبها محمد يسندها نزل يشوف رجلها : عزام ياكلب قسم لأوريك ليه تضربها بقوه قلنا مزح
عزام : عصبت شوي
محمد سحب الخيزرانه : خلني اوريك كيف تعصب
وقفها يركض وراه
عزام يركض : محمددد قسم بالله لاجازيك تكلم نملههه
محمد بعصبيه : جازئني اهم شي اخذ حق جوجوو
فهد كتف عزام : عطههههه عطهههه يامحمددد لا ترحمههه
ضرب محمد عزام تألم : يلعنكمممم ياحميررر
ابتعد محمد يرمي الخيزرانه : تستاهل
راح لجواهر ضمته وهي. تضحك : حبيبييي موديييي
شألها : عيوننن حبيبها
توجهه للبيت طلع معها لغرفتها : يمدينا ننام الساعه 5
هزت راسها : يمدي
انسدحت تنام انسدح يضمها : تصبحين بخير وبحضني
ابتسمت تنام بحضنه صارت عاده لها تنام بحضنه وهو ما يرتاح بالنومه إلا بقربها
صحت جواهر شافت محمد مو موجود حست بخوف حاولت توقف حست بدوخه وصداع يجتاح راسها حاولت ترفع نفسها ما قدرت تأففت : ليتني ما كملت نومي
سحبت جوالها تتصل على مهره دخلت مهره الغرفه : صداع و دوخه صح
هزت راسها : اي له فتره ماجاني توه الحين جاني واقرى من قبل
مهره اعطتها المسكن : خذي وحده بس مو زي ذيك المره
جواهر ضحكت : ابشريي
اخذتها اعطت الباقي لمهره وقفت تتوازن : حُب نايمه ولا لا
مهره : قبل شوي غيرت لها ونيمتها
جواهر سأل : ومحمد
مهره ابتسمت : راح مع ابوك واخوانك يجهزون عشان بنسوي عشاء لحُب
جواهر : انتم كل ماصار شي سويتو عشاء
مهره : اكيد انتم عيالي على كل شي لازم عشاء وعزيمه كبيرهه مدام البيت يركض فيه الخيل
جواهر توجهت لامها الي عند الباب كانت بتطيح استندت على مهره : تمام سو الي تبون الساعه كم
مهره : 7:14 تقريباً طولتو بالنوم
شهقت جواهر : المهمههه دقي على محمد بسرعههه
مهره اخذت جوال جواهر تدق على محمد ابتسم يرد عليها :صح النوم جوجتي
مهره : تعال البيت
انفجع : جواهر فيها شي حُب فيها شي
سمع استعجال جواهر ومهره تضحك : خاله وش فيه
مهره وقفت ضحك : زوجتك تقول المهمه
ضرب جبينه : يوهههه كيف نسيتتتت خليههااا تتجهز بسرعه
قفل التفت لعزيز : كملو انتم عندي مهمه
اخذ سيارة سلمان خلاهم و راح للبيت
جواهر كانت تطلع اغراض محمد مع اغراض الوقايه تجمع اغراضهم الي تحتاج والي ماتحتاج دق عليها : أنزلييي فهدد فجر الجواللل
لبست العباية طلعت بالأغراض تنزل بسرعه ركبت معه :كيف نسينا
رفع كتوفه : مدري بس اهم شي نروح
حرك السياره يتوجهه لمقرهم وصل ابتسمت جواهر : وحشنيييي ذا المكاننن
نزل يتوجهه لبابها : انزلي حبيبي
مد يده مسكتها تنزل ركض يسحبها ضحكت تركض وراه دخل على فهد وعزام شافهم معصبيه : ترا المهم بعد 30 دقيقه عادي
فهد ضرب الطاوله : قلنا الساعه 6 وعلمت جواهر بجميع التفاصيل ليه تتأخرون
جواهر : فهيدد ياعيون ورد كنا نايمين وتونا صحينا من سالفة امس
فهد : يليللل لقيتي ورد واسطهه خلاص انطقي الين اعطيكم اسلاحه غير الي معكم
جواهر : مامعي سلاح بس مع محمد
محمد سلم اسلحته ابتسم يشوف الفرد المطور وبتصميم جواهر ضحكت : الله فيهددد سويتووو
هز راسه : اي بيفيدنا بذي المهمه
أعطاهم اغراض للحمايه
فهد ناظر عزام : الاوراق
مدها عزام : خذ
فهد وجهه كلامه لجواهر : جواهر بيكون اسمك واسم محمد نفسه مافي تغير انتي مرضك النفسي اكتئاب لانك ام دميعه على طول تبكين ومحمد انفصام شخصيه لانه شكله عنده ذا المرض
جواهر هزت راسها : تممم لعبتييي الحزننن جيتووو لملعبي
محمد رفع حاجبه : لحظه جوجو فهد شقصدك
فهد ضحك: انت لازم تفحص نفسك
محمد اخذ المسدس : بفضيه برأسك ،،،من بيودينا
فهد ضحك يدخلون فريق يربطون محمد وجواهر استغرب :هيي فهد قاعد تخطفنا ولا ايش
فهد : لازم نمثل من هنا مو نرميكم قدام المستشفى
جواهر كان الصداع لسى موجود سحبوهم يدخلونهم سياره
جلس محمد يناظرها وهي تجلس : فيك شي
جلست بتعب : لا بس احتاج مسكن راسي مصدع
اقترب : اسنديه علي
سندت راسها على صدره كانت اياديهم مربوطه محمد وجهه كلامه لفهد : افتح أيادي
فهد التفت : سبب
محمد: جواهر تعبانه
وقف السياره : خلاص نلغي المهمه
جواهر برفض : لا لاتكبرون الموضوع مجرد صداع احتاج مسكن
عزام : طيب بنزل افك اياديكم
فتح اياديهم أعطها مسكن : خذي يمكن يخفف صداعك
شربته و شربت مويه تنفست بعمق : احس بـ
سكتت تناظر مكان معين محمد ناظرها بخوف : وش تحسين فيه
جواهر : فهد السياره مراقبه
فهد رفع حاجبه : وش دراك
