بسم الله
بعد مده وصلو لموقع نزلو اخذو وقت بعدها نزلو وهو ماسك يدها : اخيراً رجعتي وصرت زوجتي قريب تصيرين ام عيالي
استحت من كلامه ركبت السياره وهي تحس بطمأنينه معه وصل لمكان مظلم
تكلم بعد صمت : مو معنى تزوجتك تسكتين ابي اسمع صوتك
تكلمت وهي تحط جوالها بحضنها : وش تبيني اسولف كل شي يصير قدامك
محمد : طيب هاتي يدك
ناظرته : مو طبيعي كل شوي ماسك يدي أقصها لك تأخذها معك
ضحك على كلامها : هاتي وانتي ساكته ياعيني
جواهر توترت : وش ناوي عليه ؟ المكان يخوف ومظلم
ابستم : مو ناوي على شي بس ابي امسكها وبعدين المكان حلو مافيه شي بس اصبري
ناظرته وهي تبلع ريقها عدت مرات : لا تقرب ولا تتهور رجاءً
نزل من السياره وخافت اختفى عن نظرها بعد دقايق انفتح الباب شهقت بخوف
ضحك من خوفها : جواهر لا تخافين مافي إلا أنا وانتي
تكلمت وكل ماله يزيد توترها : خوفي ان مافي احد غيرنا
نزلها من السياره : غمضي عيونك وقت ما اقول افتح تفتحين تمام
جواهر : وين مودينييي
ابتسم : مكان حلو بيعجبك بس غمضي عيونك
بدأ يمشي وهي متوتره ويساعدها بالمشي وقفها : افتحي عيونك
شدت على عيونها : لا وش لابس قناع بتخوفني صح
ضحك على تفكيرها : مو وصلنا لذي المرحله لسى
وقفها قدام جلسه مسويها لهم : افتحي لا تخافين
جواهر بخوف : محمد متاكد ماراح تخوفني صح
محمد يطمنها : ماراح اخوفك بسرعههه افتحي
فتحت عيونها شافت الجلسه ابتسمت : كيف عرفت
استفهم : عرفت ايش
ابتسمت جواهر : اني احب العود والأجواء ذي
محمد : جوجتي من صغرنا وانا عارف
حضنته وهي تدمع : ربي ارسلك عوض لي الحمدلله على وجودك
ابتسم وحس بدموعها : بسم الله عليك وش صار وش الدموع ذي خلينا نستانس
أبعدت عنه وهي تمسك يديه : دموع فرح لأول مرا بعيني
قرب أياديها من ثغره يقبلها بحنيه : جعلني فدا ذي العيون الحلوه الي بتجيب اجلي
سحبها وجلسو سألها : وش حابه ادق لك
ابتسمت : مو الحين احس خلي شوي
حاوطها بذراعه وهو يسند ظهره ويسند راسها على صدره : براحتك متى ما بغيتي بس ما علمتيني وين شألي وكيف اخذتيه
جواهر سألته : اي شأل
محمد : الي رقصتي فيه مصري يا حلوه
جواهر تنكر : اناااا ارقصص مصرييي مستحيللل مين قال
بعد شعرها عن وجهها : محد قال أنا شفتك
جواهر تحاول تصرف الموضوع ترفع راسها : شرايك تدق عود
رجع راسها لصدره : لا جاوبي وادق لك عود
جواهر : خلاص بنام وانت فكر
ابتسم : مافي نوم ولا عود الين تعلميني
جواهر تأففت : يوم كنت تعبان طاح منك وحبيت اني احتفظ فيه ان ماصرنا لبعض وبرضو عشان كنت معصب خفت تخاصمني
محمد : الحمدلله صرنا لبعض ما تدرين من اعطاني الشأل عشان اعصب
جواهر : مين
ابتسم وعيونه تدمع : آخر هديه من ابوي قبل لا يروح بالحادث وقبل تختفي جثته
حست بحزنه وضيق صدره رفعت راسها فتحت حضنها : الحين دورك تفضفض
سند راسه بحضنها وهي تسند ظهرها : فضفض
نزلت دموعه : جواهر تعذبت وكثيررر يوم بعدتي زاد عذابي أنا شفت ابوي وشفت الي اخذ جثته لي سنيننن ادور الي اخذها مالقيته غير اخواتي واخواني الي من ابوي احاول احسن علاقتي معهم عشاني خايف من أشياء كثيرررر خايف منهم وعليهم ماني عارف وش نهايتي يمكن تكون قريبه
